MANEUTNYI 13:16 - TÖHET LĪPÖRE (Re-edited) Bible (BSI)

¹⁶ Ngaich angū-ö min nö minkahngö nö i kël meh minkahngö inrē nö i māl meh, i hôi mat meh: pòn i kumlēḵ këlre ngam Mā Tēv nö kēnyen ih ṙā-ang Aikup.

MANEUTNYI 13:16 Referans Kwoze

MANEUTNYI 13:9

Minkahngö an min angū-ö nö in meh, nö i kël meh, inköpkölōn inrē nö i hôi mat meh, hòṅ ngam Chöngö ngam Tēv nö elvāng meh: pòn holtö kumlēk këlre ngam Mā Tēv nö ṙānyen meh ṙā-ang Aikup.

I. CHÖNGÖ 11:18

Lökten yin hòṅ ṙātö në ṙô chu ellōn yīö i nômö yīö inrē; nyëklö u yī-ö inrē nö minkahngö nö i kël re, i māl yīö inrē i hôi minë mat yīö.

MANEUTNYI 13:14

Ngaich mīnö hē öp kūön meh min nö hatönö meh ip hē e, nö ngö ṙô, Suh öng ngih? Ngaich ngö ṙô më-eṅ min tö ò, Kēnyen ih an ngam Mā Tēv misī ṙā-ang Aikup, nö i kumlēḵ këlre, ṙā-ang el öp patī inkövö.

T. MËTIV 23:5

Ṙòkhöre pöri nup la-en cha, nöng inmeukhömat tarik. Pò cha nö pōitāk tī tö nup tökūichö i vanön kui cha; ṙūönyö tanāich hilāre inrē.

I. CHÖNGÖ 26:8

Ngaich ngam Mā Tēv nö kēnyen ih ṙā-ang Aikup nö aṅtī tö kumlēḵ kël, aṅtī tö töteuthak kël aṅtī tö tökiröng pinhë-eṅkūö, aṅtī tö minkahngö, aṅtī tö pinngangkūö inrē:

MANEUTNYI 12:13

Ngaich ap mahām min nö in meh nö minkahngö nö i nup patī chūök yīö: ngaich hē Chu meuk ap mahām, chööḵngen yīö Chū-ö min, ngaich yī-ö min ötteunghu tö plēk nö inlëlngö yīö, hē Chu chökhutī tö ngam panam Aikup.

INLAHEN 13:17

Katöllö yik muvöhngö hī An ngam Tēv vē tarik Israĕl; ngaich hapōilö yik tarik, hē cha nö iyöng ip panam tahëng, Aikup; aṅtī tö minhôiṅyöre Anga-aṅ nö kēḵnyen cha, nö ṙā-ang in e,

MANEUTNYI 6:1

Ngaich ngöṙô ngam Mā Tēv tö Môsös, Min man meuk tī chu tö Fërō: Pò ò min nö hökngöröön cha nö aṅtī tö ngam tökalēḵ këlre, ahōnyen cha min angā-aṅ nö ṙā-ang im panam ò, nö aṅtī tö ngam tökalēḵ këlre.

MANEUTNYI 6:6

Lökten nö ngöṙô tö yip kūön Israĕl, Chū-ö Chin Yāvē, kēnyen yīö chin min ṙā-ang i nup lumngan tī yip aṅ Aikup, kēnyen yīö chin ṙā-ang el inkövö tī cha, aṅtī tö töteuthak kël min Chū-ö ṙānyen yīö, aṅtī tö öp yöng inkaha fālen inrē;

MANEUTNYI 12:41

Ngaich ngö inlahen i kinheūṅtö töfënòng lūöi anāi samyeūheu, im sakāmö angū-ö nö teungtö kūö nö ṙòkhöre yik tarik ngam Mā Tēv nö kunyi-inyre nö ṙāngö ngam panam Aikup.

I. CHÖNGÖ 5:15

Hòṅ köpölōn më-eṅ inrē tö meh misī kūön alaha ip panam Aikup, ngaich ngam Mā Tēv ngam Tēv meh nö kēnyen meh ṙā-ang in e nö aṅtī töminhôiṅyö kël töteuthaka: lökten ngam Mā Tēv ngam Tēv meh nö hachöngten meh haköpkö ngam anôilö sakāmö.

I. CHÖNGÖ 6:21

Ngaich ngö ṙô min më-eṅ töp kūönre kikōnyö, töhakövö in īhö misī tö Fërō i Aikup; ngaich holtö kumlēḵ këlre ngam Mā Tēv nö kēnyen ih ṙā-ang Aikup:

KAMHÔKA 2:12

Ṙāngö ngam mā Tev cha-a, ngam Tēv yik muvöhngö cha, ngam kamënyen cha nö ṙā-ang öp panam Aikup, ngaich tömrit nup tahëng tēv, nup tēv yik tarik mahavīlen cha, sōntöre inrē nö in u: ngaich cha-a nö harunnyö lanīnö ngam Mā Tēv.

NAHIMIĀ 1:10

Tarik Meh yin kūön alaha Meh inrē, vē töṙānyu tö ngam tökiröng minhôiṅyö Meh tökalēḵ kël Meh inrē.

Salmai 136:11

Ngaich kēnyen Israĕl nö ṙā-ang in cha: pò ngam miṙēlōn Ò nö örheūheu nö köp.

INCHŌḴ-OṘÔ 6:21

Kapòkngö u ellōn meh örheūheu; nyëkngö u inrē i likeun meh.

TANĪ-ĔL 9:15

Ō Mā Tēv ih, kamënyö vē tarik meh nö ṙā-ang ip paam Aikup nö aṅtī tö kumlēḵ kël re, ngaich vīlö minë-eny re me-eṅ, sā ngih sakāmö töngamuh, köölöfālen in, kēken ötlanöökö in.