MANEUTNYI 13:10 - TÖHET LĪPÖRE (Re-edited) Bible (BSI)

¹⁰ Lökten man min haköpkö ngih Chöngö i tum samyeūheu.

MANEUTNYI 13:10 Referans Kwoze

MANEUTNYI 12:14

Inköpkölōn yīö an min ing sakāmö; haköpkö e yī-ö min nö tökiröng nyinā-aṅ i ngam Mā Tēv: haköpkö e yī-ö i tumkölchap yīö nö tökiröng nyinā-aṅ nö örheūheu nö i Chöngö. Sakāmö Ngam Tötaföhlöngö Ròtī

LA-EN LĒVĪ 23:6

Im tinneui sīön sakāmö ngam chingëṅt anga-aṅ öp tökiröng sakāmö ngam töt-aföhlöng rôtī im Mā Tēv: sat sumkam yī-ö min nyā tötaföhlöng rôtī.

MANEUTNYI 23:15

Tökiröng sakāmö tötaföhlöng ròtī Haköpö tö meh: sat sumkam kūö më-eṅ nyā tötaföhlöng ròtī sā chu hachöngten meh, ip hē töhalēnlöng ip Apip chingëṅt; (pò meh hē e kunyī-inyre ṙā-ang Aikup;) un hĕng tak min tömeūkö nö i kūö Chu nöng chanlööpṙen:

MANEUTNYI 12:17

Haköpkö ngam tökiröng nyinā-aṅ tötaföhlöng rôtī; tön angū-ö an sakāmö hē Chu kēnyen yīö öi maṙôngö ṙā-ang Aikup: lökten yin haköpkö ngih sakāmö i tumköl chap yīö nö örheūheu nö Chöngö.

MANEUTNYI 12:42

Hatööm an angū-ö nö tökiröngen inköpka nö im Mā Tēv, pòn kēnyen cha Anga-aṅ nö ṙā-ang panam Aikup; Hatööm ngam Mā Tēv an angū-ö nö tökiröngö hinöngken tö yip kūön Israĕl nö ṙòkhöre i tumkölchap cha.

MANEUTNYI 13:5

Ngaich mīnö hē ngam Mā Tēv nö kēten yīö im panam aṅ Kanā-an, aṅ Hitāit, Aṅ Amôr, aṅ Hivāit; aṅ Yapus inrē, ngam kinë-eṅ kūö meh tö Ò nö chūöku ṙô nö i yik muvöhngö meh, öp panam töhëmö aṅkūö tö aṅteh hönī inrē, haköpkö ngih la-en më-eṅ min i ngòh chingëṅt.