MANEUTNYI 12:8 - TÖHET LĪPÖRE (Re-edited) Bible (BSI)

⁸ Im hatööm chā-a min nö kāḵ ap alaha, harāngö i kūö tameūyö, öp töt aföhlöng ròtī inrē; kā-a e chā-a nö holkūö tö tö angū-uvö rōi chōn.

MANEUTNYI 12:8 Referans Kwoze

MANEUTNYI 34:25

Uh man kētö öp mahām öp tökētu nö in Chu nö holtö tö-aföhlöng ròtī; unrēhĕn min öp tökētu ip tökiröng sakāmö ngam Chinööḵöng nö ṙātu nö söllö peuheū.

I. CHÖNGÖ 16:7

Harāngö ò më-eṅ ngaich kā an ip chūökö atöllö ngam Tēv ngam Mā Tēv meh: ngaich ip peuheū më-eṅ kuhēthötre el nup inrūkui meh.

Isayā 53:10

Ngaich pöri nö lōn ngam Mā Tēv nö piṙòknyö alaha ò; kēten ò anga-aṅ nö i miṙivlōn: hē meh vīten öp nômö ò nö tökētu kūö tökööl, meuk öp kūön re an min, ngaich ṙūötö sakāmö ò min anga-aṅ; kôlò ap min lōn ngam Mā Tēv nö eltī ò.

MANEUTNYI 23:18

Un kētö mahām öp tökētu nö in Chu nö holtö tötaföhlöng ròtī; un rēhĕn nup tösangöö ip tökiröng sakāmö Chu nö hĕng mitööm nö ōtren nö söllö peuheū.

MANEUTNYI 13:7

I el minë tö sat sakāmö nö nyā-aṅ öp töt-aföhlöng rôtī; öt meūkö min tö-aföhlöng rôtī nö in meh, ötrēhĕn min nö meūkö töt-aföhlöng rôtī nö in meh, ṙòkhöre i kūöngö ngih panam meh.

MANEUTNYI 13:3

Ngaich ngö ṙô Môsös tö yik tarik, Köpölōn tö ngih sakāmö, ngih hēnyö yīö ṙā-ang Aikup, ṙā-ang el ap patī inkövö; pòn lökten i kumlēḵ kël ngam Mā Tēv nö ṙānyen yīö ṙā-ang ip chūökö angū-ö: öt nyā-aṅ min tö-aföhlöng rôtī.

MANEUTNYI 1:14

Ngaich chā-a nö vīten cha nö kunyāhaṅlōn nö i nuk tökihngen la-enre, i vinī-i lanit īt inrē, nup tökeuheūttöre la-en inrē el kahôyö, ṙòkhöre nup la-en cha, nup chūök tī cha tö cha nö kalē-ĕ la-en.

1 TÖSALÒNIKĒ 1:6

Ngaich yī-ö ma-asīnken ih, ngam Mā inrē, öi teūngen ngaich tö ngam ṙô holtö inkôlò, holtö ṙanāmölōn inrē aṅ im Töhet Fanöinylö;

KALATĪ 5:9

Rahëichyen öp inföhlö, keuheūtlöre fanöhlö tī töm tö hĕng mumūlö.

T. MËTIV 26:26

Ngaich hē cha nö nyā kēḵ ròtī ang Yēsū; hakôlò e ngaich, ngaich fôkö e; ngaich ngö ṙô Anga-aṅ, nö kē-ĕkūö yik mahaköp, Euṅh nya-aṅ e; alaha Chu an.

T. MËTIV 16:12

Ngaich möl cha-a nö akahalōn tö Ò nö öt hōten cha nö akahalōn tö Ò nö öt hōten cha nö haṙēmngenre i nup tö-aföhlöng ṙòti, tön i nup inköphöti aṅ i yik Feresī, Satukī inrē.

SAKARIĀ 12:10

Ngaich chū-ö min ṙöstö kui ngam patī Tāvit, ṙöstö kui yip aṅ Yērusalem inrē tö ngam ma-alaha inkôlò vine-elkui inrē; ngaich cha-a min nö hatīönkö kūö ò öp tösāpi tö cha: ngaich cha-a min nö haṙivhen ò, sā öp töhaṙivlōn töp töng hĕng maneuk kūön re kikōnyö, ngaich min inrē nö kiröngö miṙivlōn tö ò, sā kinröngö miṙivlōn tö lanòhre.

AMŌS 4:5

Kētö nöinyö tökētu inrē aṅ i nuk tö-aföhlöng, ahangkö nup kanahanglōn tökētu inrē hatāinyö hināngö u inrē: tön angū-ö an ööi yīö, Ō yī-ö kūön Israel,ṙô ngam Mā Tēv.

Salmai 22:14

Ṙösnyu chin sā mak, ṙòkhöre në tangëḵ chu nö öt taptöre kūö: sā paröm an ngam ellōn chu; ayëri an nö ellōn chu.

MANEUTNYI 12:9

Un kā-a angū-ö nö uhāv unrēhĕn nö sumtu nö el mak harāngö pöri nö i kūö tameūvö; ap kui ò holtö nup kalröön ò tö nup aṅ ellōn ò.

2 KINṘÖTNGÖ 35:13

Harang ngam tötāli sīṅp ngam chinööḵngö cha-a nö i kūö tameūiyö nö sā ngam chöngö; ngaich cha-a inrē nö sum nup töhet tökētu nö el tanīöyö, el kaltīròng, el törah inrē, ngaich ka-eūyen nö kētö u nö in yip töng tarīkaṙa.