MANEUTNYI 12:7 - TÖHET LĪPÖRE (Re-edited) Bible (BSI)

⁷ Ngaich chā-a min nö kē öp mahām, ngaich māichtö e nö i nup tö āṅlā-a mirëṙö machööḵlö kālkui inrē: i nup patī inrē chūök cha nö nyā-avkūö tö ò.

MANEUTNYI 12:7 Referans Kwoze

HEPRĀI 11:28

Lökten i ṙinātö ellōn anga-aṅ nö haköpkö ngam Paska, ngam kinchenytö mahām inrē, hòṅ ngam mahalëlngö yik lanòh nö öt lūölken cha.

HEPRĀI 9:22

Ngaich sā ngam chöngö, öhten nö ṙòkhöre nö ahetlöngö tö mahām; yĕn öt kitaktu maham, ngaich öt inṙēlu tökööl,

EFISÖS 1:7

Ngam lökten hī inyöökuṙen lökten i mahām Ò, ngam inṙēlö nup tökööl hī, sā ṙôken kanôlò Ò tö inlōnti;

1 PĪTÖR 1:2

Sā ngam mu-urĕh inkaha aṅ im Tēv ngam Yöng, i inhethölö tö ngam Töhet Fanöinylö, nö im ötminôṙô ngam kinchenytö mahām Yēsū Kristū inrē: inlōnti yēḵ in yīö, lanāmö inrē nö ṙūöhlöre ṙôken.

HEPRĀI 10:14

Pòn lökten i ngam töhĕng tökētuvö, Anga-aṅ nö hateungten cha nö örheūheu yip tö-ahetlöngö.

HEPRĀI 10:29

Iṙôkhöl öt inkôlò min, tö lōn yīö, anga-aṅ, ngam ramööntö kui ngam Kūön ngam Tēv nö elröönre ngaich inrē nö kaheuktö ngam mahām ngam kinlēḵngô nö töthet, ngam löktö ò nö ahetlöngö, ngaich miyëḵṙen inrē tö ngam Töhet Fanöinylö inlōntö?

I. CHÖNGÖ 11:20

Kūichngö u inrē më-eṅ i kaha nup machööḵlö inkūp patī re i kui nup inkūp kinlōngö meh inrē.

1 RĀCHA 6:31

Ip lökhöt im töhet chūök vī inkūp anga-aṅ nö chōntö ôliv: ngaich ök tinṙīöngö nuk machööḵlö ök inkūp nö töhĕng i tötaneui tit kaha ngam patī.

ISIKĪ-ĔL 9:4

Ngaich ngö ṙô ngam Mā Tēv tö ò, Kiröönngöre man lök elpanam, lök Yērusalem, mikahngö māl yip tarik töhaṙivlōn mahalöinyöre inrē tökūö nup sin-òkkūö nup tökēkaṙen nö in e.

MANEUTNYI 12:13

Ngaich ap mahām min nö in meh nö minkahngö nö i nup patī chūök yīö: ngaich hē Chu meuk ap mahām, chööḵngen yīö Chū-ö min, ngaich yī-ö min ötteunghu tö plēk nö inlëlngö yīö, hē Chu chökhutī tö ngam panam Aikup.