MANEUTNYI 12:41 - TÖHET LĪPÖRE (Re-edited) Bible (BSI)

⁴¹ Ngaich ngö inlahen i kinheūṅtö töfënòng lūöi anāi samyeūheu, im sakāmö angū-ö nö teungtö kūö nö ṙòkhöre yik tarik ngam Mā Tēv nö kunyi-inyre nö ṙāngö ngam panam Aikup.

MANEUTNYI 12:41 Referans Kwoze

INLAHEN 1:7

Ngaich ngö ṙô Anga-aṅ tö cha, Rö-ö yin yī-ö hōtu akahalōn tö ṙētak, hēk hē, ngam mī-im chöngö ngam Yöng.

T. YÔHAN 7:8

Kuṙòh, kiröönngöre yin yī-ö im paratīn; öl Chin Chū-ö kiröönngöre, i ngih paratīn; pòn öl tö yihih ngam ṙētak Chu.

HAPAKŪK 2:3

Pò ngam tömeūkö nö mī-ip ṙētak re, veūtö röön an inrē nö kū-ötö öp manāngen, öthō inrē nö minyôiny-aṅ: pòrô anū-ö nö öl, hökken e; tön öthō an min nö öt yih öt ahāṅkenre an min.

TANĪ-ĔL 9:24

Sat afta i nup samyeūheu nö chöngö i inlahen yip tarik meh töngam töhet elpanam meh inrē nö kinhēutngen ngam fālen, tinahngö tökööl, inlām tö ötlanöökö inrē, kinëtö lanöökö inrē töt chanūhuvṙen inköpngö kūö ngam tömeūkö tö ngam pròfĕt inrē, inchāmö kui ngam tölngö töhet chūökö inrē.

Salmai 102:13

Choholre Man min, aheūkölōn inrē tö Siyòn: pò e nö ngaich nö ṙētak miṙēlōn meh tö e, hôṅ, yih an nö ngaich ngam tö halēni ṙētak;

YÔSUĀ 5:14

Ngaich ngö ṙô anga-aṅ, Hö-ö; yöngkūö yip tömaṙôngö pöri aṅ im Mā Tēv öich yih töngamuh. Ngaich Yôsuā nö afukngöre fāthakkūö nö el tumlat, ngaich salām, ngö ṙô inrē tö ò, Suh ap ṙô ngam Mā chu nö in ngòh tarik ò?

MANEUTNYI 12:51

Ngaich ngö inlahen im angū-ö sakāmö, tö ngam Mā Tēv nö kēnyö yik kūön Israĕl nö ṙòknyöre tī nö ṙā-ang panam Aikup.

MANEUTNYI 12:17

Haköpkö ngam tökiröng nyinā-aṅ tötaföhlöng rôtī; tön angū-ö an sakāmö hē Chu kēnyen yīö öi maṙôngö ṙā-ang Aikup: lökten yin haköpkö ngih sakāmö i tumköl chap yīö nö örheūheu nö Chöngö.

MANEUTNYI 7:4

Hö-ö pöri min Fërō nö hang ṙô meh, ngaich Chū-ö min kētö tīre i kui Aikup, ngaich kēnyö yip tömaṙôngö, yip tarik chu kūön Israĕl, nö ṙā-ang im panam Aikup: aṅtī tö yöng kinṙôka.

MANEUTNYI 3:10

Tā-a, lökten, Töich tīnten meh in Fërō, hòṅ meh kēnyö yip tarik Chu yip kūön Israĕl nö ṙā-ang Aikup.

INLAHEN 7:36

Anga-aṅ ṙamānyen cha, tö kinheūṅtö tīre tö nuk pinngangkūö, minkangö inrē, i Aikup, el ap Mai Ētöm inrē, elinchōn inrē, fën anāi samyeūheu.

MANEUTNYI 3:8

Yih chin ngaich ṙānyen cha ṙā-ang eltī yip aṅ Aikup, kēyen cha inrē ṙā-ang ap panam, nö ip tölöök panam, tökiröng inrē, öp panam töhëmö aṅkūö tö aṅteh, hönī inrē; i chūök yip Kanā-aṅ, Hitāit, Amôr, Perisāit, Hivāit, Yapusāit inrē.

MANEUTNYI 6:6

Lökten nö ngöṙô tö yip kūön Israĕl, Chū-ö Chin Yāvē, kēnyen yīö chin min ṙā-ang i nup lumngan tī yip aṅ Aikup, kēnyen yīö chin ṙā-ang el inkövö tī cha, aṅtī tö töteuthak kël min Chū-ö ṙānyen yīö, aṅtī tö öp yöng inkaha fālen inrē;

Ranehlö 50:24

Ngaich Yôsĕf nö ngöṙô, töyik hanöngkisānöre, Kapah chin; kô-en pöri min ngam Tēv nö chöhken yīö, kēnyen yīö inrē ṙā-ang i ngih panam, öi ip panam ṙô Ò nö kilēḵngôre, nö in Aprahām, Isāk, Yāköp inrē.

MANEUTNYI 6:26

Chā-a yin ṙô ngam Mā Tēv, nö in nā Āròn, nā Môsös, nö ngöṙô, Kēnyö yip kūön Israĕl, nö ṙā-ang panam Aikup, sā ṙôngö cha.

MANEUTNYI 13:3

Ngaich ngö ṙô Môsös tö yik tarik, Köpölōn tö ngih sakāmö, ngih hēnyö yīö ṙā-ang Aikup, ṙā-ang el ap patī inkövö; pòn lökten i kumlēḵ kël ngam Mā Tēv nö ṙānyen yīö ṙā-ang ip chūökö angū-ö: öt nyā-aṅ min tö-aföhlöng rôtī.

MANEUTNYI 13:9

Minkahngö an min angū-ö nö in meh, nö i kël meh, inköpkölōn inrē nö i hôi mat meh, hòṅ ngam Chöngö ngam Tēv nö elvāng meh: pòn holtö kumlēk këlre ngam Mā Tēv nö ṙānyen meh ṙā-ang Aikup.

MANEUTNYI 13:14

Ngaich mīnö hē öp kūön meh min nö hatönö meh ip hē e, nö ngö ṙô, Suh öng ngih? Ngaich ngö ṙô më-eṅ min tö ò, Kēnyen ih an ngam Mā Tēv misī ṙā-ang Aikup, nö i kumlēḵ këlre, ṙā-ang el öp patī inkövö.

MANEUTNYI 13:16

Ngaich angū-ö min nö minkahngö nö i kël meh minkahngö inrē nö i māl meh, i hôi mat meh: pòn i kumlēḵ këlre ngam Mā Tēv nö kēnyen ih ṙā-ang Aikup.

LA-EN LĒVĪ 23:43

Hòṅ yip tumkölchap yīö nö akahalōn tö Chu vīten yik kūön Israĕl nö iyöng el inrūkui, hē Chu kēnyen cha nö ṙā-ang ip panam Aikup: Chū-ö Chin Tēv meh Öich Mā Tēv.

KINṘEŪKÖ 23:22

Ṙā-ang Aikup yin nö kēnyu tö ngam Tēv; Kumlē-ĕv an tö tösā kumlēḵ hanchōn kōiny nuā.

KINṘEŪKÖ 33:1

Në nun kinröönö yik kūön Israĕl hē cha nö ṙāngö öp panam Aikup, i ṙôngö cha nö eltī Môsös, Āròn inrē.

I. CHÖNGÖ 4:37

Kūö re anga-aṅ nö hāngenlōn tö yik muvöhngö yīö, lökten anga-aṅ nö atollö yip kūön cha unôichrit cha, ngaich kēnyen yīö öi ṙā-ang Aikup, hol tö yöng minhôiṅyöre;

I. CHÖNGÖ 16:1

Haköpkö ngam chingëṅt Apip, haköpkö ngam pāsköl im Tēv meh ngam Mā Tēv; tön im chingëṅt Apip ngam Tēv ngam Mā Tēv meh nö kēnyen meh ṙā-ang Aikup tö hatööm.

YÔSUĀ 24:5

Ngaich tīnten Môsös chū-ö Āròn inrē, halëlngen Aikup chū-ö ngaich tö invah, sā nuk tī chu ellōn e: ngaich unôich chū-ö kēnyen yīö.

1 RĀCHA 6:1

Ngaich ngö inlahen ik tö fënòng hëvhör anāi samyeūheu unôichrit yik kūön Israĕl nö kunyī-inyre nö ṙā-ang panam Aikup, im finën samyeūheu Sòlòmön nö hayöng nö i kui Israĕl, im chingëṅt Siv, ngam innët nòng chingëṅt Siv, im innët nòng chingëṅt anga-aṅ nö rultöre nö mānlö ngam patī ngam Mā Tēv.

2 KINṘÖTNGÖ 14:12

Lökten ngam Mā Tēv nö ötkô-òti tö yik aṅ Itiōpia nö i kūö Asā i kūö Yūtā inrē, falngöre ngaich yik aṅ Itiōpia.

Salmai 114:1

Hē Israĕl nö ṙā-ang Aikup: ngam patī Yāköp nö ṙā-ang i yip tarik tö tohtöre ëlô;

Salmai 136:11

Ngaich kēnyen Israĕl nö ṙā-ang in cha: pò ngam miṙēlōn Ò nö örheūheu nö köp.