MANEUTNYI 12:3 - TÖHET LĪPÖRE (Re-edited) Bible (BSI)

³ Vë-ekūö yip ṙôngö Israĕl man, nö ṙòkhöre, ngö ṙô, Im sinöm sumkam ngòh chingënt kē kūön pököre min cha-a hĕng nòng i töhĕng tak tarik sā tum mitī-i patī yip yöng cha, hĕng nòng kūön pököre, aṅ töhĕng mitī-i.

MANEUTNYI 12:3 Referans Kwoze

1 KÒRIN 5:7

Halööklö ngam höteh tö föhlö, hòṅ yīö sā yīö tufömngöre mumūlö, sā yīö ngaich töt aföhlöng. Pòn ngaich ngam paska hī nö kētu, ang Kristū;

T. YÔHAN 1:29

Im huṙöich anga-aṅ meūkö Yēsū nö yihtöre nö in ò; ngaich ngö ṙô, Yĕh meuk, ngam pököre ngam Tēv, ngam kamëḵngö tökööl ngih panam.

LA-EN LĒVĪ 5:6

Ngaich anga-aṅ min nö kētö tökētu kūö tököölre nö im Mā Tēv kūö öp kanöölö fālen ò; hĕng nòng kan aṅ i nup töhĕng nòng kūön sīṅp hēk hĕng nòng pököre, tökētu kūö tökööl; ngaich ngam Kūönṙô min nö havëkö inlām tökööl ò.

LA-EN LĒVĪ 1:2

Vë-ekūö yip kūön Israĕl, ngö ṙô tö cha, Yĕn tariku aṅ in yīö kamëtö tökētu nö i ngam Mā Tēv, kētö nuā re më-eṅ nö tökētu, aṅ i nup tö hĕng mihëṅṙö töṙeūla ane inrē aṅ i nup sīṅp.

T. YÔHAN 12:12

Ngaich im huṙöich, maṙôngö yik tarik, yamih nö im paratīn, ngaich hē cha nö hāngö Yēsū nö yih nö i Yerūsalem,

T. YÔHAN 1:36

Ngaich hatīönken Yēsū anga-aṅ, hē Ò nö kiröönngöre, ngaich ngö ṙô, Yĕh meuk ngam pököre ngam Tēv.

2 KINṘÖTNGÖ 35:7

Ngaich Yôsiyā nö tītö tötāli sīṅp tökūöṅnö inrē aṅ in nup tökiteūmhaka nö lūöi anāi köṅny, lūöi köṅny kōiny nuā inrē, tī ò in yip töng tarīka mū-umuh nö tökētu nö im chinööḵngö; aṅ in nuk chehen ök rācha nun anū-ö në.

KINṘEŪKÖ 15:11

Ngatī inlahen tī i töhĕng nòng kōiny nuā, hēk i töhĕng nòng kōiny kūön sīṅp, hēk i töhĕng nòng kōiny sīṅp, hēk i nup tökūöṅnö kūön.

MANEUTNYI 12:6

Hangöhngen ò më-eṅ hanöng saha öp finënsīön sakāmö ngam chingëṅt angā-aṅ: ngaich ṙòkhöre nö mūl yip ṙôngö Israĕl min nö ṙatnyö likeun ò tö harap.

MANEUTNYI 6:6

Lökten nö ngöṙô tö yip kūön Israĕl, Chū-ö Chin Yāvē, kēnyen yīö chin min ṙā-ang i nup lumngan tī yip aṅ Aikup, kēnyen yīö chin ṙā-ang el inkövö tī cha, aṅtī tö töteuthak kël min Chū-ö ṙānyen yīö, aṅtī tö öp yöng inkaha fālen inrē;

MANEUTNYI 4:30

Ngaich Āròn nö keuheūtnyöre ṙô tö nuk ṙô ngam Mā Tēv, nö in Môsös, ngaich tī tö minkahngö nö ikūö yik tarik.

Ranehlö 22:8

Ngaich ngöṙô Aprahām, Kakūönö, meukṙenre an min ngam Tēv tö kūön sīṅp nö töföngö tökētu: lökten cha nö nëtre taka nö kiröönngöre.

Ranehlö 4:4

Āpēl inrē kēḵtö nuk lanòh anga-aṅ i nuk pököre ò tö nup tösangöö u inrē. Ngaich ngam Mā Tēv nö hōḵ tö Āpēl tök kahëtö ò inrē:

INMEUKHÖMAT 13:8

Ngaich ṙòkhöre cha-a min nö salāman yip mī-iyöng ing panam, ṙòkhöre yip töt kūichi minë-eny nö i mat ngam līpöre nômö aṅ im pököre, ngam tö fëli hēten tö ranehlö ngih panam.

1 SAMUĔL 7:9

Ngaich hĕng nòng kahë töpamôḵ kōiny kūön pököre, ngaich kēten ò nöng nòngre nö töföngö tökētu nö im Mā Tēv: ngaich Samu-ĕl nö ve-ekūö ngam Tēv Israĕl; sap ṙô ò ngaich ngam Mā Tēv.

YÔSUĀ 7:14

Lökten yin min ip peuheū öi haröhtu i miyöngö yīö: ngaich angū-ö min, töp miyöngö öp tökēlöre tö tī ngam Mā Tēv min nö haröhtöre nö i mupīhö; öp mupīhö inrē öp tökēlöre min tö tī ngam Mā Tēv nö haröhtöre nö i mitī-ire; ngaich öp mitī-i tökēlöre min tö tī ngam Mā Tēv nö haröhtöre hĕng hĕng tak tarik.

MANEUTNYI 20:19

Ngaich ngö ṙô chā-a tö Môsös, vë-ekūö ih man më-eṅ, hang ṙô meh in min: uh pöri ngam Tēv nö vë-ekūö ih, hòṅ ih öt kapah.

MANEUTNYI 14:15

Ngaich ngam Mā Tēv nö ngö ṙô tö Môsös, Kūöyòh öm hūḵken Chu? Vë-ekūö më kūön Israĕl, hòṅ cha nö kiröönö kūöre.

T. YÔHAN 12:1

Yih Ang Yēsū nö i Petenī tafūöl sumkam urēhĕkūö ngam Paska, i chūök Lāsörös, ök hachohlö Yēsū, nö ṙā-ang i yip tökapah.

MANEUTNYI 12:2

Raneh në chingëṅt ön min ngòh chingëṅt nö in yīö: raneh ön min nö chingëṅt samyeūheu nö in yīö.

MANEUTNYI 12:4

Ngaich yĕn kūöṅnen yip aṅ töhĕng mitī-i nö ip kūön pököre, ngaich angā-aṅ töp hol ò ranghö patī ò hĕng nòng kahë sā tum tak yip tarik: sā ṙôkvat tarik nö nyā-avkūö öi kaheuklö alaha ngam kūön pököre.

MANEUTNYI 12:21

Ngaich Môsös nö havëtö yik mākūö Israĕl nö ṙòkhöre, ngaich ngö ṙô tö cha, Kuṙòh kēḵ nup kūön pököre yin asā mupīhö yīö, ṙatnyö likeun ngam chinööḵngö.

ISIKĪ-ĔL 40:1

Im tönët anāi taneui samyeūheu inhötngö ih, i raneh tökūö ngam samyeūheu, im sinöm sumkam ngam chingëṅt, im finën sīön samyēuheu unôichrit ngam elpanam nö kô-òngvah, im angū-ö sakāmö, ngam kël ngam Mā Tēv nö i kui chu,