Bib sou entènèt

MANEUTNYI 12:21 - TÖHET LĪPÖRE (Re-edited) Bible (BSI)

²¹ Ngaich Môsös nö havëtö yik mākūö Israĕl nö ṙòkhöre, ngaich ngö ṙô tö cha, Kuṙòh kēḵ nup kūön pököre yin asā mupīhö yīö, ṙatnyö likeun ngam chinööḵngö.

Gade chapit la Kopi

« Previous

tounen moute ⬆

MANEUTNYI 12:3

Vë-ekūö yip ṙôngö Israĕl man, nö ṙòkhöre, ngö ṙô, Im sinöm sumkam ngòh chingënt kē kūön pököre min cha-a hĕng nòng i töhĕng tak tarik sā tum mitī-i patī yip yöng cha, hĕng nòng kūön pököre, aṅ töhĕng mitī-i.

Gade chapit la

ESRĀ 6:20

Pò yik kūönṙô tö yik Lēvī nö hol re nö ahetlöre; ṙòkhöre cha-a ngaich nö het. Lökten cha nö ṙatnyö likeun nuk tö tāli sīṅp ngam chinööḵngö nö kūö yik töha-ötiyö mahavantöre nö ṙòkhöre, kūö yik hol cha inrē kūönṙô, kūö cha inrē;

Gade chapit la

2 RĀCHA 23:21

Ngaich ök rācha nö ngö ṙô, Haköpkö ngam pāska ngam Mā Tēv ngam Tēv yīö, sā kinūichngö e nö i mat ngih līpöre kinlēḵngô.

Gade chapit la

YÔSUĀ 5:10

Ngaich yik kūön Israĕl nö iyöngtöre nö i Kilkāl; ngaich cha-a nö haköpken öp Paska ik finënsīön sakāmö ngam chingëṅt tö harap el nup töṙa-ākūö panam Yerikō.

Gade chapit la

KINṘEŪKÖ 11:16

Ngaich ngö ṙô ngam Mā Tēv tö Môsös, Hamūl yip tösat anāi tarik in chu aṅ i yip mākūö Israĕl, yip mikahkūö Meh nö Mākūö yip tarik, yöngṙen cha inrē; ngaich kēten cha ip rūkui manūlö, hòṅ cha nö hol meh nö sökhaka.

Gade chapit la

MANEUTNYI 19:7

Yihtöre ngaich Môsös ngaich havëkö yik mākūö yik tarik, ngaich ṙātu nö i kūö cha nuk ṙô ngam Mā Tēv nö tölṙô ò.

Gade chapit la

MANEUTNYI 17:5

Ngaich ngö ṙô ngam Mā Tēv tö Môsös, Iṙūöhöröön man urēhĕkūö më tarik, ngôḵ yip mākūö Israĕl inrē nö hol meh; kuṙòh kiröönngöre, kēḵ öp tinkung nö eltī meh, öp aṅtī meh foh el ap tahël.

Gade chapit la

MANEUTNYI 12:11

Ngö inlahen pöichö kā an; nyëkö nun minë ṙat yīö, i kunröönre kunröpö, tinkung inrē eltī yīö; kā-a e inrē yī-ö öi kurātö kūö; chinööḵngö ana tö ngam Mā Tēv.

Gade chapit la

MANEUTNYI 3:16

Kuṙòh, hamūl yip mā i Israĕl, ngöṙô tö cha, meūkö an tö chu Ngam Mā Tēv, ngam Tēv yik yöng yīö, Tēv Aprahām, Isāk, Yāköp inrē, ngöṙô an tö chu, Chöhken yīö chini, meuk nup inlanken yīö chin i Aikup:

Gade chapit la