MANEUTNYI 12:2 - TÖHET LĪPÖRE (Re-edited) Bible (BSI)

² Raneh në chingëṅt ön min ngòh chingëṅt nö in yīö: raneh ön min nö chingëṅt samyeūheu nö in yīö.

MANEUTNYI 12:2 Referans Kwoze

MANEUTNYI 13:4

Sakāmö ngòh chingëṅt ön ngih, ngòh Apip hēnyö yīö.

I. CHÖNGÖ 16:1

Haköpkö ngam chingëṅt Apip, haköpkö ngam pāsköl im Tēv meh ngam Mā Tēv; tön im chingëṅt Apip ngam Tēv ngam Mā Tēv meh nö kēnyen meh ṙā-ang Aikup tö hatööm.

MANEUTNYI 34:18

Haköpkö ngam tökiröng sakāmö man ngam tötaföhlöng ròtī. Sat sumkam kūö öm nyā tötaföhlöng ròtī, sā tinöölô meh tö Chu; ip hē töhalēnlöng ip chingëṅt Apip: pò meh kunyī-iyre ṙā-ang Aikup im chingëṅt Apip.

MANEUTNYI 23:15

Tökiröng sakāmö tötaföhlöng ròtī Haköpö tö meh: sat sumkam kūö më-eṅ nyā tötaföhlöng ròtī sā chu hachöngten meh, ip hē töhalēnlöng ip Apip chingëṅt; (pò meh hē e kunyī-inyre ṙā-ang Aikup;) un hĕng tak min tömeūkö nö i kūö Chu nöng chanlööpṙen:

KINṘEŪKÖ 28:16

Ngaich im raneh chingëṅt, im finën sīön sakāmö ngam chingëṅt, anga-aṅ chingëṅt ngam pāska ngam Mā Tēv.

LA-EN LĒVĪ 23:5

Im raneh chingëṅt, im finën sīön sakāmö ngam chingëṅt tö harap pāska ngam Mā Tēv an angū-ö.

ESTÖR 3:7

Ik raneh chingëṅt, ngam Nīsan chingëṅt, im innët sīön samyeūheu ök rācha Ahāsurös ngaich cha-a chaphöt Pur, öp kinlah taneūngen, nö i kūö Haman kaheuk sakāmö; chaphöt e cha-a inrē nö kaheuk chingëṅt hanöng saha ngam innët sīönö chingëṅt Atör.

MANEUTNYI 12:1

Ngaich ngam Mā Tēv nö vë-ekūö Môsös Āròn inrē, nö im panam Aikup, nö ngö ṙô,

MANEUTNYI 12:3

Vë-ekūö yip ṙôngö Israĕl man, nö ṙòkhöre, ngö ṙô, Im sinöm sumkam ngòh chingënt kē kūön pököre min cha-a hĕng nòng i töhĕng tak tarik sā tum mitī-i patī yip yöng cha, hĕng nòng kūön pököre, aṅ töhĕng mitī-i.

MANEUTNYI 12:18

Im raneh chingëṅt, ip finënsīön sakāmö ngam chingëṅt tö harap, nyā tötaföhlöng yī-ö rôtī söl ip sakāmö ngam chingëṅt tö nët anāi kahuk tö harap.

ISIKĪ-ĔL 45:18

Ngö ṙô an ngam Mā Tēv: Im raneh chingëṅt, im raneh sakāmö ngam chingëṅt, hĕng nòng kahëḵ yī-ö min tö tö-ayal kōiny nuā töt vāhav alaha, ahet ngam töhet chūök inrē.

MANEUTNYI 13:3

Ngaich ngö ṙô Môsös tö yik tarik, Köpölōn tö ngih sakāmö, ngih hēnyö yīö ṙā-ang Aikup, ṙā-ang el ap patī inkövö; pòn lökten i kumlēḵ kël ngam Mā Tēv nö ṙānyen yīö ṙā-ang ip chūökö angū-ö: öt nyā-aṅ min tö-aföhlöng rôtī.

MANEUTNYI 40:17

Ngaich ngö inlahen im raneh chingëṅt im in nët samyeūheu, im raneh sakāmö ngam chingëṅt nö asöklöngö ngam inrūkui.

ISIKĪ-ĔL 45:21

Im raneh chingëṅt, im finën sīönö sakāmö ngam chingëṅt yī-ö min kēken ngam tökiröng nyinā-aṅ ngam paska, sat sumkam nyinā-aṅ min töt aföhlöng rôtī.