MANEUTNYI 12:11 - TÖHET LĪPÖRE (Re-edited) Bible (BSI)

¹¹ Ngö inlahen pöichö kā an; nyëkö nun minë ṙat yīö, i kunröönre kunröpö, tinkung inrē eltī yīö; kā-a e inrē yī-ö öi kurātö kūö; chinööḵngö ana tö ngam Mā Tēv.

MANEUTNYI 12:11 Referans Kwoze

MANEUTNYI 12:27

Ngaich ngö ṙô yī-ö min, Tökētu an nö im chinööḵöng tö ngam Mā Tēv, ngam chamööḵngö nup patī kūön Israĕl i Aikup, hē Ò nö hachök yik aṅ Aikup, ngaich ṙānyu nuk patī ih. Ngaich yik tarik nö sōnngökuire nö salām.

EFISÖS 6:15

Kunröplöre tö ngam lanënen aṅ im inhangkö lanāmö.

1 KÒRIN 5:7

Halööklö ngam höteh tö föhlö, hòṅ yīö sā yīö tufömngöre mumūlö, sā yīö ngaich töt aföhlöng. Pòn ngaich ngam paska hī nö kētu, ang Kristū;

1 PĪTÖR 1:13

Lökten yin nyëklö ṙat nup ellōnre, ui saṙākiṙen ṙātö ngam maheūṅkkö yīö nö teung nö im inlōnti, ngam tökētu min nö in yīö, hē öp inmeuktö Yēsū Kristū:

T. LŪKÖS 12:35

Hökngenre yin inmöptöheichṙat, nup ëāṅvö yīö inrē nöng hūkūö.

KINṘEŪKÖ 28:16

Ngaich im raneh chingëṅt, im finën sīön sakāmö ngam chingëṅt, anga-aṅ chingëṅt ngam pāska ngam Mā Tēv.

LA-EN LĒVĪ 23:5

Im raneh chingëṅt, im finën sīön sakāmö ngam chingëṅt tö harap pāska ngam Mā Tēv an angū-ö.

MANEUTNYI 12:43

Ngaich ngö ṙô ngam Mā Tēv tö Môsös tö Āròn inrē. Ngih ön Chöngö i ngih chinööḵöng: öt nyā-aṅ an tö aṅ tahëng:

MANEUTNYI 12:21

Ngaich Môsös nö havëtö yik mākūö Israĕl nö ṙòkhöre, ngaich ngö ṙô tö cha, Kuṙòh kēḵ nup kūön pököre yin asā mupīhö yīö, ṙatnyö likeun ngam chinööḵngö.

T. LŪKÖS 15:22

Ngö ṙô pöri ngam yöng ò tö yik kamūönkūöre, Ka-eūyen yin; kētö ap tölöök inyut, hayutlö e in ò; kalonghöt kuntī ò inrē tö kinlong; kunröplö kunröön ò inrē tö kunröpö.

T. LŪKÖS 7:38

Sökhaka anga-aṅ nö la-uk kunröön Ò, nöng peuiny; ngaich mu-uhôngi kunröön Anga-aṅ tö makmat ò; ngaich chūtö anū-ö tö ò nö aṅtī tö keūyöre; ngaich hāṅmökūö nuk kunröön Ò tö ò; ngaich hachāmö anū-ö tö ök tötahūsa tavī-i.

MANEUTNYI 12:13

Ngaich ap mahām min nö in meh nö minkahngö nö i nup patī chūök yīö: ngaich hē Chu meuk ap mahām, chööḵngen yīö Chū-ö min, ngaich yī-ö min ötteunghu tö plēk nö inlëlngö yīö, hē Chu chökhutī tö ngam panam Aikup.

T. LŪKÖS 2:41

Ngaich minā yöng Ò nö örhĕnghang samyeūheu röön, nö chuh Yerūsalem hē ap paratīn paska.

Isayā 52:12

Pò yīö rö-ö min kurātö kunnyīnyi, rö-ö yin min inrē höng pāngö fanalngö pòn urēhĕkūö yīö min ngam Mā Tēv lā-unôich yīö an min inrē ngam Tēv Israĕl nö aṅten yīö.

KINṘEŪKÖ 9:1

Ngaich ngam Mā Tēv nö vë-ekūö Môsös nö el inchōn i Sināi, ip raneh chingëṅt ngam innët samyeūheu unôichrit cha nö ṙāḵngö ngam panam Aikup, nö ngö ṙô,

I. CHÖNGÖ 16:1

Haköpkö ngam chingëṅt Apip, haköpkö ngam pāsköl im Tēv meh ngam Mā Tēv; tön im chingëṅt Apip ngam Tēv ngam Mā Tēv meh nö kēnyen meh ṙā-ang Aikup tö hatööm.

YÔSUĀ 5:10

Ngaich yik kūön Israĕl nö iyöngtöre nö i Kilkāl; ngaich cha-a nö haköpken öp Paska ik finënsīön sakāmö ngam chingëṅt tö harap el nup töṙa-ākūö panam Yerikō.

2 RĀCHA 23:21

Ngaich ök rācha nö ngö ṙô, Haköpkö ngam pāska ngam Mā Tēv ngam Tēv yīö, sā kinūichngö e nö i mat ngih līpöre kinlēḵngô.

ISIKĪ-ĔL 45:21

Im raneh chingëṅt, im finën sīönö sakāmö ngam chingëṅt yī-ö min kēken ngam tökiröng nyinā-aṅ ngam paska, sat sumkam nyinā-aṅ min töt aföhlöng rôtī.