MANEUTNYI 11:2 - TÖHET LĪPÖRE (Re-edited) Bible (BSI)

² Vëhet elnang yip tarik töngamuh, hökngen cha inrē nö kö havëkö kūö tarik öp hol ò, kikānö inrē ip hol ò, tö rupīö yanöṅtö, humlum inrē yanöṅtö.

MANEUTNYI 11:2 Referans Kwoze

T. MËTIV 20:15

Ötkô ṙöng öich kahngenre, yē öp lōn chu, tö chehenre?

HAKAI 2:8

Rupīö chu ana, humlum chu inrē, ṙô ngam Mā Tēv yip tömaṙôngö.

INCHŌḴ-OṘÔ 13:22

Ṙā-akūö yip kūön yip kūönre ön ngòh tölöök tarik tö amin, ṙātu pöri nup kanôlò tötlöök nö lumnööṙö tölöök,

Salmai 105:37

Kēnyen cha Anga-aṅ ngaich nö hol tö rupīö, humlum inrē: ngaich öt hĕng tak töt kalē-en nö i yik miyöngö cha.

Salmai 24:1

Panam ngam Mā Tēv ön ngih, nup tanööḵöl e inrē: ngam panam, tö yip aṅ e inrē.

MANEUTNYI 35:22

Yihtöre cha-a ngaich, hĕnghöre kikōnyö kikānö inrē, sā tumtak i yip tö hōḵ-olōn, ngaich kētö pin, kinlöl nang, kinlong, merkul, ṙòkhöre humlum yanöṅtö; ṙòkhöre yip tarik nö kētö humlum nö tökētu nö im Mā Tēv.

MANEUTNYI 32:24

Ngaich ngö ṙô chu-ö tö cha, Yip töng aṅhaṅv in tö humlum, hökngen cha nö lireuknyö e; ngaich kētö e cha-a nö in chu: ngaich tilī-i e chu-ö i kūö tameūyö, ngaich angū-ö nö anga-aṅ ngòh kun nuā.

Ranehlö 31:9

Ngatī tī An ngam Tēv nö kēngö në pököre öp yöng nā kikōnyö, ngaich kētö u nö in chu.

Ranehlö 24:53

Ngaich ök mahalanṙen nö kēnyö nuk rupīö yanöötö, humlum inrē yanöötö, hilā inrē, ngaich kētö u nö in Repëka: kētö töpōiṙāi anga-aṅ inrē chehen nö ik kanônyö ò, ik kikānö yöng ò inrē.

MANEUTNYI 3:21

Kö vë-ekūö yip holre pöri min yip kikānö, angā-aṅ inrē öp mi-īyöng el patī ò, tö rupīö yanöṅtö, tö humlum yanöṅtö, hilā inrē: ngaich yī-ö hanyöṅtlö u i yip kūönre kikōnyö, kikānö inrē; ngaich yī-ö min hayëḵngen yip aṅ Aikup.