MANEUTNYI 10:9 - TÖHET LĪPÖRE (Re-edited) Bible (BSI)

⁹ Ngaich Môsös ngö ṙô, Kiröönngöre in min holtö tö-ayal holtö tököiny inrē holtö kūönre tö kikōnyö hol tö kūönre tö kikānö inrē, holtö nup chehenre tömūl nup tö kö i mihëṅṙöre, öi kiröönngöre: pò ih hòṅ ip tökiröng sakāmö ngam Mā Tēv.

MANEUTNYI 10:9 Referans Kwoze

MANEUTNYI 5:1

Unôichngöre nā Môsös nā Āròn nö yih, ngaich ngöṙô tö Fërō, Ngöṙô an ngam Mā Tēv, ngam Tēv Israĕl, Hökngen më tarik chu nö kiröönngöre, hòṅ cha nö ip tö kiröng, nyinā-aṅ in chu nö el nyaṅlnyi.

MANEUTNYI 3:18

Ngaich chā-a min nö hang ṙô meh: ngaich më-eṅ yih ip rācha aṅ Aikup, tö yip mā kūö Israĕl inrē, ngaich ngöṙô min yī-ö tö ò, meūkö kūö in tö ngam Mā Tēv, ngam Tēv yip Hīprū: yĕh, vë-ekūö meh in, hökngen ih kiröönngöre el tönyaṅlnyi, lūöi sumkam rô-òlkūö, hòṅ ih kētö tökētu im Mā Tēv, ngam Tēv ih.

EFISÖS 6:4

Yī-ö inrē inyöngö kikōnyö, uh yin harunnyö lanīnö më kūönre: harūkö cha pöri im chinökṙen, inlēnö inrē aṅ im Mā.

Mumkahten 12:1

Köplōn inrē më-eṅ tö ngam vamīlen meh i nup sakāmö meh ayal, urĕh tö nup tötlöök sakāmö nö yih, ṙūötöre inrē nup samyeūheu, hē meh min ngö ṙô, Ötkumchīkuṙen chin in u;

INCHŌḴ-OṘÔ 3:9

Milēḵṙen tö ngam Mā Tēv tö nup inlānen meh holtö ranehlö ṙòng nup halinten meh inrē;

YÔSUĀ 24:15

Yē e pöri nö töchōich nö in yīö ngam linökö la-en ngam Mā Tēv, töngamuh yih yĕh atöllö öp lahök la-en yīö: yĕn nup tēv nup lahök la-en yik muvöhngö yīö misī lāmuh tö ngam Tahël, hēk yĕn nup tēv aṅ Amôr, yip tö iyöngö panam tö yīö; chū-ö pöri tö yip aṅ patī chu inrē, lök la-en ngam Mā Tēv in īhö min.

KINṘEŪKÖ 29:12

Im tinneui sīön sakāmö ngam sinātö chingëṅt yī-ö min im töhet manūlö: öt la-envö min yī-ö ngaich, sat sumkam min yī-ö haköpkö ngam tökiröng sakāmö im Mā Tēv:

MANEUTNYI 13:6

Sat sumkam min më-eṅ nyā töt-aföhlöng rôtī, im sinat sumkam tökiröng min nö nyinā-aṅ im Mā Tēv.

MANEUTNYI 5:3

Ngaich ngöṙô chā-a, meūkökūö An ngam Tēv Hīprū tö ai: vë-ekūö meh an, hökngen ih kiröönngöre el nyaṅlnyi höng lūöi sumkam rô-òlkūö, öi kētö tökētu i ngam Mā Tēv ih, hòṅ ih ötlëlngö tö tī Ò tökūö invah hēk kūö sanët.

Ranehlö 50:8

Ṙòkhöre inrē yik aṅ patī Yôsĕf, yik hanöngkisānö ò, yik aṅ patī ök yöng inrē: höng yik kūön cha hötītö, tö nuk nuā cha, tö nuk pököre cha, töṙā-ai tö cha nö ip panam Kōsen.

MANEUTNYI 10:10

Ngaich ngö ṙô angā-aṅ tö cha, In yīö An yēḵ ngam Mā Tēv, yē chu ngaich hökngen yīö kiröönngöre, tö yip kūön yīö tökūöṅnö inrē: ngëchkö e; töchōich ap nö in yīö.

MANEUTNYI 10:26

Hòṅ hōluröön in inrē min tö në nuā re; öt hĕngtit kinsòh kunröön min töṙā-ayö; pòn anū-ö tökē-ĕ tö ih öi lök la-en ngam Mā Tēv, ngam Tēv ih; öt akahalōn in min tö aṅtīre lök la-en ngam Mā Tēv, yē ih sölta in e.

MANEUTNYI 12:32

Kē nup töṙeūla hĕnghöre nup tömūlhaka inrē chehen yīö, sā ṙô yīö ngaich yin kuṙòh; hakôlò chu inrē.

MANEUTNYI 12:37

Ngaich yik kūön Israĕl nö kiröön nö löktö kūö Rāmsēs nö kū-ö tö Sakòt, tafūölòng köiny yik kumröön tarik, ötkaheuktu nyīö.

MANEUTNYI 12:38

Kalūöchöre tö ṙôngöre nö kiröönngöre chā-a; töṙeūla, tömūlhaka, pōyen inrē nuā.