MANEUTNYI 10:7 - TÖHET LĪPÖRE (Re-edited) Bible (BSI)

⁷ Ngaich yik tarik alaha Fërō nö ngö ṙô tö ò, Iṙôktöreṙen ang min ngòh tarik nö tinngöp hī? Hökngen më tarik nö kiröönngöre, hòṅ cha nö lök la-en ngam Mā Tēv ngam Tēv cha: öl ṙöng öm akahalōn tö Aikup nö ngaich nö lëlngö?

MANEUTNYI 10:7 Referans Kwoze

1 SAMUĔL 18:21

Ngö ṙô ngaich Sôl, Hòṅ kēten ò chin in ò, hòṅ ò nö tinngöp ò, hòṅ ngam kël yip Filitsain inrē nö lā-al ò. Lökten Sôl nö ngö ṙô tö Tāvit, Köinykūön chu man min töngamuh nö innët heuh.

Mumkahten 7:26

Ngaich chū-ö pōyen kanôtökūö tö tö-angū-uvö, mötlö tö kinpaha tī ngam kikānö öp tö tinngöpu nö ellōn re inhāṅl inrē, inlök inrē nup kël ò; anga-aṅ ngòh mahaṙamlōn ngam Tēv ötkô-òngvah tö tī ò, kē-ĕ pöri tö ò ngam tö köölö fālen.

YÔSUĀ 23:13

Akahalōn takô yī-ö tö ngam Tēv yīö min ngam Mā Tēv nö öt ahōngö vē pumnāmö tarik nö ṙā-ang i kūö yīö; insuk yīö pöri min cha-a tinngöp yīö inrē, fanòh inrē nö i kaha yīö, lanòklöre el mat yīö inrē, hanöng sa yīö hatngö min ṙā-ang i kūö ngih tölöök panam ngam kahëtö ngam Tēv yīö ngam Mā Tēv nö in yīö.

MANEUTNYI 23:33

Un iyöng i panam meh chā-a min, hòṅ cha nö öt vīten meh öm köölö fālen in Chu; pò meh yē meh lök la-en nup tēv cha, ngaich angū-ö min nö öthō nö öt tinngööpö meh.

1 KÒRIN 7:35

Ṙô tö ngih chin nö inkôlò yīö, rö-ö nö inkeunlö nup tö tanāhen in yīö, ṙūöhlen yīö pöri im tölöök ane inrē laklö ngam töt hanrēven manūlö yīö im Mā.

SEFAINIĀ 1:18

Öt rēhĕn rupīö cha min nö kô nö ṙānyen cha öt rēhĕn humlum cha inrē ip sakāmö lanīnö ngam Mā Tēv: keuheūtngöre vah pöri min ngam panam nö ṙāpngö tökūö tameūyö kumlēḵlōn ò: pò ò min nö keuheūtngen e, hôṅ, veūtö kinheūtngen an, yip mī-iyöng impanam nö ṙòkhöre.

YERIMIĀ 51:8

Hönglūk an Pēpilön nö fukngö laköliyö inrē; harāman! Kēḵ incham öp chanökö ò; amahtuṙen an min nö lööken.

YERIMIĀ 48:4

Piyāyi öp nö ngaich Mō-ap; sölngö ök pineūinyö nö hāngö nö i Sō-ār.

Isayā 51:9

Aṅhen, Aṅhen, kē kumlēḵ re Ō kël ngam Mā Tēv; aṅhen, sā hē nup sakāmö hötṙeh, nup tumköl chap tömarô-angen. Röh öm me-eṅ misī ramökö Rāhap nö panyeny, tötafūni tī tö ngam tulan?

Isayā 14:20

Hö-ö man min hamūltu in cha öm lāpi, pò meh piyāingö ngam panamre, ngaich tī man fëlngö yik tarik re; hö-ö öp min kūön tötlöökö la-en nö örheūheu nö köpö minë-eny.

INCHŌḴ-OṘÔ 29:6

Tingöpöre ön ngòh tötlöök tarik nö i tanôichngenre, ṙāmölōn pöri ngòh tölöök tarik nö tikökṙôre.

Salmai 107:34

Tö ṙôngu panam, vītuṙen nö sāl el tönyalnyi: kūö öt lanöökö cha yip mi-iyöng in e.

MANEUTNYI 8:19

Ngaich ngö ṙô yik tömilūönö tö Fërō, Kuntī ngam Tēv ön ngih: ngëḵngöre ellōn ngaich Fërō, ngaich nö öt hang ṙô cha; nö sā ṙô ngam Mā Tēv.

MANEUTNYI 7:5

Ngaich akahahakūö min yip aṅ Aikup tö Chu öich Chū-ö Mā Tēv, yē Chu öich Chū-ö Mā Tēv, yē Chu min hateutnyö këlre i kui Aikup, Öich kēnyö yip kūönre Israĕl nö rā-ang in cha.

MANEUTNYI 12:33

Kurāten yik aṅ Aikup nö i yik tarik, nö kumeūinyen cha nö ṙā-ang im panam; pòn ngö ṙô chā-a, Ṙòkhöre tarik min nö kapah.

1 SAMUĔL 5:11

Lökten cha nö tīnngö mahamūltö yik mā aṅ Filistain, ngaich ngö ṙô cha-a, Söömngö ngam kasòng ngam Tēv Israĕl, hökngen e nö hēk nö havan nö ip chūökre, hòṅ e nö öt fëlngen hī tö vē tarik hī inrē; pò nup elpanam nö ṙòkhöre nö keuheūtngöre chūök nö ötkô tö ngam kinpaha; langan ngam kël ngam Mā Tēv nö umuh.