MANEUTNYI 10:6 - TÖHET LĪPÖRE (Re-edited) Bible (BSI)

⁶ Tööḵlö nup min patī meh, nup patī yip tarik alaha meh min inrē, nup patī yip aṅ Aikup inrē nö ṙòkhöre; töt maheuṅk yik yöng meh ötrēhĕn nö maheuṅk yik yöng yik yöng meh, hēten tö ök sakāmö cha nö i kūö ngih tumlat söl i ngih sakāmö. Havöökūöre ngaich angā-aṅ, ngaich kunyī-inyre nö ṙā-ang in Fërō.

MANEUTNYI 10:6 Referans Kwoze

MANEUTNYI 8:21

Ngaich yĕn rö-ö, yē meh öt halöngngen cha nö kiröönngöre, yĕh meuk, tīntö inṙūöi chin min in meh, in yip tarik alaha meh, in yip tarik meh, el nup patī meh inrē: ngaich nup patī yip aṅ Aikup min nö tööḵlö tö inṙūöi, ngam taṙeū inrē chūök cha nö sökhaka.

MANEUTNYI 8:3

Höng tarôṅtnyöre an min ngam tahël, nup mameutlö min, ngaich yòhlö në el patī meh, el chūök meh haṙòh, el chamam meh, el patī yip tarik meh, i alaha yip tarik meh, el tisum meh inrē, el nup tökachāvu chūök kinrāich atra inrē:

HEPRĀI 11:27

Lökten i ṙinātö ellōn anga-aṅ nö ṙā-ang Aikup, öt pa-ekūö tö tanāinyö ök rācha: pòn haköpöre anga-aṅ, nö sā mameuk ngam töt maneūken.

YŌ-ĔL 2:2

Sakāmö sinngūlö an anūnngen inrē, sakāmö taṙul tökufëi inrē sinngūlö, sā pinrātngö minlīlö peuheū nö i kui minë rôngö; tökiröng tarik tökalēk inrē öt töngatī-ivö i tö misī, öt rēhĕn min nö hēktöre unôichrit cha, pòrô nö i ṙôken samyeūheu töṙōl köl chap.

MANEUTNYI 11:8

Ṙòkhöre vē kūön alaha meh min nö yihtöre nö in Chu ngaich sōntöre nö in Chu: nö ngö ṙô, Kē-ĕngre man ngaich, ṙòkhöre inrē më tarik Meh më tamömrit Meh, Möl chū-ö min kirönngöre ngaich angā-aṅ nö ṙā-ang in Fërō nö kirööngöre tanānyö.

MANEUTNYI 11:6

Keuheūtngöre chūök min im panam Aikup öp yöng pineūnyö, öt töasā-avö min nö sā e, ötrēhĕn min nö hēktöre tö sā e.

MANEUTNYI 10:11

Öt ngatī: kiröönngöre yin yī-ö höng kikōnyönyöre, ngaich lök la-en ngam Mā Tēv; tön angū-ö ap lōn yīö. Ngaich chā-a nö ahōnyuvö nö ṙā-ang i kūö Fërō.

MANEUTNYI 9:24

Lökten ök tökënngöre kumṙah, tameūyö, holre tö tökënngöre kumṙah, nö kiröngen kumlēḵ, öt töngatī-iv nö im panam Aikup nö ṙòkhöre, hēten tö e nö pumnāmö tarik.

YŌ-ĔL 2:9

Kumööilöre cha-a nö i kui ngam elpanam; fal cha-a nö I kui ngam ihong kinlōngö; yòhlö cha-a nö el nup patī; lökhöt inkūp kuföt cha-a nö kuhēthötre sā öp mu-ulāya.

MANEUTNYI 9:18

Yĕh meuk, tīntö kumṙah Chin ip huṙöich, ngatī ṙētak, yöng tökënngöre kumṙah, öt töngatī-iv nö i Aikup, löktö kūö ök sakāmö e nö vītu, söl ing töngamuh.