MANEUTNYI 10:21 - TÖHET LĪPÖRE (Re-edited) Bible (BSI)

²¹ Ngaich ngö ṙô ngam Mā Tēv tö Môsös, Kū-ö tö el halīöngö tī man hateutnyö këlre, hòn singūlö nö i kui ngam Aikup, hòṅ tarik min nöng ṙēpa nö el singūlö.

MANEUTNYI 10:21 Referans Kwoze

NGAM LĪPÖRE KAHŪICH YŪT 1:6

Ngaich yip ma-ahānga inrē, yip töt mahaköp nehngenre inlahare, ṙāngö nup chūökre pöri cha-a; ngaich haköpi tö Ò nö örheūheu nö nyëki nö elsinngūlö, söl im kinṙôka tökiröng sakāmö.

2 PĪTÖR 2:17

Löklö mak nun anū-ö nö töt aṅhaṅv tö mak, pinṙeūmö tökūö chanôichö; pòkūö cha ngam tösah sinngūlö nö höngkaṙen.

2 PĪTÖR 2:4

Yē ngam Tēv nö öt aṙētö yip ma-ahānga yē cha nö köölö fālen, sukten cha pöri nö el chūök öt inkôlò, ngaich kēten cha nö el sinngūlö nup tö ūlö mak, nö hanööngen öp kinṙôka;

T. LŪKÖS 23:44

Ngaich lohten nö nët sīön köṅny ṙô chalôḵ ngaich ök yöng singūlö, nö i minë taṙòkhöre panam, söl i tö lūöi köṅny ṙô; öt mātu ngam tavūöi.

T. MĀKÖS 15:33

Hē ngam tö nët sīön köṅny ṙô, söl im tö lūöi köṅny ṙô ök sinngūlö nö keuheūtngöre chūök nö ip panam.

T. MËTIV 27:45

Löktökūö im tö nët sīön köṅny ṙô ök sinngūlö nö i minë panam, söl im tö lūöi köṅny ṙô.

INCHŌḴ-OṘÔ 4:19

Sā tökufëi sinngūlö ngam talöökö tötlöök; öt akahakūö cha-a tö kinvēngö röönre.

Salmai 105:28

Tīntö sinngūlö Anga-aṅ, vīten e ngaich nö sangūla, ngaich sangūla angū-ö: ngaich öt ahôngen nuk ṙô Ò cha-a.

I. CHÖNGÖ 28:29

Ngaich më-eṅ min ṙēpa tö el sakāmö, sā tötmeuk nö ṙēpa nö el singūlö, ngaich hö-ö min më-eṅ kôlò i nup talöökö meh: höng töng hakihtuṙen min më-eṅ tö-örheūheu inrē ha-āchiṙen, ngaich öt hĕng tak min umuh mahayööken meh.

MANEUTNYI 9:22

Ngaich ngö ṙô ngam Mā Tēv tö Môsös, Hateutnyö këlre man kū-ö tö el halīöngö, hòn keuheūtngöre chūök öp tökënngöre kumṙah, nö im panam Aikup i kui tarik, i kui töṙeūla, i kui nup kun chōn el kahôyö, nö keuheūtngöre chūök im panam Aikup.

NGAM LĪPÖRE KAHŪICH YŪT 1:13

Tökalēḵ mahūṅvö ngam mai, hapĕhnyö sumrōngkūö nöng kahngenre; taneūsömat mahavöt, töhöngkaṙen töp tösah aṅ i tösah nöng örheūheu.

Mumkahten 6:4

Pò e nö yih im chanök alaha ngaich chuh el sinngūlö, el singūlö ngaich öp minë-eny e nö hayūni;

Mumkahten 2:14

Elkui re mat ön ngòh tökulō-ovö; ngaich sön chū-ö meuk tö cha nö ṙòkhöre nöng hēngö lökngövah.

Salmai 78:49

Suktökui cha Anga-aṅ töp lanīnö re nö tainy: lanīnö, tanainy-elmat, kanihngen inrē, tīntö tötlöök inrē ma-aṅhānga.

Salmai 35:6

Hökngen ngam talöökö cha nö sangūla, takeusa inrē: lūḵ-u cha inrē ngam ma-ahānga ngam Mā Tēv.

INMEUKHÖMAT 8:12

Föö ngaich ngam finën tak Ma-ahānga, ngaich ngam linūöi lā ngam tavūöi nö chökngöre, ane inrē ngam linūöi lā ngam chingëṅt, ane inrē linūöi lā minë taneūsömat; pòn hōtu minë linūöi lā u nö sumngūli, ngaich ngam sakāmö nö öt yang nö im linūöi lā e, ngatī ngam hatööm.

MANEUTNYI 7:19

Ngaich ngö ṙô man tö Āròn, Kē ap tinkungre man, hateutnyö këlre i kui minë mak i Aikup, i kui minë tahël, i kui nup tö-ūlö talöökö mak, i kui nup tö rūḵngö mak nö ṙòkhöre, hòṅ u nö vīngöre nö mahām; ngaich keuheūtngöre chūök min nup mahām nö im panam Aikup, el tökachāvu, el ihong chūökṙen inrē.

ISIKĪ-ĔL 32:7

Hē chu sichngen meh, rupngö kūö ngam halīöngö chū-ö min, sumngulngö mat nup taneūsömat meh inrē; Rupngö mat ngam tavūöi chin min tö taṙul, öt yāngö mat min ngam chingëṅt.

I. CHÖNGÖ 1:30

Ngaich ngam Mā Tēv ngam Tēv yīö nö kiröönngöre nö urēhĕkūö yīö, anga-aṅ an min kumyunglen yīö, sā nuk tī ò i Aikup tö pòkūö yīö nö i kūö minë mat yīö;

I. CHÖNGÖ 4:34

Hēk inrē kalahtenre ang ngam Tēv nö kiröönngöre nö kē pumnāmö tarik nö ṙā-ang i tahëng pumnāmö tarik, nö lökten i inṙööingö, lökten i kinyūngö, lökten i minhôiṅyö kël, lökten i tökiröng pinheṅ-eṅkūö; nö sā nuk tī ngam Mā Tēv ngam Tēv yīö nö i Aikup tö pòkūö yīö nö i kūö minë mat yīö?

NGAM LĪPÖRE YŌP 5:14

Höngkūö sinngūlö cha-a tö el sakāmö, ṙēp talöököre tö el sakāmö sā re tö hatööm.