MANEUTNYI 10:2 - TÖHET LĪPÖRE (Re-edited) Bible (BSI)

² Hòṅ meh vënyö nang ap kūönre, ap kūön meh inrē, tö nuk tī Chu i kui Aikup, nuk minkahngö Chu inrē tī Chu in cha; hòṅ yīö akahalōn tö Chu Öich Chū-ö Mā Tēv.

MANEUTNYI 10:2 Referans Kwoze

YŌ-ĔL 1:3

Vë-eny e yin i yip kūön yīö, hökngen yip kūön yīö inrē nö vë-enynang yip kūön re, yip kūön cha inrē nö vë-enynang tahëng tumköl chap.

I. CHÖNGÖ 4:9

Höng haṙēmngenre man, kalē-ĕlōn haköpöre, hòṅ meh öt vaichngö tö nuk tö ngaich nö meūkö tö meh, hòṅ u nö öt ṙāngö ngam ellōn meh i rô-ò ten meh aṅ; mikaktölōn yip kūön meh pöri tö u, yip kūön yip kūön meh inrē.

MANEUTNYI 13:14

Ngaich mīnö hē öp kūön meh min nö hatönö meh ip hē e, nö ngö ṙô, Suh öng ngih? Ngaich ngö ṙô më-eṅ min tö ò, Kēnyen ih an ngam Mā Tēv misī ṙā-ang Aikup, nö i kumlēḵ këlre, ṙā-ang el öp patī inkövö.

Salmai 44:1

Ō Tēv, hang nun në elnang ih, vënyu nang in tö yik muvöhngö ih: tö nuk sakāmö cha, hē nuk sakāmö misī.

MANEUTNYI 7:17

Ngö ṙô an ngam Mā Tēv, Ihih man min akahalōn tö Chu öich Chū-ö Mā Tēv: yĕh meuk, fohkö ngam mak chin min tö ngòh tinkung, ngòh eltī chu ngaich min ngam mak el ngam tahël nö vīngöre min nö mahām.

EFISÖS 6:4

Yī-ö inrē inyöngö kikōnyö, uh yin harunnyö lanīnö më kūönre: harūkö cha pöri im chinökṙen, inlēnö inrē aṅ im Mā.

ISIKĪ-ĔL 20:28

Pò chu hē chu kēten cha i ngih panam öich chūökuṙô kētö e in cha, ngaich yē cha nöng meuk tömarô-òlkui rung hēk tölīpö rōi chōn in e cha-a ngaich nö kētö tökētu ngaich kētö inrunnyö lanīnö aṅ i nup kahëtö cha; in e cha-a nö söömlö nuk tökuchīkö tinveūkö, in e cha-a inrē nö ṙösnyö tökētu tö-ôkö tö cha.

ISIKĪ-ĔL 20:26

Ngaich chū-ö inrē hachōichngen cha lökten i nuk kahëtö cha öich vīten cha nö kētö lanòh kūön re nö i kūö tameūyö, pò chu hòṅ pinhëtökūö cha; tī chu angū-ö hōten cha nö akahakūö tö chu öich Mā Tēv.

Salmai 71:18

Hôṅ, yē chu ngaich köṅny, pakū-uvkui inrē, Ō Tēv, uh chin yēḵ ṙā-ai: hanöng saha chu vënyö kumlēḵ Meh in yip tahëng, tumkölchap ngam kumlēḵ Men, in yip mu-unôichngöre yanihih.

Salmai 58:11

Ngaich ngö ṙô min yip tarik, raneushu yin nö kô-en vē tölöök: kô-en Öp Tēv umuh kamhòṅklö kui ngih panam.

MANEUTNYI 7:5

Ngaich akahahakūö min yip aṅ Aikup tö Chu öich Chū-ö Mā Tēv, yē Chu öich Chū-ö Mā Tēv, yē Chu min hateutnyö këlre i kui Aikup, Öich kēnyö yip kūönre Israĕl nö rā-ang in cha.

2 SAMUĔL 7:22

Lökten man tökiröng, Ō Tēv Mā Tēv: pòn öt hĕng tak tösā meh öt rēhĕn nö Tēvu hol meh, sā nuk töhāngö nö ngaich tö në el nang ih.

MANEUTNYI 8:6

Hateutnyö këlre ngaich Āròn nö i kui nup mak i Aikup, meutlö ngaich nuk tarôṅt, löpngöre ngaich ngam panam i Aikup.

MANEUTNYI 14:4

Ngaich Chū-ö min hangëḵngö ellōn Fërō ngaich angā-aṅ min nö tömkörit cha; ngaich Chū-ö min kēḵ ineū-euṅre in Fërō, in yip in ò inrē kumyung nö ṙòkhöre; ngaich akahalōn min yip aṅ Aikup tö Chu Öich Chū-ö Mā Tēv, Ngaich ngatī chā-a.

MANEUTNYI 14:18

Hòṅ yip aṅ Aikup min nö akahalōn tö chu Öich Mā Tēv, yē chu min teūngen tö ineū-eure in Fërō, i nup inröl ò, in yip aṅ uk kōra ò inrē.

Salmai 44:2

Aṅtī tö ngam kël re man misī ahōngö yik pumnāmö tarik, ngaich teūichten cha ël e: hakihten më tarik më-eṅ, ngaich pirātngen cha.

Salmai 78:3

Nuk ahang hī, mikahlōn hī inrē: vënyu inrē tö yik yöng hī nö in hī.

Isayā 38:19

Ngam tö-aṅ, anga-aṅ min maha-öinyö meh, sā chu chū-ö in ngih sakāmö: ngam yöng vē nyīö min meumkahtölōn cha tö ngam kanô-en meh.