MANEUTNYI 10:16 - TÖHET LĪPÖRE (Re-edited) Bible (BSI)

¹⁶ Havëten nā Môsös ngaich ang Fërō, nö kurāten nā Āròn; ngaich ngö ṙô angā-aṅ, Köölöfālen chin lā im Mā Tēv, ngam Tēv nā, lā in nā inrē.

MANEUTNYI 10:16 Referans Kwoze

MANEUTNYI 9:27

Tīnhang ngaich Fërō, ngaich havëten nā Môsös, nā Āròn, ngaich ngö ṙô tö cha, Köölö fālen chin ing töngamuh: tölöök An ngam Mā Tēv, tölöök īhö tö vē tarik chu inrē.

T. MËTIV 27:4

Ngö ṙô pöri cha-a, Asuh öng angū-ö nö in ih? Kahngenre man me-eṅ tö e.

INCHŌḴ-OṘÔ 28:13

Anga-aṅ ngòh mahayunngö tanôichngenre öt kôlòṙen min, anga-aṅ pöri ngòh mahalööknyôre ṙāngö u inrē teūngen min tö miṙēlōn.

2 SAMUĔL 19:20

Tön akahngenre ön ngòh tarik meh nö köölö fālen; yĕh meuk, lökten, öich yih töngamuh urĕh tö taṙòkhöre yip aṅ patī Yôsĕf öich höngkūö ngam mā re ngam rācha.

1 SAMUĔL 26:21

Ngaich ngö ṙô ang Sôl, Ngaich chin köölö fālen, kūön chu Tāvit, havan man: ngaich chin öthōḵ chökhutī tö meh, pò ngih nômö chu nö pōi ṙāi nö i kūö meh töngamuh; yĕh meuk, kulō-ovṙen chin ngaich, pōihangṙen inrē öich vaich.

1 SAMUĔL 15:30

Ngaich ngö ṙô anga-aṅ, Ngaich chin köölö fālen: vë-ekūö meh chin, sòk man milēken chu i kūö vē mākūö vē tarik, i kūö Israĕl inrē, havantöre hēk öm in chu, hòṅ chu salām ngam Mā Tēv ngam Tēv meh.

1 SAMUĔL 15:24

Ngaich ngö ṙô Sôl tö Samu-ĕl, Ngaich chin köölö fālen: pò chu ngaich tôichngen tö chöngö ngam Mā Tēv: tö nup ṙô meh inrē: pò chu pa-ekūö tö yip tarik, ngaich öich hang ṙô cha.

KINṘEŪKÖ 22:34

Ngaich ngö ṙô Pēlām tö ngam ma-ahānga aṅ im Mā Tēv, Ngaich chin köölöfālen; pò chu öt akahalōn tö meh öm lā-al chu sökhaka el talöökö: lökten, yē meh kunyāhalōn tö e, ngaich kô-òren chu-ö hēk havanrit re.

KINṘEŪKÖ 21:7

Ngaich yihtöre yik tarik nö in Môsös, ngaich ngö ṙô, köölöfālen in ngaich pò ih chōichô lā-alkūö ngam Mā Tēv, lā-alkūö meh inrē; vë-ekūö ngam Mā Tēv man yēḵ, hòṅ Ò nö kēngö minë pēch nö ṙā-ang in ih. Vë-elkūi yik tarik ngaich ang Môsös.

MANEUTNYI 8:8

Ngaich Fërō nö havëten nā Môsös, nā Aròn, ngaich ngö ṙô, Vë-ekūö ngam Mā Tēv, hòṅ Ò nö kēngö në tarôṅt nö ṙā-ang in chu, ṙā-ang i vē tarik chu; ngaich chū-ö min hökngen më tarik nö kiröönngöre, hòṅ cha nö kētö tökētu nö im Mā Tēv.

MANEUTNYI 8:25

Ngaich Fërō nö havëten, nā Môsös, nā Āròn, ngaich ngö ṙô, kuṙòh kiröönngöre yin kētö tökētu im Tēv, höng ing panam.

2 SAMUĔL 24:10

Chökö ellōn ngaich Tāvit unôichrit ò nö kaheuk yik tarik. Ngö ṙô ngaich Tāvit tö ngam Mā Tēv, Pōihangṙen chin köölö fālen im kahëken chu: vë-ekūö meh pöri chū-ö töngamuh, Ō Mā Tēv, öm kavalngö ngih tökööl ngòh tarik meh; tön ngaich chin kulō-òv inlahen.

2 SAMUĔL 24:17

Ngaich Tāvit nö vë-ekūö ngam Mā Tēv hē ò nö meuk ök ma-ahānga ök famëlngö yik tarik, nö ngö ṙô, Yĕh meuk, chū-ö chin tököölö fālen, chū-ö inrē töminôṙô: në sīṅp pöri, asuh ap tī u anū-ö? Vë-ekūö meh chin in chu an yēḵ ngam kël meh, i patī ök yöng chu inrē.