MANEUTNYI 10:15 - TÖHET LĪPÖRE (Re-edited) Bible (BSI)

¹⁵ Pò u nö keuheūtngöre tī nö hanyatngö kūö ngam tumlat, lökten ngam panam nö sangūla; ngaich anū-ö nö keuheūt, nö nyāngö nup kun chōn im panam, keuheūt inrē tö ṙông nup chōn nup chööḵtī ök kumrah tökënngöre: Ngaich öt ōtre nup tö-uhāv, ötrēhĕn chōn ötrēhĕn kun kun chōn el kahôiṙen, keuheūtngöre im panam Aikup.

MANEUTNYI 10:15 Referans Kwoze

MANEUTNYI 10:5

Ngaich anū-ö min nö löpngöre nö i kūö ngam tumlat, öthĕng tak tökô min nö meuk kūö ngam tumlat: ngaich anū-ö min nö nyā nup chööḵkūö tökënngöre kumṙah, nup töt kô-òng vah, nup tö ōtren nö in yīö, keuheūt nyahāṅre min anū-ö tö chōn nup tösīöp tö pòkūö yīö nö el ngam kahôyö:

YŌ-ĔL 2:25

Havantö nup samyeūheu chin min in yīö nuk tö nyā-aṅyö aṅkūö tö hāyö, lahung, kataëm, misītö inrē yik töpōyen kumyung tahīntö chu in yīö.

Salmai 78:46

Kētö nuk tanë-eṅ cha Anga-aṅ nö i kata-ëm: nuk inlānen cha inrē nö i mufākö.

MANEUTNYI 10:12

Ngaich ngam Mā Tēv nö ngö ṙô tö Môsös, Hateutnyö këlre man i kui ngam panam Aikup hòṅ nup mufākö nö yih, nö i kui ngam panam Aikup, nö keuheūt nö nyāngö nup kun chōn im panam, ṙòkhöre nup chööḵtī ök kumṙah tökënngöre.

AMŌS 7:2

Ngaich ngö inlahen angū-ö hē u nö keuheūtökūö nö nyā kiyôp ngam panam, ngö ṙô ngaich chū-ö, Ō Mā Tēv, hayāichtôre chin vë-ekūö meh, öm aṙēlen chu! Sitih kanô-òṅ ang min Yāköp nö sökhak? Tö ò yih nö kūöṅnö.

KINṘEŪKÖ 22:5

Ngaich anga-aṅ nö tīnngö ma-ahānga nö in Pēlām ök kikōnyö kūön Pī-ōr nö i Pītōr, ök tö röhta nö ik tahël nö i panam yik kūön yik tarik ò, nö havëten ò, nö ngö ṙô, Yĕh meuk, ṙamā-ang Aikup yin vē tarik yamih: yĕh meuk, tööḵlö kūö ön ngih panam tö cha, ngaich cha-a inrē nö höngngöh nö lā-al chu.

INCHŌḴ-OṘÔ 30:27

Öt rāchavö në hāyö, sön anū-ö nö ṙāköröön nö kiröönngöre;

YŌ-ĔL 1:4

Nup chööḵkūö nup misī tö nyā-aṅyö min tö nup hāyö; ngaich nup chööḵkūö nup hāyö nyā-aṅyö min tö lahung, nup chööḵkūö nup lahung nyā-aṅyö tö kata-ëm.