MANEUTNYI 10:12 - TÖHET LĪPÖRE (Re-edited) Bible (BSI)

¹² Ngaich ngam Mā Tēv nö ngö ṙô tö Môsös, Hateutnyö këlre man i kui ngam panam Aikup hòṅ nup mufākö nö yih, nö i kui ngam panam Aikup, nö keuheūt nö nyāngö nup kun chōn im panam, ṙòkhöre nup chööḵtī ök kumṙah tökënngöre.

MANEUTNYI 10:12 Referans Kwoze

MANEUTNYI 7:19

Ngaich ngö ṙô man tö Āròn, Kē ap tinkungre man, hateutnyö këlre i kui minë mak i Aikup, i kui minë tahël, i kui nup tö-ūlö talöökö mak, i kui nup tö rūḵngö mak nö ṙòkhöre, hòṅ u nö vīngöre nö mahām; ngaich keuheūtngöre chūök min nup mahām nö im panam Aikup, el tökachāvu, el ihong chūökṙen inrē.

INMEUKHÖMAT 9:3

Ngaich löknyö ël ök lul nuk hāiyö nö meutnyi nö teunghökui ngih panam; ngaich kē-ĕvkūö anū-ö tö minhôiṅyö, sā në ka-ëp ing panam nö īnu tö minhôiṅyö.

MANEUTNYI 10:15

Pò u nö keuheūtngöre tī nö hanyatngö kūö ngam tumlat, lökten ngam panam nö sangūla; ngaich anū-ö nö keuheūt, nö nyāngö nup kun chōn im panam, keuheūt inrē tö ṙông nup chōn nup chööḵtī ök kumrah tökënngöre: Ngaich öt ōtre nup tö-uhāv, ötrēhĕn chōn ötrēhĕn kun kun chōn el kahôiṙen, keuheūtngöre im panam Aikup.

Salmai 105:34

Ṙô-òv Anga-aṅ, ngaich yih nuk mufākö: nuk kata-ëm inrē, öt kanṙeūken.

MANEUTNYI 9:32

Hö-ö pöri nuk vīt, tö nuk tahëng kangen vīt inrē nö chök; pòn öl nö sīöp.