MANEUTNYI 10:10 - TÖHET LĪPÖRE (Re-edited) Bible (BSI)

¹⁰ Ngaich ngö ṙô angā-aṅ tö cha, In yīö An yēḵ ngam Mā Tēv, yē chu ngaich hökngen yīö kiröönngöre, tö yip kūön yīö tökūöṅnö inrē: ngëchkö e; töchōich ap nö in yīö.

MANEUTNYI 10:10 Referans Kwoze

2 KINṘÖTNGÖ 32:15

Lökten töngamuh un hökiṙen Hesikia nö hachilö yīö hēk halō-ongkūö yīö nö ngatī inlahen, ui ṙātö ellōnre inrē in ò, tön öt hĕng tak tēv vē pumnāmö tarik hēk pūlngö töngaich nö kô nö ṙānyö tarikre nö ṙā-ang eltī chu, hēk ṙā-ang eltī yik yöng chu. Höichngen ngam Tēv yīö min nö ṙānyen yīö nö ṙā-ang eltī chu.

MANEUTNYI 13:21

Ngaich ngam Mā Tēv nö urēhĕkūö cha tö sakāmö nö el taṙul; nö hachōḵkūö cha tö talöökö; tö hatööm inrē nö el tameūyö, nö ëāṅvö cha; pòn hōtu chā-a nö kiröön tö sakāmö tö hatööm inrē:

INRĀMÖRE 3:37

Achīö ap mahachöngten ngaich teungtökūö angū-ö, yē ngam Mā öre nö öt halēnlö e?

MANEUTNYI 10:9

Ngaich Môsös ngö ṙô, Kiröönngöre in min holtö tö-ayal holtö tököiny inrē holtö kūönre tö kikōnyö hol tö kūönre tö kikānö inrē, holtö nup chehenre tömūl nup tö kö i mihëṅṙöre, öi kiröönngöre: pò ih hòṅ ip tökiröng sakāmö ngam Mā Tēv.

MANEUTNYI 10:11

Öt ngatī: kiröönngöre yin yī-ö höng kikōnyönyöre, ngaich lök la-en ngam Mā Tēv; tön angū-ö ap lōn yīö. Ngaich chā-a nö ahōnyuvö nö ṙā-ang i kūö Fërō.

MANEUTNYI 10:24

Ngaich havëten Môsös ang Fërō, Kuṙòh ngaich yin lök la-en ngam Mā Tēv; höng nup töṙeūla pöri chehen yīö tö höngngöh tö nup tömūlhaka chehen yīö i mihëṅṙö u: Hökngen më kun kūön yīö inrē nö kiröönngöre nö in yīö.