MANEUTNYI 10:1 - TÖHET LĪPÖRE (Re-edited) Bible (BSI)

¹ Ngaich ngam Mā Tēv nö ngö ṙô tö Môsös, Kuṙòh chuh in Fërō man: tön hangëngö ellōn ò chin, ellōn yip tarik alaha ò inrē, hòṅ chu hameuktö në minkahngöre elṙôngö cha:

MANEUTNYI 10:1 Referans Kwoze

MANEUTNYI 4:21

Ngaich ngöṙô ngam Mā Tēv tö Môsös, Yē meh ngaich havan i Aikup, la-evṙen pömchö ikūö Fërō, tö nup minkahngö nuk eltī meh nö ngaich tö tī chu: hangëngö ellōn ò pöri min Chū-ö, ngaich öthalöngngen yip tarik min angā-aṅ.

RŌMA 9:17

Pò ngam töhet līpöre nö ngö ṙô tö Fërō, Angū-ö ön ngih chööḵnyö chu takô hachohlen meh, pò chu hòṅ hameuktö minhôiṅyöre in meh; hòṅ ngam minënyö Chu inrē nö ahangka nö el kahôyö i në taṙòkhöre panam.

MANEUTNYI 3:20

Kētö neukhö vē tarik chin min nö ikūö yip aṅ Aikup: ngaich yī-ö min öthöng chanlööpṙen, ip hē yīö min kiröönngöre:

Salmai 7:11

Töchiplö an ngam Tēv nö ma-akaha fālen: hôṅ, Tēv an, nö töt hĕnghang sumkam kumnyahlōn.

1 SAMUĔL 4:8

Ötkôlò in ayī-ö! Chiāp min ṙamānyen hī ṙā-ang eltī vē tökalēḵ tēv? Cha-a yin vē tēv famëlngö yik aṅ Aikup nö aṅtī tö töṙōlkangen invah tölëlngökūö nö el tönyalnyi.

MANEUTNYI 9:27

Tīnhang ngaich Fërō, ngaich havëten nā Môsös, nā Āròn, ngaich ngö ṙô tö cha, Köölö fālen chin ing töngamuh: tölöök An ngam Mā Tēv, tölöök īhö tö vē tarik chu inrē.

MANEUTNYI 9:16

Kô-en an ri nö angū-ö lökten Chu hòṅ hameukhö mat meh tö minhôiṅyöre, hòṅ ngam Minë-eny Chu inrē nö keuheūtngöre chūök nö vënyu nö ing panam.

MANEUTNYI 7:4

Hö-ö pöri min Fërō nö hang ṙô meh, ngaich Chū-ö min kētö tīre i kui Aikup, ngaich kēnyö yip tömaṙôngö, yip tarik chu kūön Israĕl, nö ṙā-ang im panam Aikup: aṅtī tö yöng kinṙôka.

T. YÔHAN 12:40

Tilupngö mat cha Anga-aṅ, hangëḵngö ellōn cha inrē; pòn sōtu nup mat cha nö meuk, sōtu nö akaha ellōn inrē, ngaich havöölökūöre; ngaich halanken cha Chū-ö.

RŌMA 9:18

Hòn aheūkölōn Anga-aṅ ip chūökre nö lōnuvö, ip chūökre inrē nö hòṅ hangë-eng.

MANEUTNYI 9:12

Ngaich ngam Mā Tēv nö hangë-eng ellōn Fërō, ngaich öt hang ṙô cha angā-aṅ; sā ṙô ngam Mā Tēv nö in Môsös.

YÔSUĀ 11:20

Pòn ngam Mā Tēv mahangëṅngö ellōn cha, nö yihtöre nö lā-al Israĕl i kinyūngö pòn hòṅ ahatngen cha anga-aṅ, hòṅ cha nö öt inṙētuvö, hòṅ ò pöri nö hatngö tī tö cha, sā tinöölô Môsös tö ngam Ma Tēv.

MANEUTNYI 10:20

Hangëngö ellōn Fërō pöri ngam Mā Tēv, ngaich angā-aṅ nö öthalöngten yik kūön Israĕl nö kiröönngöre.