MANEUTNYI 1:7 - TÖHET LĪPÖRE (Re-edited) Bible (BSI)

⁷ Mikūönlö yik kūön Israĕl, ṙūölöre nö kalēḵ inrē; tööḵlö ngaich ngam panam tö cha.

MANEUTNYI 1:7 Referans Kwoze

Ranehlö 46:3

Ngaich ngöṙô angā-aṅ, Chū-ö chin Tēv, Öich Tēv ök yöng meh: uh man pa-ekuö chuh Aikup; tön in e Chin min vīlen meh tökiröng pumnāmö tarik:

I. CHÖNGÖ 26:5

Ngaich ngö ṙô më-eṅ sap ṙô i kūö ngam Tēv meh ngam Mā Tēv, Hĕng taka ök aṅ Siriā misī ök yöng chu kikōnyö tö hòṅ ngaichngen nö rö-ö, ngaich chuh Aikup anga-aṅ, iyöng in e inrē nö rahëichtaṙen, öt ṙōl taka; in e anga-aṅ ngaich nö vītöre nö pumnāmö tarik, kiröng, kalēḵ, pōyen inrē:

Ranehlö 1:28

Hakôlò cha ngaich ngam Tēv: ngöṙô inrē ngam Tēv töcha, Mikūönlö yēḵ, ṙūölöre ṙôken inrē, hatöölö ngam tumlat, hayöngö e; minā-aṅv inrē, ikui kāḵ ël ngam mai, ikui chehechōn el kuföt, ikui nup tö-aṅ chehen mahalönyköre el tumlat.

Ranehlö 47:27

Ngaich Israĕl nö iyöng im panam Aikup, im panam Kōsen; ngaich chā-a nö amīnu nö umuh, kūönuvö, ngaich ṙūölöre ṙôken nö pōyen.

Ranehlö 35:11

Ngaich ngöṙô ngam Tēv tö ò, Chū-ö Chin Tēv Tökeuheūttöre chöngö: mikūönlö man mikūönlö man yēḵ ṙūhölre ṙôken inrē: löklen in meh yip min pumnāmö tarik, manūlö pumnāmö tarik inrē, löknyö i ṙat meh min inrē nö yih yip rācha.

Ranehlö 12:2

Ngaich vīlen meh Chū-ö min tökiröng mumā-aṅ tarik, hakôlò meh Chin min, vīlö ngam minë-eny meh nö kiröng; inkôlò pömchö më-eṅ yēḵ:

Ranehlö 9:1

Ngaich hakôlò Nō-a ngam Tēv, yik kūön ò kikōnyö inrē, ngaich ngö ṙô tö cha, Mikūönlö yēḵ ṙūölöre ṙôken, ngaich hatööḵlö ngam tumlat.

NAHIMIĀ 9:23

Ngaich më-eṅ ṙūölö ṙôngö yik kūön cha nö sā taneūsömat ngam halīöngö, ngaich kēten cha më-eṅ ip panam öp ṙô meh i yip yöng cha chūök cha nö kuhēthötre nö kē-ĕ e nö amin re.

I. CHÖNGÖ 10:22

Chuh Aikup yik misī muvöhngö meh nöng sat anāi tum tak nö tarik; ngaich töngamuh ngam Tēv ngam Mā Tēv meh nö vīlen meh sā taneūsömat ngam halīöngö tö ṙôngöre.

Ranehlö 48:4

Ngaich ngöṙô tö chu, Yĕhmeuk, vīlen meh Chin mikūönlö, ṙūölö ṙôken meh inrē, vīlen meh Chin min inrē tömaṙôngö öm tarik; ngaich Chū-ö min kētö ngih panam ip kūön meh, unôichrit meh, nö töt chanūhuvṙen nö amin.

Ranehlö 17:16

Hakôlò ò Chin min, ane inrē kēḵtö kūön meh min Chū-ö tökikōnyö in ò: hôṅ, hakôlò ò Chin min, ngaich angā-aṅ min nö kikānö yöng mumā-aṅ tarik, rācha vē tarik min nö löknyö in ò.

Salmai 105:24

Ngaich anga-aṅ nö ṙūölen yik tarik re nö pōyen: vīten cha inrē nö kalēḵ tö yik lā-al cha.

Ranehlö 28:14

Ngaich öp kūön meh min nö sā ṙôken pinṙōngö ngam tumlat, ngaich më-eṅ min parāti lā sūng, lā chuhöt, lā kapā, lā lòhngö inrē: in meh yip min, ip kūön meh inrē ṙòkhöre yip aṅ ngih panam nö hakôlöngṙô.

Ranehlö 22:17

Im inkôlò Chin hakôlò meh, i ṙinūöhöl ṙôken Chin öich ṙūölö ṙôken ngam kūön meh sā taneūsömat ngam halīöngö ane inrē sā kuyāyö ngam kūö mai; hayōm kūö inkūp yip tökunyāha elmat an min ngam kūön meh:

Ranehlö 13:16

Ngaich Chū-ö min vīlö öp kūön meh nö sā pinṙōngö ngam tumlat: hòṅ e yē öp tarik nökô nö kaheūk pinṙōngö ngam tumlat, ngaich min inrē nö kaheūkö nö kūön meh.

Ranehlö 1:20

Ngaich ngöṙô ngam Tēv, Hökngen minë mak nö pōyen aṅ tö mahalöinyköre tö-aṅ, tönup tönômuvö, hökngen chehechōn inrē nö kiteū ikui ngam tumlat, el ngam tönyāṅknyi taṙul ngam halīöngö.

MANEUTNYI 12:37

Ngaich yik kūön Israĕl nö kiröön nö löktö kūö Rāmsēs nö kū-ö tö Sakòt, tafūölòng köiny yik kumröön tarik, ötkaheuktu nyīö.

Ranehlö 48:16

Ngam ma-aṅhānga, ngam ṙamānyen chu ṙā-ang i nup taṙòkhöre tötlöök, hakôlò nāṅ nyīö yēḵ; hökngen ngam minë-eny chu nö minë-eny cha, ngam minë-eny nak yöng chu inrē, nā Aprahām nā Isak; ngaich hökngen cha nö sīöplö nö maṙôngö nö ellōn ngih tumlat.

Ranehlö 26:4

Ṙūölö ṙôken ap kūön meh Chin min sā taneūsömat ngam halīöngö; ngaich kē-ĕkūö ap kūön meh min tö në panam; ngaich ip kūön meh min nö ṙòkhöre vē mumā-aṅ tarik ing panam nö kanôluṙô;

Ranehlö 15:5

Ngaich kēḵnyen ò Anga-aṅ nö el kahôiyö ngaich ngöṙô, Ngëichkö lā el halīöngö, kaheuk minë taneūsömat, yē meh kô kaheūkö u: ngaich ngöṙô Anga-aṅ tö ò, Ngatī ap kūön meh min.

INLAHEN 13:17

Katöllö yik muvöhngö hī An ngam Tēv vē tarik Israĕl; ngaich hapōilö yik tarik, hē cha nö iyöng ip panam tahëng, Aikup; aṅtī tö minhôiṅyöre Anga-aṅ nö kēḵnyen cha, nö ṙā-ang in e,

Ranehlö 26:22

Ṙā-ang umuh angā-aṅ ngaich nö kē-ĕngre, ngaich ul tahëng mak; ngaich achā-a nö öt lā-alkūöre tö e: ngaich kaheuk minë-eny e angā-aṅ nö Rehōpot; ngöṙô angā-aṅ, Pòn möl ngam Mā Tēv nö vītö chūök hī, ngaich in min miṙònglö ing panam.

MANEUTNYI 1:12

Ip ṙôkö tī cha pöri nö hakihten cha, vaich tö ṙūöhölre ṙôngö cha-a ṙūönyöre pinrātngö inrē. Ngaich chā-a nö kunyāhaṅlōn tökūö yik kūön Israĕl.

MANEUTNYI 5:5

Ngaich ngöṙô Fërō, Yĕh meuk, maṙôngö yin vē tarik aṅ ngih panam, ngaich nā-aṅ vīten cha nö heūheure nö i minë la-enre.

Salmai 107:38

Hakôlò cha Anga-aṅ inrē pòn hōtu nö pōyen nö ṙūhölre ṙôngö: sōtö nup nuā cha Anga-aṅ nö kūönngöreṙen.

ISIKĪ-ĔL 16:7

Sīöplö inrē sā chōn ngam el kahôyö. Ngaich sīöplö me-eṅ marôlòng ngaich sööḵlö ṙēti ngaich i rinëlöre; môlnyi teh ngaich, sīöplö keūyö; höng chumlal pöri me-eṅ öt kinṙumngu alaha.