MANEUTNYI 1:21 - TÖHET LĪPÖRE (Re-edited) Bible (BSI)

²¹ Ngaich kūö nak lamāich nö tö pa-ekūö töm Tēv, ngaich vīlö patī cha angā-aṅ.

MANEUTNYI 1:21 Referans Kwoze

1 RĀCHA 11:38

Ngaich mīnö angū-ö, yē meh min hang nup tinöölôre tö chu, ngaich lök el në talöökö chu, ngaich la-evṙen inrē tö töhuveū nö i mat chu, öm haköp në chöngö chu tö në inchöngten inrē aṅ in chu, sā ök tarik chu Tāvit; hòṅ chu min in meh, ngaich mānlö patī meh min tö tököp, sā ti chu mānlö patī Tāvit, ngaich kēten Israĕl min nö in meh.

1 SAMUĔL 2:35

Ngaich chū-ö min hachohlö öp tökô-en kūönṙô öp töla-evṙen min tö tösā lōn chu, tösā kuilōn chu inrē: ngaich chū-ö min mānlö tököp patī ò; lök i kūö ngam töhachāmö kui tö chu min inrē anga-aṅ nö örheūheu.

Salmai 37:3

Hayönglenre im Mā Tēv, la-evṙen inrē tö tölöök: iyöng im panam, tömrit kanô-en inrē.

Mumkahten 8:12

Pòrô öp tö köölö fālen nö hēngòng tumheuh nö lā-evṙen tö tötlöök marô-ò tö nômö inrē sön chū-ö akahalōn tö e min nö löök nö in cha yip tö pa-ekūö tö ngam Tēv, pò cha nö pa-ekūö tö ngam Tēv, pò cha nö pa-ekūö nö i kūö ò;

1 RĀCHA 2:24

Lökten sā ngam Mā Tēv nö tö-aṅ, ngam mahaköpö chu, maha-ūichlen chu inrē el kantēra ök yöng chu Tāvit, ngam vamīlö patī chu, sā ṙô ò nö kilēḵngôre, öthō ap min Atōnīyā i ngih sakāmö nö öt kumpahai vah.

1 SAMUĔL 25:28

Vë-ekūö meh chin, aṙēlö tökööl ngòh tarik re man kikānö: tön kô-en An min ngam Mā Tēv nö vīlö tököp patī ngam mā chu, pò ngam mā chu nö kiyung kinyūngö ngam Mā Tēv; öt kôti min nup tötlöök nö in meh i ṙô-òten nup sakāmö meh.

Salmai 127:1

Yē ngam Mā Tēv nö öt mānlö ngam patī, chök alaha cha-a yip mamānlö e: yē ngam Mā Tēv nö öt aṅtö ngam elpanam, chök alaha ap amahaṅti nöng aṅhen.

YERIMIĀ 35:2

Kuṙòh chuh i patī yip Rēkap vë-ekūö cha, kēten cha inrē el ngam patī ngam Mā Tēv, el öp töhĕng i nup urôhò; kē-ĕkūö cha tö vāin nö òk.

INCHŌḴ-OṘÔ 24:3

Mānlöngö patī lökten i mikah, köp angū-ö inrē lökten i mikah elmat;

Salmai 127:3

Yĕh meuk, amin ngam Mā Tēv yin vē nyīö: raneushö Ò öp ṙòng el chūök kanūönö.

MANEUTNYI 1:17

Töpa-ekūö pöri nak lamāich töngam Tēv, ngaich öthō tö tinöölôre tök rācha aṅ Aikup, ṙātö yik kikōnyö pöri nö aṅ.

Salmai 112:1

Ha-öiny ngam Mā Tēv yip: tökôlò ön ngòh tarik ngòh tö pa-ekūö tö ngam Mā Tēv, öp tö ööire nö mötlö nö i në chöngö Ò.