MANEUTNYI 1:17 - TÖHET LĪPÖRE (Re-edited) Bible (BSI)

¹⁷ Töpa-ekūö pöri nak lamāich töngam Tēv, ngaich öthō tö tinöölôre tök rācha aṅ Aikup, ṙātö yik kikōnyö pöri nö aṅ.

MANEUTNYI 1:17 Referans Kwoze

INLAHEN 5:29

Ngaich ngö ṙô Pītör, yik tanīnöṙô inrē, nö sapṙô cha, Hòṅ hang chöngö ngam Tēv in, mööḵlö tö chöngö tarik.

MANEUTNYI 1:21

Ngaich kūö nak lamāich nö tö pa-ekūö töm Tēv, ngaich vīlö patī cha angā-aṅ.

T. LŪKÖS 12:5

Ve-eny nang yīö pöri Chu-ö, tö ngam pinhe-eṅkūö yīö, pa-ekūö yin tö Ò, ngam tömihôiṅ nö kavalhötnen yīö el chūök ötinkôlò; yĕn pòrô nö keuheūtötī nö fël. Hôṅ, pa-ekūö yin tö Ò, ngö ṙô Chin tö yīö.

T. MËTIV 10:28

Uh yin pa-ekūö tö cha yip famël ngam alaha; ötkô pöri nö fël ngam ma-alaha. Pa-ekūö pöri tö Ò, ngam tökô-òren nö hĕnghöre fël ngam ma-alaha, alaha inrē, nö el chūök ötinkôlò,

Mumkahten 12:13

Manā-aṅgrit ön ngih; keuheūtlöre nup nö ngaich nö hāngö. Pa-ekūö töm Tēv, haköp nup chöngö ò inrē; pò e nö angū-ö la-en tarik nö keuheūtlöre.

TANĪ-ĔL 6:13

Ngaich cha-a nö sapṙô nö I kūö ök ṙācha, Tö Tanīĕl, tö hĕng tak aṅ in yip tö ahöti nö ṙa-ang Yūta nö öt chumkūöṙen tö meh, Ō rācha, tö ngam sinôḵngen inrē chūök meh kūich tö mine-eny re, ngaich pöri i tö hĕng sakāmö nö lūöi heuh nö vë-ekūötēv.

INCHŌḴ-OṘÔ 16:6

Halāmö tökööl tö hinang chöngö kanô-en inrē, hakūönngö tölöök inrē ngam pinhë-eṅkūö ngam tarik tö ngam Mā Tēv.

Mumkahten 8:12

Pòrô öp tö köölö fālen nö hēngòng tumheuh nö lā-evṙen tö tötlöök marô-ò tö nômö inrē sön chū-ö akahalōn tö e min nö löök nö in cha yip tö pa-ekūö tö ngam Tēv, pò cha nö pa-ekūö tö ngam Tēv, pò cha nö pa-ekūö nö i kūö ò;

Salmai 31:19

Ō yöng ṙôkö ngam lanöökö meh, ngam ṙahāḵtö meh, lumnööṙö yip tö pa-ekūö tö meh: ngam tī meh pòkūö cha yip mahayönglenre nö in meh, nö i kūö vē kūön tarik!

Ranehlö 42:18

Ngaich Yôsĕf nö ngöṙô tö cha im linūöi sumkam, Ngaich chö, ha-aṅhare, tön pa-ekūö chin tö ngam Tēv:

HŌSĪ 5:11

Hakihtuṙen an Ifrēm, kaṙöp an nö ngaich nö im inkaha fālen; pò ò nöng hamtöre lōn nö lök i ngam chöngö.

INCHŌḴ-OṘÔ 8:13

Sunrīkhö tötlöök an ngam pinhë-eṅkūö tö ngam Mā Tēv. Inkeūlen kanësen inrē talöökö tölöök tö hachōchi ṙô inrē surīkhö chu.

NAHIMIĀ 5:15

Langānö hakeunlö yik mu-urĕh mahayöng mu-urēhĕkūö chu nö in vē tarik, kēḵ nyā-aṅkūö cha-a nö in cha, vāin inrē, nö holre tö töfën anāi siköl rupīö. Uroh yik tarik cha nö mā nö i kui yik tarik. Hö-ö pöri chū-ö ngatī, kūö pinhë-eṅkūö tö ngam Tēv.

MAIKA 6:16

Kūö nup insātēv Omri nö haköpka, nup la-en aṅ patī Āhap inrē, ngaich yī-ö inrē lök i nup inlēnö tö cha: angū-ö chööḵnyö chu piyāingen meh, yip aṅ meh inrē min nö töhīsiyö; ngaich yī-ö min keun miṙē-ĕv yip tarik chu.

Ranehlö 20:11

Ngaich ngöṙô Aprahām, Pò chu ngölōn, Kô-en ap öt pinhë-eṅ ngam Tēv nö hö-ö nö ing panam, ngaich chā-a min nö fëlngen chu nökūö ngam pīhö chu.

MANEUTNYI 1:18

Tölṙô invëtö nak lamāich ngaich ök rācha aṅ Aikup, ngaich ngöṙô tö cha, Kūöyòh an ngatī inlahen, an ṙātö yip kikōnyö nyīö nö aṅ?

1 SAMUĔL 22:17

Ngö ṙô ngaich ök rācha tö yik amahati yik tösökhak nö havīlen ò, Havöölökūöre, fëlngö më kūönṙô ngam Mā Tēv: pò minë eltī cha inrē nö in Tāvit, pò cha inrē nö akahalōn tö ò nö falngöre, ngaich öt hameuktö e nö in chu. Hö-ö, pöri yik tarik ngam rācha nö hōḵ nö kētö tīre nö in yik kūönṙô ngam Mā Tēv.

2 SAMUĔL 24:4

Öt anhôngen pöri ngam rācha tö Yôap tö yip tahëng inrē yöngkūö kumyung. Ngaich ang Yôap tö yik yöngkūö kumyung nö kiröönngöre nö ṙā-ang i kūö ök rācha, nö kaheuk yik tarik Israĕl.

ESTÖR 3:3

Ngaich yik tarik ök rācha yik mi-i kūö inkūp ök rācha nö ngö ṙô tö Môrtikai, Kūöyòh ömeh öt hang chöngö öp rācha?