MANEUTNYI 1:14 - TÖHET LĪPÖRE (Re-edited) Bible (BSI)

¹⁴ Ngaich chā-a nö vīten cha nö kunyāhaṅlōn nö i nuk tökihngen la-enre, i vinī-i lanit īt inrē, nup tökeuheūttöre la-en inrē el kahôyö, ṙòkhöre nup la-en cha, nup chūök tī cha tö cha nö kalē-ĕ la-en.

MANEUTNYI 1:14 Referans Kwoze

INLAHEN 7:19

Ngaich anga-aṅ nö miyëḵ tö cha, ngaich öt hakôlò yik muvöhngö hī; lökten cha nö kavalngö yik tënö kūön cha, pòn sōtu nö aṅ.

KINṘEŪKÖ 20:15

Tö inlahen yik muvöhngö ih nö chuh Aikup, ngaich marô-òten īhö iyöng Aikup; ngaich yip aṅ Aikup nö öt lēken ih, tö yik muvöhngö ih inrē:

MANEUTNYI 6:9

Ngaich Môsös nö vë-ekūö yik kūön Israĕl: hö-ö pöri chā-a nö hangṙô Môsös tökūö kanihngen ellōnre, kūö ngam ötlinëken inkövö.

MANEUTNYI 2:23

Ngaich ngö inlahen irô-òten nuk töṙōl sumkam, kapah ngaich ök rācha aṅ Aikup; ngaich yik kūön Israĕl nö halöinyöre tökūö ök inkövöre, ngaich peuiny chā-a, ngaich ök ṙô cha nö söllö nö im Tēv.

INLAHEN 7:34

Meuk kanihngen yip tarikre takô Chin, yip i Aikup: hang inyôṙö ṙô cha Chin inrē; ngaich hòṅ yihtöre Öich ṙānyen cha. Tā-a, hòṅ tīnten meh Chin i Aikup.

Isayā 58:6

Röh öng ngih inhīkö atöllö chu? Linuhnyö inlök öt lanöökö, linuhnyö nup uk nyanëk tö ngam kaneun, ṙināḵlö ngam töhakihtuṙen, linkölngö ngam kaneun inrē?

Salmai 81:6

Kēngö elranôṙö Ò chū-ö tö lumngan: ṙānyu nuk kuntī Ò nö i nuk kuvôkö.

NAHOM 3:14

Tūökgö mak re man hanöng ap kinyīngö, hangëkö nup chūök meh kiyung; kuṙòh chuh el tilin, kirāch ël ap chūök vinī-i tilin, vī ap chūök inrang īt nö ngëḵ.

MAIKA 3:3

Kamā alaha yip tarik chu inrē; līlö nup uk alaha cha inrē cha-a nö ṙā-ang in cha, likölngö nup tangëḵ cha inrē; hôṅ kurökö u cha-a nö pinyënyö, nö sā aṅ tanīöyö, sā öp alaha el öp kaltiròng.

Isayā 52:5

Lökten, ngö ṙô ngam Mā Tēv, Suh ap in chu ihih tö yik tarik chu nö kē-ĕyö nöng öt ṙāyu? Harāmöre yip mahayöngö cha, iṙūöhen inrē i rô-òtö sakāmö ngam minë-eny chu nö miṙē-ĕyö, ṙô ngam Mā Tēv.

Isayā 51:23

Kētö e chin min eltī yip mahakihten yīö, yip tö ngö ṙô tö yīö, Sōnngöre, hòṅ ih lökngö kui yīö; ngaich yī-ö vī ngam ukre nö sā tumlat sā talöökö cha inrē nö tövāngi kui.

Isayā 14:6

Ngam fanòh yip tarik im lanīnö nöng iṙūöhöti, yip mahayöng pumnāmö tarik nö im tanānyö, nö aṅtī tö inkihten öp tötkô nö lanakngen.

Salmai 68:13

Hulalngöre öi min el kinlōngö sīṅp, sā nup sanëòk pumpa tö vinngö alaha tö rupīö: nup rööntö sanëòk ò inrē nö vinngö tö humlum tösā elmat manūlö?

NGAM LĪPÖRE RŪT 1:20

Ngaich ngö ṙô anga-aṅ tö cha Uh chin havëka Naōmī, Māra, ngö ṙô pöri havëken chu: tön angū-öṅvö tī an ngam Tökeuheūttöre Chööngö nö in chu.

I. CHÖNGÖ 26:6

Ngaich yik aṅ Aikup nö ötlēken ih, hakihten ih, hakeunlen ih inrē tö tökihngen inkövö:

I. CHÖNGÖ 4:20

Kē-ĕ yīö pöri ngam Mā Tēv, ngaich kēnyen yīö ṙā-ang i kūö ök vët tameūyö, ṙā-ang Aikup, pòi hōtu tarik ò, öi amin ò, sā yīö töngamuh.

LA-EN LĒVĪ 25:53

Sā töhaṙāyö kūön kūö min anga-aṅ nö in ò i tum samyeūheu: un hayöng anga-aṅ nö i kui ò nö holtö chanökhutī.

LA-EN LĒVĪ 25:46

Ngaich vīten cha min yī-ö nö amin yip kūön yīö, unôichrit yīö, nö ṙapka nö amin; in cha min yī-ö kēḵ hakövre tö tarik örheūheu: uh pöri yī-ö hayöng i kui yip hanöng kisānöre kūön Israĕl öi kö i kūi höö, holtö chanökhutī.

LA-EN LĒVĪ 25:43

Um hayöngan holtö chanökhutīre; pa-ekūö pöri tö ngam Tēv meh.

MANEUTNYI 20:2

Chū-ö chin Mā Tēv, Tēv meh, öich kamënyen meh ṙā-ang panam Aikup, ṙā-ang ap patī inkövö.

MANEUTNYI 1:13

Ngaich yik aṅ Aikup nö vīten yik kūön Israĕl nö ngë-eṅ la-en.

Ranehlö 15:13

Ngaich ngöṙô Anga-aṅ tö Aprām, Akahalōn pömchö tö öp kūön meh min nö aṅ tahëng min nö ip töt panam cha, ngaich kūönkūö cha min, ngaich chā-a min nö hakihten cha nö eltö fënòng samyeūheu;

MANEUTNYI 1:11

Lökten cha nö asöklö yöngṙen töla-evṙen nö in cha, nö hakihten nö hol tī tönup lumngan cha; ngaich chā-a nö mānlö chūök chehen Fërō tö elpanam, Pitōm, Rāmsēs inrē.

MANEUTNYI 1:15

Ngaich ök rācha aṅ Aikup nö vë-ekūö nak lamāich yik Hīprū, hĕngtaka ök tö ngö minë-eny Sifra, Puah minënyi ök tahëng.

1 RĀCHA 12:14

Ngaich vë-ekūö cha anga-aṅ nö sā inlēnöre tö yik ṙāl tarik, nö ngö ṙô, Langānö tī ök yöng chu tö kum yīö ṙūöten lumngan yīö pöri min chu-ö, fōho yīö pöri min chū-ö aṅtī tökanaptöritre.

INCHŌḴ-OṘÔ 28:15

Sā töpōitô lāyön hēk për sumṙöp ngòh tötlöök mahayöng i kui yāich tarik.

Salmai 129:1

Ṙōl heuh yin nö hakihten chu, löktökūö nyinī-öṅ chu: hökngen Israĕl nö ngö ṙô töngamuh

Isayā 10:24

Lökten an ngam Mā nö ngö ṙô, ngam Mā Tēv yip tömaṙôngö, Ō yī-ö tarik chu mī-iyöng Siyôn, uh yin pa-ekūö tö yip aṅ Asiriā: pòrô anga-aṅ min nö hachökö meh nö aṅtī tö chōn, ngaich hanyāṅklöp aṅtī re nö in meh nö sā inlahen yip aṅ Aikup.