MANEUTNYI 1:10 - TÖHET LĪPÖRE (Re-edited) Bible (BSI)

¹⁰ Tā-a; töi huveū lök alaha cha ngaich kēngen cha un ing panam; hòṅ cha nö öt ṙūöhölre ṙôngö, ngaich min, yĕn hē kinyūngö, ngaich chā-a nö hamūltöre nö in yip lā-al hī, ngaich kiyung nö lā-al hī.

MANEUTNYI 1:10 Referans Kwoze

INLAHEN 7:19

Ngaich anga-aṅ nö miyëḵ tö cha, ngaich öt hakôlò yik muvöhngö hī; lökten cha nö kavalngö yik tënö kūön cha, pòn sōtu nö aṅ.

INCHŌḴ-OṘÔ 1:11

Yē cha nö ngö ṙô, Tā-a in ih, töi höng finël tarik, tā-a töi tölngenre hayun töt akaha,

Salmai 105:25

Vīngö ellōn cha Anga-aṅ nö surīkhö yik tarik Ò: mileuichngen michūḵ nö i yik tarik Ò.

Salmai 10:2

Lūḵ ngam yāich an ngam inkeūlen ngam tötlöök: hökngen cha yĕh nö kô-òng-vah tökūö nup vahīṙen cha tömilichngen lōn cha.

INLAHEN 23:12

Peuheū-eulre ngam peuheū, ngaich yik Yahūti nö ulāikenre nö hamūlöre, rūtngövahre cha-a, yē cha nö nyā, òk inrē, hanöng saha tī cha nö fëlngen Pôl.

INCHŌḴ-OṘÔ 21:30

Hö-ö mikah, hö-ö mikah elmat, hö-ö inlēnö, nö kôḵ nö lā-al ngam Mā Tēv.

INCHŌḴ-OṘÔ 16:25

Talöökö ap umuh tölöök tölōn tarik, kinpaha pöri öp tölngö ngam talöökö.

NGAM LĪPÖRE YŌP 5:13

Kē yip tö-akaha Anga-aṅ i nup kanahngen vahī cha; nup tī yip tömileuchngen inrē nö kum-eūyiṙen nö keuheūt.

KINṘEŪKÖ 22:6

Tā-a lökten töngamuh, vë-ekūö meh chin, rūtngövah vē tarik; tön yāha kumlēḵ yin tö chu: lohten min öich mihôiṅ, hòṅ ih fëlö cha, hòṅ chu inrē ahōngen cha ṙā-ang kūö ngam panam: pò chu akahalōn tö öp töng hakôlöngṙô tö meh ngaich kôlò, ane inrē anga-aṅ öp törūtiṙen mgaich ök kôlò.

1 SAMUĔL 29:4

Tany pöri ngaich nö in ò yik kūön rācha aṅ Filistain; ngö ṙô tö ò yik kūön rācha aṅ Filistain, Tölṙô ngam tarik man nö havanritre, hòṅ ò nö havanngöre nö i chūök re ip chūök tī meh taheui tö ò, uh an nö kiröönngöre nö in hī nö im kinyūngö, hòṅ ò min nö öt vītöre nö lā-al hī im kinyūngö: asuh ṙöng öp min tī ngòh tarik nö halāmtöre nö ip mā re? Röh ang min nö inlāmtö në kui vē tarik?