MALAKI 1:9 - TÖHET LĪPÖRE (Re-edited) Bible (BSI)

⁹ Vë-ekūö meh chin, yĕh havëkö chinòngkūöre man töngamuh im Tēv, hòṅ ò nö aṙē-ĕlōn tö hī: tö ngatī an nö lökten in meh: hō-o e ang min nö pò meh öm më-eṅ? ṙô ngam Mā Tēv yip tömaṙôngö.

MALAKI 1:9 Referans Kwoze

1 PĪTÖR 1:17

Ngaich yē yīö sā ṙôre tö yöng havëken Ò, ngam kamhòkken tarik nö öt atölluṙen, nö kö asā inlahen la-en tarik, keuheūtngö ngam ṙētakre öi iyöng i pinhe-eṅkūö:

YERIMIĀ 27:18

Yē cha nö pròfĕt, ane inrē yē ngam ṙô ngam Mā Tēv nö in cha, ngaich hökngen cha nö vë-el-kui nö im Mā Tēv yip tömaṙôngö, hòṅ nup chūökṙen nup tö ōtren nö el patī ngam Mā Tēv, el patī ap rācha aṅ Yūtā inrē, i Yērusalem inrē hòṅ u nö öt chuh Pēpilön.

MANEUTNYI 32:11

Ngaich Môsös nö vë-ekūö ngam Mā Tēv ngam Tēv ò nö hòṅ aṙētu ṙô, nö ngö ṙô, Mā Tēv, kūöyòh öng ngam lanīnö Meh nö ṙāich nö i vē tarik Meh, vē kahënyö Meh nö ṙāngö ngam panam Aikup öm hol tö minhôiṅyöre kumlēḵ këlre inrē?

RŌMA 2:11

Pò ngam Tēv nö töt atöltuṙen tö tarik.

T. YÔHAN 9:31

Akahalōn in, tö ngam Tēv nö öt hang ṙô tököölö fālen, Yē ngòh tarik pöri nö töpa-ekūö tö ngam Tēv, lök lōn Ò inrē, anga-aṅ töhāngö ṙô tö Ò.

YERIMIĀ 26:19

Ngaich kumpahangvah ò hòng ang Hēsikaya ök rācha aṅ Yūtā, ṙòkhöre inrē yik aṅ Yūtā? Röh ök nö pa-ekūö tö ngam Mā Tēv ngaich havëkö inṙē-ĕlre nö i ngam Mā Tēv, ngaich röh hòng ngam Mā Tēv nö ṙā-al lōnre tök tötlöök ök ṙô ò nö lā-al cha? Ngaich pöri ayī-ö hòṅ kētö tökiröng tötlöök i kui re.

YŌ-ĔL 2:17

Hökngen yip kūönṙô tö yip mameukṙen ngam Mā Tēv, nö peuiny nö ihôi ngam nyat rit tūi tö ngam tahāklö, höknyô cha nö ngö ṙô, Ō Mā Tēv, aṙēlö vē tarik re man, un kētu vē amin meh nö im minṙēngö, hòṅ vē pumnāmö tarik nö öt mināich tö cha: kūöyòh ṙöng aich min nö ngö ṙô nö i vē tarik, Isuh ap Tēv cha?

INRĀMÖRE 2:19

Choholre, peuiny tö hatööm raneh tökūö inahati! Sā maktī ṙöhnyö ngam ellōnre i kūö ngam Mā! Hachônglö këlre in ò tökūö unhômö yip kūön meh, yip tötakngö nö aheuk nö keuheūt kui talöökö.

2 KINṘÖTNGÖ 30:27

Ngaich yik kūönṙô tö yik Lēvi nö choholre nö hakôlò yik tarik, hāngö nuk ṙô cha, nup ṙô tarik, hāngö nuk ṙô cha, nup ṙô cha inrē nö havë-a nö söllö nö im töhet elyöngö el halīöngö.

YŌ-ĔL 2:12

Ngö ṙô pöri ngam Mā Tēv, Sön yī-ö töngamuh kô-en havantöre in chu keuheūttö ellōn re, holtö inhīkö,holtö pineūnyö, holtö miṙivlōn inrē:

AMŌS 5:22

Hôṅ, pòrô yin kētö töföngö tökētū in chu nyā-aṅ inrē töktētu, hö-ö chū-ö min hō-en u: öt rēhĕn min öich chumkūöṙen in nup inlāmö tökētu nup tö sangööṙö alaha töṙeūla aṅ in yīö.