MALAKI 1:8 - TÖHET LĪPÖRE (Re-edited) Bible (BSI)

⁸ Ngaich yē yīö kētö tötmeuk nö tökētu, ngaich rö-ö hòng angū-ö nö tötlöök? Ngaich yē yīö kētö tökaròk tövahav inrē, ngaich rö-ö hòng angū-ö nö tötlöök? Kēten e yĕh töngamuh ip mahayöng; ṙāmölōn öp öre? Nö in meh ṙô ngam Mā Tēv yip tömaṙôngö.

MALAKI 1:8 Referans Kwoze

I. CHÖNGÖ 15:21

Yē ò nö pitōtuvö, tökaròk, hēk tötmeuk, nup töng höng yanô-òv ò, uh më-eṅ kēten ò im Tēv meh ngam Mā Tēv.

HŌSĪ 8:13

I nup tökētu nö in chu, kētö u cha-a ngaich kā-a u; hö-ö pöri ngam Mā Tēv nö hōḵen u: ngaich an min töngamuh nö köpölōn tö nup tökööl cha, ngaich chöhkö tökööl cha; havantöre yip min nö ngaich nö i Aikup.

YERIMIĀ 14:10

Ngö ṙô an ngam Mā Tēv tö inlahen vē tarik: Hāngen yin nö ngatī invötö, hö-ö yin nö ma-iṅh röönre; lökten ngam Mā Tēv nö öt hō-en cha, ngaich ön töngamuh nö köpölōn tö ötlanöökö cha ngaich sācha tī inrē tö tökööl cha.

Salmai 20:3

Köpölōn tö nup tökētu tö meh: hō-o nup töföngö kahëtö meh;

NGAM LĪPÖRE YŌP 42:8

Lökten yin kē kōiny nuā sat nòng sat nòng inrē kūön sīṅp, kuṙòh kiröönngöre inrē ip tarik chu Yōp, kētö tökētu yī-ö töföngö; ngaich min ngam tarik chu Yōp nö ve-elkui yīö, tön hō-o ṙô ò chin min nö vë-ekūö chu nö öt asā nuk kumlō-ov yīö; pò yīö öt ṙôtö töchip lā in chu, öi sā ngam tarik chu Yōp.

MALAKI 1:10

Mah hĕng tak öp öre in yīö lamöptökūö minë inkūp, hòṅ yīö öt tōttökūö tameūyö öi höng tötöl el ngam tahāklö chu! Hö-ö chin kuchīkölōn in yīö, ṙô ngam Mā Tēv yip tömaṙôngö, öt rēhĕn chin min hō-o tökētu ṙā-ang eltī yīö.

HAKAI 1:1

Im innët samyeūheu ök rācha Tērīös,im tinfūöl chumngëṅtö, im raneh sakāmö ngam chingëṅt, ngam ṙô ngam Mā Tēv nö yih lökten ik pròfĕt Hakai nö in Sērupāpĕl ök kikōyö kūön Sī-altī-ĕl, mahayöng nö i Yūtā, löö in Yôsuā inrē ök kikōnyö kūön Yēhōsatak, ök mākūö kūöṙô, nö ngö ṙô,

MALAKI 1:7

Kētö rôti yin tömūmu el ngam tahāklö chu. Ngaich ngö ṙô yī-ö, Sitih tī öi hamumgen meh? Ngö ṙô ngaich yī-ö in e, Töng yô-òv an ngam tahāklö ngam Mā Tēv.