MALAKI 1:6 - TÖHET LĪPÖRE (Re-edited) Bible (BSI)

⁶ Milēḵṙen an ngam nyīö kikōnyö tö ngam yöng re kikōnyö, ngam tarik alaha inrē tö ngam yöngṙen re. Ngaich yē chu chū-ö öich yöng, isuh ap minlēken chu? Yē chu chū-ö inrē yöngṙen, isuh ap pinhë-eṅ chu? ṙô ngam Mā Tēv yip tömaṙôngö nö in yīö, Ō yī-ö kūönṙô, maha-āichngen mine-eny chu. Ngaich ngö ṙô yī-ö, Sitih tī öi ha-āichngen mine-eny meh?

MALAKI 1:6 Referans Kwoze

T. LŪKÖS 6:46

Pò yòh öi, Mā, Mā ngö ṙô öi havëken Chu; ngaich rö-ö öi la-evṙen tö nup ṙô Chu?

Isayā 1:2

Ō yī-ö halīöngö, hangihtöre, kētö elnang re inrē, Ō me-eṅ tumlat, tön ngaich an ngam Mā Tēv nö ṙô-òv: pōyö tī chin haruklö kūön inrē, ngaich cha-a nö lā-al chu ahôngen chu inrē.

MANEUTNYI 20:12

Milēṙen man tö nap yöngre: hòṅ nup sakāmö meh min nö marô-òten im panam ngam kinë-eṅkūö meh tö ngam Mā Tēv, Tēv Meh.

1 PĪTÖR 1:17

Ngaich yē yīö sā ṙôre tö yöng havëken Ò, ngam kamhòkken tarik nö öt atölluṙen, nö kö asā inlahen la-en tarik, keuheūtngö ngam ṙētakre öi iyöng i pinhe-eṅkūö:

HŌSĪ 12:8

Ngö ṙô an Ifrēm inrē, kô-en chin ngaich kôlò, kôtökūö chin tö kanôlò re: i nup la-en chu nö ṙòkhöre öt hēngö kanôtökūö cha-a min tö tötṙong i nup tökööl.

Isayā 64:8

Töngamuh pöri me-eṅ ngaich Yöng ih, Ō Mā Tēv; tilin in īhö vamī tanīöyö me-eṅ; ṙòkhöre in īhö vahī minë kuntī meh.

EFISÖS 6:2

Milēḵṙen man tö minā yöngre (ngam raneh chöngö, holtö kinlēḵngô),

INCHŌḴ-OṘÔ 30:17

Ngih mat mahayëḵngen yöngre tö kikōnyö mumnônngö chöngö yöngre tö kikānö inrē sôki min tö nup kavöö nö el achāṙö kā-a inrē tö nup matēṙö.

T. MËTIV 7:21

Rö-övö yin min nö ṙòkhöre nö kuhēthötre nö im pūlngö ngam halīöngö, vē töngö ṙô tö Chu, ‘Mā Tēv, ‘Mā Tēv,’ höng vē töla-evṙen pöri tö lōn ngam Yöng Chu, aṅ el halīöngö.

T. MËTIV 6:9

Sā ngih ṙô yin lökten, ve-ekūötēv, “Kayöngö, aṅ el halīöngö; töhet an yēḵ ngam Minënyö Meh;

INCHŌḴ-OṘÔ 30:11

Ramūtngö vah yöng re yip umuh tö kikōnyö hakôlò yöng re inrē tö kikānö.

I. CHÖNGÖ 5:16

Milēḵṙen man tö yöngre kikōnyö tö yöngre kikānö inrē, sā inchöngten meh tö ngam Mā Tēv ngam Tēv meh; hòṅ nup sakāmö meh nö marô-òten, hòṅ meh öm lööktöhëchṙen, i kūö ap panam ap kahëtö ngam Mā Tēv nö in meh ngam Tēv meh.

LA-EN LĒVĪ 19:3

Kö pa-ekūö yin min tö kikānö yöngre, kikōnyö yöngre inrē, ane inrē haköp në töhet sakāmö Chu: Chū-ö Chin Tēv yīö Öich Mā Tēv.

T. MĀKÖS 10:19

Akahalōn man tö nup chöngö, Um fël tarik, Um asĕhha, Um ulāiyö, Um sūöicha, Um hachīl, Milēṙen man tö mināṅ yöngre.

T. MËTIV 19:19

Milēḵṙen tö nap yöngre; hāngenlōn man inrē tö holre, sā lōn meh töre.

HŌSĪ 4:6

Fëli yip tarik chu pòn hāṅten nö i inkaha: pò cha nö sōḵo inkaha, sōḵen meh chin min chū-ö inrē, lökten man min öt kūönṙô chu: pò meh ngaich vaichngö tö ngam chöngö ngam Tēv meh, ngatī chin chū-ö min vaichngö tö yip kūön meh.

ISIKĪ-ĔL 22:26

Ngaich yip kūönṙô ò nö chökhuṙen nö im chöngö chu hachōichgö nup töhet chu inrē; hö-ö yip nö harīkngöre tī tö töhet tö töngha-eh inrē, öt rēhĕn yip nö haköptö inrīkngö ngam töthet tö ngam töhet, öt chumkūöṙen cha-a inrē tö në töhet sakāmö chu, lökten chu hachōichi in cha.

YERIMIĀ 23:11

Pròfĕt kūönṙô inrē nët re nö ötlöök; uroh chin el patī re kôtökūö tö öt lanöökö cha, ṙô ngam Mā Tēv.

T. MËTIV 15:6

Ngaich öt kô anga-aṅ nö milēḵṙen tö ngam yöngre. Ngaich ngam ṙô ngam Tēv nöng tö rö-ö, tötī yīö, kūö nup fālen yīö.

MALAKI 2:8

Ngaich pöri yī-ö kānngöre töm talöökö; pô-òv kūö yin ngaich tö tömaṙôngö nö kavē-ĕre nö im chöngö; ngaich yin hachōichgö ngam kinlēḵngô aṅ in Lēvī, ṙô ngam Mā Tēv yip tömaṙôngö.

T. LŪKÖS 10:29

Ngaich pöri anga-aṅ nö hòṅ halöököre, ngaich ngö ṙô ò tö Yēsū, Achīö ap hol chu?

T. LŪKÖS 6:36

Aheukölōn yin yi-ö yēḵ, sā ngam Yöng yīö nö tö-aheukölōn.

T. MĀKÖS 7:10

Pò Môsös nö ngö ṙô, Milēṙen man tö nap yöngre; ngòh tötlamëkôre tö yöngre, kumpahaiva min anga-aṅ.

YERIMIĀ 31:9

Yih yip min nö holtö pineūnyö, holtö inṙamlōn inrē min chū-ö hachōḵten, cha hēk, vīten cha chin min nö lök ël töhëm mak, ip töchip talöökö ël e min cha-a nö öt kavē-ĕre; pò chu öich yöng Israel, Ifrēm inrē lanòh nö kūon chu.

T. LŪKÖS 18:20

Huveū-eu ṙô öm tö nup chöngö. Um asĕhha. Um fël tarik. Um ulāiyö. Um sūöchkö töng tarik. Milēḵṙen tö minā yöngre.

T. MËTIV 15:4

Pò ngam Tēv nö ngö ṙô, Milēḵṙen man tö yöngre, ane inrē, Ngòh töchōchö ṙô tö yöngre, kumpahan.

HŌSĪ 5:1

Hangihtöre tö ngih, Ō yī-ö kūönṙô, hang inrē yī-ö patī aṅ Israel, kētö elnang re inrē, Ō yī-ö patī rācha, tön mī-in yīö ap inkaha fālen; pò yīö nūöt öi i Mīspā, inhāṅl inrē töhanyāknyu i kui Tāpōr.

I. CHÖNGÖ 1:31

El tönyaṅlnyi inrē in e më-eṅ ngaich meuk tī ngam Mā Tēv, ngam Tēv meh nö tētö meh, sā tī tarik nö tēt kūön re, i nup talöökö tölökö tö yīö, hanöng saha yīö sölta ngaich i ngih chūök.

Salmai 123:2

Yĕh meuk, sā mat yip kūön kūö, nö ngëichkö el patī yip yöngṙen re, sā mat yip kūön kikānö, nö ngëichkö eltī yip yöngṙenre kikānö: ngatī në mat hī nö hatīönkö ngam Mā Tēv, hanöng saha Ò nö aṙē-ĕlōn tö hī.

INCHŌḴ-OṘÔ 17:6

Sapīöv tököiny yin vē nyīö yōm, ineū-eu yip kūön inrē yip yöng cha.

Isayā 43:23

Hö-ö man kētö kun sīṅp nö töföngö tökētu, öt rēhĕn öm eū-eu chu tö nup kahëtö meh in chu. Rö-ö chin lumnganken meh kētö tökētu, öt rēhĕn haṙiken meh tö tötahūsa paröm.

YERIMIĀ 3:4

Röh öm möl töngamuh havëken chu, Kayöngö hol chu man ik nyinī-öṅ chu,

YERIMIĀ 35:16

Hang chöngö Yônatap yik kikōnyö kūön ò ök kikōnyö kūön Rēkap ngam kahëtö ök yöng cha nö in cha, hö-ö pöri vē tarik nö hang chöngo chu.

SEFAINIĀ 3:4

Hanātö yip pròfĕt ò, tarik inrē mahachīlngövah: hachōichi an ngam töhet chūök tö yip kūönṙô ò, chökhuṙen yip nö ngaich tö ngam chöngö.

MALAKI 2:1

Ō yī-ö kūönṙô, chöngö ön ngih töngamuh nö in yīö.

MALAKI 2:10

Röh öi ayī-ö ṙòkhöre höng hĕng tak yöng? Öt höng hĕng tak ang ngam Tēv nö vīlen hī? Kūöyòh öi ayī-ö kö michūḵṙen chanökhu inlahen i holre, hachōichngö ngam kinlēḵgô yik yöng hī?

I. CHÖNGÖ 32:6

Ngatī öyih havahal im Mā Tēv, Ō tökulō-ov tarik töt akaha inrē? Hö-ö ang nö yöng meh ngam mahavaha meh? Vahīlö ò më-eṅ, haköpi inrē më-eṅ?

Isayā 45:10

Tötkôlò ap anga-aṅ öp tö ngö ṙô tö yöng re kikōnyö, Asuh ap hakūöntö meh? hēḵ inrē tö yöng re kikānö, Asuh ap inlöinyö meh?

Isayā 64:7

Öt hĕng tak mahavëkö minë-eny meh öp mahachohköre nö ṙapngö tī re nö in meh; pò meh hanyatngökūöre tö ih, ngaich kēngen ih eltī nup öt lanöökö ih.

MALAKI 3:5

Ngaich yih chū-ö min haröhtöre in yīö im inkaha fālen; ngaich chū-ö min sā öp töveūten mameuk lā-al yip vamīngen, lā-al yip ma-asĕha, lā-al yip töminyôiny-aṅ nö chūökṙô; lā-al cha inrē yip mahakihten töhaṙāyö alaha nö I nup raneushö cha, tafīösi, kūönyōich, cha-a inrē yip mahavööngö kūö aṅ tahëng nö ṙā-ang im töchip, tö pa-ekūö inrē tö chu, ṙô ngam Mā Tēv yip tömaṙôngö.