KÒLÒSĪ 1:7 - TÖHET LĪPÖRE (Re-edited) Bible (BSI)

⁷ Sā haköp yīö in Epafaras ap hanāngenlōn hol ih töla-evṙen, ap tökô-en mahalanṙen Kristū nö in yīö,

KÒLÒSĪ 1:7 Referans Kwoze

KÒLÒSĪ 4:12

Salāmö yin tö Epafaras, ngam aṅ in yīö, kūön Kristū töhakövö, örheūheu panītnyi nö im vinë-eṅkūötēv töpòkūö yīö, hòṅ yīö teungta sanöklö, ngaich keuheūttöre minkahtölōn i nuplōn ngam Tēv.

FILIMÒN 1:23

Salāmö meh ön Epafarös hol inkövö chu in Kristū Yēsū;

HEPRĀI 2:17

Lökten e nö löök nö in Ò nö i tökeuheūttöre, nö vītu nö sā yip kisānöre, hòṅ Ò nö tö-aṙē-ĕlōn, tökô-en inrē nö mākūö kūönṙô nö lök i nup im Tēv, nö vītö inlāmö nup tökööl yip tarik.

KÒLÒSĪ 4:7

Mikahtulōn yin min tö Tikikös tö nup inlaha chu nö ṙòkhöre ap hanāngen nö hol, tökô-en inrē nö mameukṙen, hamòl alaha nö kūön nö im Mā;

HEPRĀI 3:2

Ngam tökô-en nö in Ò, ngam tamölṙô, sā Môsös inrē misī nö el nup patī ngam Tēv:

2 TIMÒTĪ 2:2

Nup ahang meh aṅ in chu, i kūö yip tömaṙôngö mameuk, kētö u me-eṅ i yip tökô-en tarik, yip tö kô-òren min nö haköptö tahëng inrē.

FILIPĪ 2:25

Öt ṙanāngen pöri tölōn chu ngam tinīntö Epafròtitös nö in yīö, ngam kisānö chu, hol chu tö la-evṙen, hol chu kumyung, ma-aṅhangken yīö inrē, mameukṙen chu inrē tö nup töhāṅten;

2 KÒRIN 11:23

Mahalanṙen Kristū yip cha-a? Sā ṙô tökulō-ov chin, mötlö la-en chin chu-ö tö cha. Pōihöl chin la-evṙen; ṙōlheuh chin el kinlōngö; öt kanṙeūken nyaṅha öich fōhoh, ṙōlheuh öich höng tökapah.

1 KÒRIN 4:2

Hēk hōtu yin vē yōm nö tötmichūṙen.

1 TIMÒTĪ 4:6

Yē meh chaphöt në nö ellōn yip hol ngaich me-eṅ min tö akaha mameukṙen Kristū Yēsū, haruklöngö i nup ṙô aṅ i mikah, aṅ i tölöök inköphöti, ngam tahömken meh söl ing töngamuh:

EFISÖS 5:21

Kö ṙāpö höö, i pinhë-eṅkūö tö ngam Tēv.

1 KÒRIN 7:25

Öt aṅhaṅv-in chin tö chöngö aṅ im Tēv, i inlahen yip tötchô-òv rēlö: kē-ĕkūö yīö pöri töng lōnre, sā öp tö hĕng tak tökô-en tö teūngen tö inlōnti aṅ im Tēv.

1 KÒRIN 4:17

Angū-ö an lökten chu tīnten Timòtī nö in yīö, ap hanāngen chu, tökô-en inrē nö kūön nö im Mā Tēv, anga-aṅ ap min famëlen yīö, tö nup talöökö chu mi-in Kristū, sā ṙô chu haköptö māṅ keuheūtngöre chūök.

T. MËTIV 25:21

Ngaich ngö ṙô ngam mā tö ò, Töteūngen man; tö-akaha, tökô-en mahalanṙen. Ngaich man kô-en i tö rahëchyen; hamālöng man ngaich tö chu, i në töpōyen chehen. Hanôltöre man ngaich i ṙanāmölōn ngam mā meh.

T. MËTIV 24:45

Achīö öp öre tökô-en, tö-akaha inrē, mahalanṙen, öp mahayōm nup aṅ patī öp yöngṙenre, ngaich ha-aṅlen cha ip ṙētak?

KINṘEŪKÖ 12:7

Öt ngatī ngam tarik Chu Môsös; anga-aṅ an tökô-en i tökeuheūttöre el patī Chu.

T. MËTIV 18:29

Ngaich öp hol ò nö afukngöre, nö ve-ekūö ò, nö ngö ṙô, Hamöitöre man yēḵ in chu sin; ngaich chin min keuheūtnyöre tī tö u.

KÒLÒSĪ 4:9

Nö holre tö Ònisimös, tökô-en ane inrē hanāngen nö hol, öp tö hĕng tak nö aṅ in yīö. Cha-a nap min mumkahtölōn yīö tö nup taṙòkhöre mi-ihih.