KÒLÒSĪ 1:12 - TÖHET LĪPÖRE (Re-edited) Bible (BSI)

¹² Ha-öiny ngam Yöng, ngam vamīten hī tökô hamòl im amin yip töhet aṅ el hanātö.

KÒLÒSĪ 1:12 Referans Kwoze

INLAHEN 20:32

Ngaich chin töngamuh kēten yīö im Tēv, im ṙô ngam inlōnti aṅ in Ò, ngam tökô-òren nö ṙūölen yīö, kētö amin yīö inrē i nup taṙòkhöre tö ahetlöng.

EFISÖS 1:11

Ngam, chūök hī vītu amīnuvö, ngaich nö la-urĕh nö halēnngen hī, sā ngam chööḵnyö Ò, ngam vamī taṙòkhöre, sā ap lōn Ò:

EFISÖS 1:18

Ahatlöngö elmat ngam mat ngam ellōn yīö, hòṅ yīö akahalōn tö ngam maheūṅkköre im invëtö yīö, tö kanôlò ngam kanôlò, ngam amin Ò i yip töhet,

INLAHEN 26:18

Löpnyökūö mat cha inrē, im hanātö, ṙā-ang im sinngūlö, havöötökūö cha inrē im Tēv, ṙā-ang ngam minhôiṅyö Sātan; hòṅ cha nö teūngen tö inṙē-ĕl tökööl, ngaich amīnu nö i yip tö-ahetlöngö lökten im mikah in Chu.

EFISÖS 3:6

Tö vē Tahëng mihëṅṙö nö hol nö tö-amīnuvö, hol nö tūmö ngam alaha hol nö michöḵö tö ngam kinlēḵngô in Kristū Yēsū, lökten im tölöök inhānga.

2 KÒRIN 5:5

Anga-aṅ An ngam Tēv tö tī-iv tö e nö ngatī, ngam kameḵeṅkūö hī tö kumlēḵlōn ngam Töhet Fanöinylö.

RŌMA 8:17

Ngaich yē hī kūön, ngaich tö amīnuvö: tö amīnuvö töm Tēv, hol Kristū tö amīnuvö, yē hī sā Ò kihngen, hòṅ hī inrē hapōilöngö hol Ò.

HEPRĀI 3:14

Tön hamòlkūöre in tö Kristū, yĕi köptī tö ngam raneh inyönglen hī, öi kiṙapngö tīre söl ip manā-aṅ:

T. YÔHAN 14:6

Ngaich Yēsū nö ngö ṙô tö ò, Chū-ö Chin Talöökö, Kanô-en, Nômö inrē. Öt hĕng tak yamihtöre nö im Yöng, höng lökten in chu.

INMEUKHÖMAT 21:23

Ngaich ngam elpanam nö öt hòṅ tavūöyu, öt rēhĕn nö hòṅ chingëṅtu, tö mahayangtö kui e: pò ngam kanôlò ngam Tēv nö hayangtö kui e, ngaich ngam pököre ëāṅvö e.

HEPRĀI 12:23

Im manūlö ane inrē māṅ ngam lanòh, yip tö kūichi nö el halīöngö, im Tēv ngam kamhòkken taṙòkhöre, i yip ma-alaha yip tarik tövītu nö teungten,

KÒLÒSĪ 2:2

Hòṅ cha nö haṙamkalōn, ngaich mūlhenhöö cha-a im hanāngenlōn, i nup kanôlò ngam nyanatlö ngam mikah, hòṅ cha nö akahakūö tö ngam öt mikahkūö sin aṅ im Tēv in Kristū,

EFISÖS 5:20

Ha-öiny ngam Tēv ngam Yöng örheūheu, pòkūö nup taṙòkhöre, i Mine-eny ngam Mā hī, Yēsū Kristū.

1 KÒRIN 8:6

Sön pöri nöng hĕng ngam Tēv nö in hī, ngam Yöng, löklö in Ò në taṙòkhöre, in Ò inrē ayī-ö; hĕng ngam Mā, Yēsū Kristū, lökten në taṙòkhöre, lökten Ò ayī-ö inrē.

RŌMA 15:27

Hôṅ, tölöök an nö lōn cha; cha-a yip tö hötṙehevö nö in cha. Yē yip Tahëng mihëṅṙö nö hamòlkūö cha nö i nup aṅ i töhet, ngaich höteh cha angū-ö nö meukṙen cha tö nup aṅ ing panam chehen.

INCHŌḴ-OṘÔ 16:1

Aṅ i tarik ngam tö halēni ellōn, aṅ im Mā Tēv pöri ngam sanapṙô litāk.

INCHŌḴ-OṘÔ 4:18

Öp kanröönö tölöök pöri sā minlīlö peuheū, öp töyanglöre yanāngö inrē söl ip sakāmö.

YĀKÖP 3:9

Löknyö in e ṙô ayī-ö eū ngam Mā, Yöng inrē; löknyö in e ṙô öi ötlēkôre tö tarik ngam tövilöngö nö insā ngam Tēv:

HEPRĀI 3:1

Töhet kahōlö, hamòl im invëkö aṅ el halīöngö lökten ngëichken ngam tanīnöṙô ngam mākūö kūönṙô, ṙinātö ellōn hī inrē, Ang Yēsū;

KÒLÒSĪ 3:17

Ngaich yē nup töng vahīṙen yīö, i ṙô, i la-en inrē, vīken u nö ṙòkhöre nö i minë-eny ngam Mā Yēsū, ha-öiny ngam Tēv Yöng lökten in Ò.

KÒLÒSĪ 3:15

Hökngen ngam lanāmen ngam Tēv nö hayöng nö ellōn yīö, ngam chūök invëtö yīö im tö hĕng alaha.

EFISÖS 5:4

Unrēhĕn chanôichö, un rēhĕn nup töng yô-òv ṙô, nup tö-öt lööken, lahëḵ pöri ngam nöinyö,

EFISÖS 4:6

Hĕng tak Tēv, Yöng taṙòkhöre inrē, ngam mi-ikui taṙòkhöre, lamök i taṙòkhöre, mi-i taṙòkhöre inrē.

1 KÒRIN 9:23

Keūheūttöre vahīken chin kūö tölöök inhānga, hòṅ chu tönôlta in e.

RŌMA 11:17

Yĕn haroh tum hang nup pak tö ohngö, ngaich me-eṅ öm töt harūklöng öm Ôliv, ngaich taptū öm in u, ngaich hamòl kūö u töm ṙĕh ngam kanôlò ngam òliv chōn.

RŌMA 9:23

Hòṅ Ò inrē, nö mikahtölōn, tö ngam vanāyö Ò, nö i nup chehen neūkölōn, nup tö halēni misī nö lā urĕh tö Ò, nö im kanôlò,

T. YÔHAN 20:17

Ngaich ngö ṙô Yēsū tö ò, Uh Chin lūölka, tön öl Chin yônlö im yöng. Kiröönngöre pöri, kuṙòh; ve-eny nang yip hol Chu tö Chu yônlö im Yöngre, Yöng yīö inrē; im Tēv Chu, Tēv yīö inrē.

T. YÔHAN 4:23

Yih pöri ngam ṙētak, ngaich an töngamuh, hē yip tökô-en ve-ekūö ngam Yöng min, nö ve-ekūö Ò nö holtö ellōnre, kanô-en inrē. Pò yip töngatī nö lōn ngam Tēv nö vame-eṅkūö Ò.

T. MËTIV 25:34

Ngaich ngö ṙô min ngam Rācha tö cha yip lahāmö Ò, Ta-ih, yī-ö tö kôlò tö tī ngam Yöng Chu; amīnu tö ngam pūlngö tö halēnkaṙen tö pòkūö yīö, hētentö ranehlö ngih panam.

TANĪ-ĔL 2:23

In meh, Ō Tēv yik muvöhngö chu, öich kētö nöinytö tī nöinyö inrē, pò meh kētö mikah in chu kumlēḵ inrē, ngaich inrē mikahtölōn chu töp havëkö ih in meh pò meh ngaich mikahtölōn ih tö nup mī-in ap rācha.

Salmai 116:7

Ō Me-eṅ nômö chu, havan man im haneūheure: tön öt milipkötīre An ngam Mā Tēv nö in Meh.

Salmai 97:11

Teūichtu An ngam hanātö kūö ngam tölöök: ngam ṙanāmölōn inrē kūö ngam tö chiplö ellōn.

Salmai 79:13

Hòṅ ih ihö tarik Meh, sīṅp Meh inrē aṅ kui kiyôp, öi örheūheu ha-öinyö Meh: hameuktö nöinyö in min i tumkölchap nö ṙòkhöre.

Salmai 36:9

Pòn in meh ap löklö nômö: im yanāngö meh in min meuk hanātö.

1 KINṘÖTNGÖ 29:20

Ngaich ngö ṙô Tavit tö yik tömaṙôngö, Hakôlò ngam Mā Tēv yīö. Ngaich ṙòkhöre yik nö maṙôngö nö hakôlò ngam Mā Tēv, ngam Tēv yik yöng cha, sōntö kui re ngaich cha-a, ngaich salām ngam Mā Tēv, ngam ṙācha inrē.

1 RĀCHA 6:7

Ngaich ngam patī, hē e nö ṙòngmö mānlöng, mānlöng angū-ö tö ihong tö vī-i nö lēn nö ngaich nö el chūök inūlö ihong: ngaich öt rēhĕn mūngöre öt rēhĕn hanīöng ötrēhĕn nup chehetī vët nö hāngö ṙô nö el ngam patī, i saha e nö ṙòngmö mānlöngö.

INMEUKHÖMAT 22:14

Tökôlò yip cha-a, yip samöich inyutre, pò cha nö huveū-en nö yihtöre nö im chōn nômö, ngaich kô-òren inrē nö kuhēthötre nö lökhöt minë inkūp ngam elpanam.

INMEUKHÖMAT 22:5

Öt ōtre min hatööm; ngaich cha-a min nö öthòṅ hūmat tö ëāṅvö, öt rēhĕn tö hanūṙömat ngam tavūöi; pò ngam Mā Tēv min nö kētö hanū mat cha: ngaich cha-a min nö örheūheu nö hayöng.

1 YÔHAN 1:3

Ngam maheuṅk ih, ahang ih inrē, vë-eny nang yīö ihö, hòṅ yīö inrē hanôltöre in ih. Hol ngam Yöng, ngam Kūön Ò inrē, Yēsū Kristū, ngam innôlö hī.

1 PĪTÖR 5:1

Lökten chin halēn yip mahaköphöti in yīö, chu-ö hamòl cha mahaköphöti, ane inrē mameuk kanihngen Kristū, chu-ö inrē hamòl im kanôlò tö hameuktu min:

TAITÖS 2:14

Ngam kamëḵngöre tö pòkūö hī, nö hòṅ ṙānyen hī Anga-aṅ, nö ṙā-ang i nup tökööl nö ṙòkhöre, ngaich ahetlen hī nö in re öi tarik amin Ò, kalēḵĕlōn i tö löök la-en.

2 KÒRIN 11:14

Öt pinngangkūö; pò Sātān nö vītöre nö ma-ahānga hanātö.

EFISÖS 2:18

Pò hī lökten in Ò, lökhötvö, im Yöng, im Töhet Fanöinylö.

EFISÖS 5:8

Tön më-el sinngūlö yin misī; ngaich pöri töngamuh el hanātö, im Mā: lök talöökö yip kūön hanātö yin.

EFISÖS 5:11

Uh pöri hanôltöre i nup tötṙôngu la-en ngam sinngūlö; lahëḵ pöri vëkö u.