Isayā 3:4 - TÖHET LĪPÖRE (Re-edited) Bible (BSI)

⁴ Ngaich chū-ö min kētö nyīö nö mākūö cha, tënö nyīö inrē nö mahayöngö cha.

Isayā 3:4 Referans Kwoze

Mumkahten 10:16

Öt kanôlò in meh, Ō panam, yē öp rācha meh nöng nyīö, yip kūön rācha meh inrē nö nyā tökiröng nyā-aṅ tö peuheū!

2 KINṘÖTNGÖ 36:9

Hëvhöre samyeūheu ṙēti ang Yēhōyachin hē ranulten ò nö hayöng, ngaich anga-aṅ nö lūöi chumngëṅtö söm sumkam nö hayöng nö i Yērusalem. La-evṙen anga-aṅ tö tötlöök nö i kūö ngam Mā Tēv.

2 KINṘÖTNGÖ 36:5

Nët anāi taneui samyeūheu ṙēti Yēhōyakim hē ranulten ò nö hayöng; kahuk sīön samyeūheu anga-aṅ nö hayöng nö i Yērusalem. La-evṙen anga-aṅ tötötlöök nö i kūö ngam Mā Tēv ngam Tēv ò.

2 KINṘÖTNGÖ 34:1

Hëvhöre samyeūheu ṙēti ang Yôsiyā hē ranulten ò nö hayöng, ngaich lūöi anāi kahuk samyeūheu anga-aṅ nö hayöng nö i Yērusalem.

2 KINṘÖTNGÖ 33:1

Nët sīön höiny samyeūheu ṙēti Manasē hē ranulten ò nö hayöng, ngaich hayöng anga-aṅ nö taneui anāi taneui samyeūheu nö i Yērusalem.

2 KINṘÖTNGÖ 36:11

Nët anāi kahuk samyeūheu ṙēti Setikia hē ranulten ò nö hayöng, kahuk sīön samyeūheu anga-aṅ nö hayöng nö i Yērusalem.

2 KINṘÖTNGÖ 36:2

Nët anāi lūöi samyeūheu ṙēti ang Yēhō-ahas hē ranulten ò nö hayöng; ngaich lūöi chumngëṅtö anga-aṅ nö hayöng nö i Yērusalem.

Isayā 3:3

Öp yöngkūö tö taneui anāi, tö-akaha tarik, mahalēn inrē, öp tömilichngen inrē tömilūönö, öp töhuveū-en inrē mahachū.

Isayā 3:12

Vē tarik chu pöri, hakihtuṙen tö yip nyīö, ngaich kikānö min mahayöngö cha, Ō yī-ö tarik chu, lō-ongkūö tī yin tö meh më mahachōkūö meh, ngaich yin nö pasū-utī tö ngam töng kanröönö talöökö meh.

Isayā 3:16

Hēkngö ṙô inrē ngam Mā Tēv, Kūö yip kikānö kūön Sīyôn nö ngë-eṅkūö, kiröönngöre cha-a nö hakeh likeun re chilī matre inrē, kiröönngöre uṙākūöre inrē, nö kiröönngöre, ngaich piring kalröön re.

YERIMIĀ 52:3

Ngaich kô-en nö kūö tanānyö ngam Mā Tēv nö taichtökūö nö i Yērusalem Yūtā inrē lökten ò nö kavalngen u nö ṙā-ang i kūö ò. Ngaich Sētikia nö ahôngen nö lā-al ök rācha aṅ Pēpilön