Isayā 26:3 - TÖHET LĪPÖRE (Re-edited) Bible (BSI)

³ Haköpö ò man min nö i kumchikṙen takô, öp tököpngö ellōn nö in meh: pò ò nö hayönglenre nö in meh.

Isayā 26:3 Referans Kwoze

FILIPĪ 4:7

Ngaich ngam lanāmö ngam Tēv, ngam chamööḵngö taṙòkhöre mikah min, nö aṅtö nômö, lōn yīö inrē, in Kristū Yēsū.

T. YÔHAN 16:33

Ṙô Chu nun në tö yīö, hòṅ yīö in Chu kumchikṙen. Kihngen yin min ing panam; ui pa-ekūö pöri; ngaich Chin mihôiṅ töng panam.

T. YÔHAN 14:27

Ṙā-akūö yīö Chin tö ngam kumchikṙen. Kētö ngam kumchikṙenre Chin in yīö. Öt sā tī ngih panam Chin kē-ĕkūö yīö. Uh yin röiyö ellōn; Ui rēhĕn pa-ekūö lōn.

Salmai 9:10

Hayönglenre min nö in meh yip tö-akahakūö tö minë-eny meh, Mā Tēv: pò meh öt ṙāngen cha yip chamöhö meh.

RŌMA 5:1

Sā hī ngaich halööklöngö lökten im mikah, ta-a töi lām im Tēv lökten ngam Mā hī Yēsū Kristū;

Isayā 31:1

Tötkôlò yip cha-a yip chamuh Aikup nö lukkö holṙen re, chūökre inrē tö kōra; hayönglenre inrē nö i inröl, pò cha nö maṙôngö, i tarik aṅ uk kōra inrē, pò cha nö tökalēḵ; hö-ö pöri cha-a nö ngëichkö ngam Töhĕng Töhet in Israĕl, öt rēhĕn nö chöh ngam Mā Tēv!

MAIKA 5:5

Ngaich ngòh min tarik nö lanāmö hī: Hē yip aṅ Asīriā min nö yih nö ing panam hī, ngaich hē ò min inrē nö röönkö ël në patī rācha hī, ngaich ayī-ö min hachohlö lā-al ò tö tösat tak yōm pököre hëvhöre tak inrē yip kūön rācha.

2 KINṘÖTNGÖ 16:8

Röh yik aṅ Iti-ōpia tö yik aṅ Līpia nö tö kiröngen kumyung nö holtö töpōyen inröl tarik inrē aṅ uk kōra? Ngaich kūö meh hayönglenre im Mā Tēv, kēten cha anga-aṅ ngaich nö eltī meh.

2 KINṘÖTNGÖ 13:18

Ngatī inlahen yik tarik Israĕl nö tumṙeūtu hē e, ngaich yik tarik Yūtā nö mihôiṅ, pò cha nö hayönglenre nö im Mā Tēv, ngam Tēv yik yöng cha.

1 KINṘÖTNGÖ 5:20

Ngaich hē cha nö kē hol re nö lā-al cha, ngaich yik aṅ Hakār ṙòkhöre yik hol cha inrē nö kētu nö eltī cha, pò cha nö havëkö ngam Tēv nö im kinyūngö, ngaich anga-aṅ nö kē tö ök havëkö cha pò cha nö hayönglenre nö in ò.

Isayā 48:2

Pò cha nö havëköre nö aṅ ngam töhet elpanam, ngaich hayönglenre nö im Tēv Israĕl; Mā Tēv yip tömaṙôngö ap minë-eny ò.

Isayā 50:1

Ngö ṙô an ngam Mā Tēv, Isuh ap līpöre kinūichngö ṙināngö ap yöng meh kikānö, öp tötī-iv tö chu ṙāngen ò? Hēk inrē achiāp chūök chu hötṙëhevö öp tö-inyīhivökūö tö chu tö meh? Yĕh meuk, kūö tökööl re yin inyīhiyö, kūö tanôichngen yīö inrē ök kikānö yöng yīö nö ṙā-ayö.

Salmai 119:165

Kirööngen lanāmö yin vē töhāngen töm chöngö Meh: ngaich öt hētu cha-a nö kavē-ĕre.

Isayā 12:2

Yĕh meuk, inyööken chu an ngam Tēv; hayönglenre chin, ngaich öthō min pa-ekūö: kumlēḵ chu an tinkökö chu inrē ngam Mā Tēv Yavē; inyööken chu an inrē nö vītenre.

Isayā 26:12

Mā Tēv vītö lanāmö man min in ih: pò meh ngaich inrē la-evṙen tö nup la-en ih öm ṙënngen ih.

Isayā 27:5

Hēk inrē hökngen ò nö kiṙapkö ngam kumlēḵ chu hòṅ ò nö vī lanāmö nö in chu; hôṅ, hökngen ò nö vī lanāmö nö in chu.

Isayā 32:18

Ngaich min vē tarik chu nö tölām nö aṅ panam, iyöng el töt kanyīcha chūökö inrē, i töchēvhak inrē chūök haneūheu.

Isayā 42:6

Chū-ö chin Mā Tēv, havëten meh chin im lanöökö, ṙapkö kël meh chin inrē min aṅten meh inrē, ngaich kē-ĕkūö meh öm kinlēḵngô i vē tarik, hanātö in vē pumnāmö tarik;

Isayā 42:19

Achiāp tötmeuk, tön höng ngòh tarik chu? Hēk töthang, nö sā ngòh tanīnöṙô chu ngòh tahīntö chu? Achīö ap tötmeuk nö sā ò ngam mī-in chu nö lāmta, tötmeuk inrē nö sā ngam tarik ngam Mā Tēv?

Isayā 49:8

Ngö ṙô An ngam Mā Tēv, Sapṙô meh chin ik töhō-ov ṙētak, holṙen meh chin ik sakāmö inyööken: haköpken meh chin ngaich kēten meh öm kinlēḵngô in vē tarik, öm mahaköpngö ngam panam ngaich michööḵ ngam töngasngö panam nö amin;

Isayā 66:12

Tön ngö ṙô an ngam Mā Tēv: Yĕh meuk, ṙūönyö kanôlò ò chin min nö sā tahël, nup chehen pumnāmö tarik min inrē nö sā tinṙēchlö töhëm mak; ngaich pōḵ min yī-ö, ngaich tētö öi i kūö takeun ò, ngaich kiṙīömö öi i kui kinmônö ò.

TANĪ-ĔL 3:17

Yē e nö ngatī, kô ap Tēv ih öp lahök la-en ih nö ṙānyen ih nö ṙā-ang i kūö ngam töhūkūö tameūyö; ṙānyen ih ap min inrē nö ṙā-ang eltī meh, Ō rācha.

TANĪ-ĔL 3:28

Ngö ṙô ngaich Nēpukatnēsar, Tökôlò an yēḵ Ngam Tēv Satrāk, Mësak, Apĕnikō inrē, ngam tamīntö ma-aṅhāṅnga re nö ṙānyö yip tarik ò, yip mahayönglenre nö in ò, ngaich nö rööḵngen tī tö chöngö ngam rācha, nö kētö nuk alaha cha nö öt lök la-en ane inrē öt salām töng tēv höng ngam Tēv cha.

TANĪ-ĔL 6:23

Kiröngö ṙā-nāmölōn ngaich ök rācha, ngaich chöngu tö Tanīĕl nö kēlöngö nö ṙā-ang el ök kinlōngö, öt kanôtuvö aṅ in anga-aṅ tö tö yô-òv pinlāngen ò, pò ò nö hayönglenre nö im Tev re.

Salmai 125:1

Cha-a vē mahayönglenre nö im Mā Tēv, tö sā ngam Rung Siyòn: ngam töt hanlöinyken, köp pöri nö örheūheu.

Isayā 32:17

Lanāmö min öp la-en ngam lanöökö; ṙanëmen öp tī ngam lanöökö inyönglen inrē nöng örheūheu.

Isayā 50:10

Achīö ap in yīö töpa-ekūö tö ngam Mā Tēv, hamang ṙô ò inrē in yīö öi tarik ò, öi lamök el sinngūlö öi öt ëāṅvu, ngaich öi hayönglenre i minë-eny ngam Mā Tēv hayönglenre inrē im tēv re?

YERIMIĀ 39:18

Pò chu min hayööken yīö ngaich yī-ö min öt fuk kūö sanët; īnu pöri min yī-ö tö nômö re nö raneushö kinyūngö, pò yīö hayönglenre in chu, ṙô ngam Mā Tēv.