Isayā 2:3 - TÖHET LĪPÖRE (Re-edited) Bible (BSI)

³ Maṙôngö min tarik kumröönngöre ngaich ngö ṙô, Tā-ih, tā-a töi peūlöre im rôngö ngam Mā Tēv, i patī ngam Tēv Yāköp; ngaich anga-aṅ min nö haköpten hī tö nup talöökö ò, ngaich ayī-ö min lök ël nup talöökö ò: pòn löknyö Sīyôn min ngam chöngö nö kunyī inrē, ngam ṙô ngam Mā Tēv inrē nö ṙā-ang Yērusalem.

Isayā 2:3 Referans Kwoze

T. LŪKÖS 24:47

Ngaich hōtu invöötö ellōn, inṙē-ĕl tökööl inrē nö mumkahtuṙen nö i Mine-eny Ò, i vē taṙòkhöre tarik, urĕh nö i Yerūsalem.

Salmai 110:2

Löknyö Siyôn tī An min ngam Mā Tēv nö söömtö öp tinkung kumlēḵ Meh: hayöng Man ellōn yip tökunyaha elmat tö Meh.

T. YÔHAN 7:17

Yĕn tarīkuvö tö hōḵ nö la-ev-ṙen tö lōn Ò; ngaich kô-òren Anga-aṅ nö akahalōn tö ngam inköphöti, yĕn aṅ im Tēv, hēk yĕn ṙô Chu kahngenre.

I. CHÖNGÖ 6:1

Ngih ön yih, nö chöngö, inkaha fālen inrē, ngam hachöngten ngam Mā Tēv, ngam Tēv yīö nö haköpten yīö hòṅ yīö la-evṙen tö u ip panam kū-ö yīö kiröönngöre öi kē-ĕ e nö aminre:

YERIMIĀ 31:6

Pòn sakāmö min öp umuh hē yip amahati min nö hū-a nö i kui rung panam Ifrēm: Chōholre, töi kiröönngöre chuh Sīyôn, im Mā Tēv ngam Tēv hī.

RŌMA 10:18

Ngö ṙô pöri chu-ö; Kô aich nö öt hang? Höng rö-ö, keuheūtngöre chūök chahuhu ap ṙô cha nö ing panam: söl i manā-angkūö ngih pa- nam nup ṙô cha inrē.

T. LŪKÖS 11:28

Ngö ṙô pöri Anga-aṅ, Hôṅ kô; tökôlò yin vē hamang ṙô ngam Tēv, ngaich haköpö e.

T. MËTIV 7:24

Lökten ngòh hamang në ṙô Chu, ngaich kēken u; asātu anga-aṅ, nö sā ap tö-akaha tarik, öp vamī-iṅl patīre nö i kui ihong.

YĀKÖP 1:25

Anga-aṅ pöri ngòh ngamëchkö ngam tö teung chöngö, ngam chöngö ṙinānyö, ngaich iṙūöhen nö ngatī; rö-ö nöng hamang, nö tövaichngö; kamëkö kaha pöri, nö töla-evṙen; anga-aṅ min tarik töhakôlöngṙô nö i nup la-enre.

INLAHEN 10:33

Ngaich ilööṙen chū-ö tīnngö lamukken meh; ngaich me-eṅ löök öm yih. Ṙòkhöre in īhö ngaich ihih, i kūö ngam Tēv; öi hòṅ hang nup taṙòkhöre tinöölô meh tö ngam Mā Tēv.

INLAHEN 1:8

Teūngen pöri min yī-ö tö kanô-òṅ, hē ngam Töhet Fanöinylö nö i kui yīö. Ngaich yī-ö min ameūken Chu, i Yērusalem, keuheūtngöre chūök i Yūtā, Samariā, ane inrē söl ip manā-angkūö ngih pangam.

T. YÔHAN 4:22

Öt akahakūö yin yī-ö tö ngam vahe-ekūöre. Ve-ekūö ngam mikahkūöre in īhö; pò ngam inyööken nö lamökten yip Yahūti.

I. CHÖNGÖ 33:19

Havëtö yip tarik cha-a min nö im rôngö; in e cha-a min nö kētö tökētu an i lanöökö: pò cha min nö nyôklö töpōyen aṅ ngam mai, töt meūkö inrē kanôlò ngam kuyāyö.

Salmai 48:1

Tökiröng an ngam Mā tēv, töhòṅ tāilö ṙô öi ha-öinyan: el pinnāmen ngam Tēv hī!

Salmai 119:171

Hökngen në minuh chu nö ṙô tö nöinyö Meh: tön haköpten chu Man tö minë chöngö Meh.

Salmai 122:1

Ṙāmölōn chin hē cha nö ngö ṙô tö chu: Tā-a töi chuh el patī ngam Mā Tēv.

Isayā 28:9

Chiāp min haköptö ò tö mikah, chiāp min inrē vahīlen ò nö tö akaha elmat tö ngam inhānga? Chā-a yip tufömngöre ṙinā-angkūö nö ṙā-ang i minë teh?

Isayā 56:5

Kētö ap patī re chin min ngaich lā-ël nup kinlōngö öp in köpkölōn minënyi inrē tömötlö tö kikōnyö kūön, tö kikānö kūön inrē; kētö minë-eny cha chin min töp töt chanūhuvṙen öp töt rökiṙen min.

Isayā 56:7

Cha-a yip min tökētu nö im töhet rôngö chu, vītu cha-a nö ṙāmölōn inrē nö el ngam patī chu chūök vinë-eṅkūötēv; hō-ovö nup min nö el ngam tahāklö chu nup kahëtö cha inrē; pò ngam patī chu min nö havëka nö patī chūök vinë-eṅkūötēv vē taṙòkhöre tarik.

Isayā 60:3

Ngaich yih min yip pumnāmö tarik nö im hanātö meh, yanāngökūö ngam maneutlö meh.

Isayā 65:11

Yī-ö pöri ṙamāngö ngam Mā Ṭev, öi tövachngö tö ngam töhet rôngö chu yī-ö vamīlö mīs Kanôlò ngaich hatööḵlö nup kulah tö vāin tökatēhĕ tö öp Tölngökūö;

Isayā 66:20

Ngaich cha-a min nö kētö yip makalaha yīö nö ṙòkhöre nö ṙā-ang in yip pumnāmö tarik nö sā tökētu nö im Mā Tēv, i uk kōra, el inröl, el tö keūnö chūök tarik, i uk köttö, i uk ūṅt inrē, nö im töhet rôngö chu Yērusalem, ṙô ngam Mā Tēv, höng sā yip aṅ Israĕl nö kētö sāiny tökētu nö el töhet chūökṙen nö el patī ngam Mā Tēv.

YERIMIĀ 26:18

Vë-eny mu-unôch tö yīhih ök misī Maika ök aṅ Mōrēset hē nuk sakāmö Hēsikaya rācha aṅ Yūtā, nö ngö ṙô tö yik tarik i Yūtā: Ngö ṙô an ngam Mā Tēv yip tömaṙôngö, Kuköhö an min Siyôn nö sā panô-òṅ, fônghak min Yērusalem nö taṙöli, ngam rôngö ngam patī inrē nö chūök chōn nö i kui e.

ISIKĪ-ĔL 40:2

Ngaich kēten chu i mineūkö ngam Tēv i panam Israel, ngaich ha-ūchngen chu i kui öp tö marô-òl kui rôngö, öp tö-aṅhavkui töp tö-asöklöng patī sā elpanam kamlö nö in chu.

HŌSĪ 3:5

Unôichngöre min yip kūön Israel nö havantöre, ngaich chöh ngam Tēv re ngam Mā Tēv, Tāvit inrē ök rācha cha; yih min inrē nö im Mā Tēv nö holtö pinhë-enkūö lanöökö ò inrē i nup sakāmö unôich.

HŌSĪ 6:3

Akahalōn in yĕh, tā-a töi tömrit ngam mikahkūö tö ngam Mā Tēv; kô-en an ngam kinröṅngö ò nö sā peuheū: ngaich yih min anga-aṅ nö hēk nö in hī nö sā kumṙah, sā öp manā-aṅ kumṙah öp tö mākutī tö tumlat.

MAIKA 4:2

Ngaich maṙôngö min yip pumnāmö tarik nö kiröönngöre ngaich ngö ṙô, Tā-a ihih yin töi chuh kui ngam rôngö ngam Mā Tēv, im patī ngam Tēv Yāköp inrē; ngaich min anga-aṅ nö haköpten hī tö nup talöökö ò, ngaich ayī-ö min lök el nup kanröönö ò: pò ngam chöngö min nö kunyī-inyre nö löknyö Sīyôn, ngam ṙô ngam Mā Tēv inrē nö löknyö Yērusalem.

ESTÖR 9:27

Ngaich yik Yahūti nö kētö chöngö kē-ĕ inrē nö i kui yik kūön cha inrē yip mahanôltöre min inrē nö in cha, tö e nö sōtu nö öt teung nö in cha nö haköpkö në tönët sakāmö nö sā ngam tökūichö öp hē inlēnlö e nö kaheuk samyeūheu,

Salmai 102:23

Hakūönngö kumlēḵ chu nö el talöökö: hacheūḵngö në sakāmö chu An.

Isayā 1:26

Ngaich chū-ö min inrē havantöre kamhôṅka in meh nö sā lā-urĕh, mahalēnö meh inrē nö sā ik ranehlö: ngaich unôich min më-eṅ havëkö ngam elpanam lanöökö, ngam tökô-en elpanam.

Isayā 11:10

Ngaich ngö inlahen angū-ö min ip sakāmö angū-ö, tö öp ṙĕh Yēsī, öp tö sökhaka nö minkahngö yip tarik, chöhö ò min vē pumnāmö tarik; ngaich öp chūök ò min nö ineū-euvö.

Isayā 19:23

Ip sakāmö angū-ö min hĕng öp tökiröng talöökö lamöknyö Aikup nö chuh Asiriā ngaich yih min Asiriā nö iyöng Aikup yip aṅ Aikup inrē nö i Asīriā; ngaich min yip aṅ Aikup nö salām nö hol yip aṅ Asīriā.

Isayā 44:5

Ngaich hĕng tak min öp tö ngö ṙô, Aṅ im Mā Tēv chin chū-ö, ngaich öp tahëng min nö kaheūktöre tö minë-eny Yāköp, ngaich öp tahëng min nö kūich kël re, nö ngö tī, aṅ im Mā Tēv, kaheūköre min inrē anga-aṅ tö minë-eny Israĕl.

YERIMIĀ 12:16

Ngaich ngö inlahen angū-ö min, yē cha min nö haṙēmngenre nö haköp nup talöökö yip tarik chu, nö chūökūṙô nö i minë-eny chu, Sā ngam Mā Tēv nö tö-aṅ, sā ṙô cha nö haköptö yip tarik chu nö chūöku ṙô nö in Pē-al, ngaich acha-a min nö mānlöngö nö ellōn yip tarik chu.