Isayā 1:3 - TÖHET LĪPÖRE (Re-edited) Bible (BSI)

³ Akahakūö ön ngòh kōiny nuā tö yōm re, akahakūö inrē ngòh köttö tö chūökre nö ip yōm re; hö-ö pöri Israĕl nö akahakūö, hö-ö vē tarik chu nö ngëicha.

Isayā 1:3 Referans Kwoze

YERIMIĀ 8:7

Pòrô nup Istòk chehechōn el minë halīöngö sön nö akahakūö tö ṙētak re; nyö-öṅ inrē, likup, krēn chehechōn inrē haköp ṙētak re nö yih; öt akahakūö pöri vē tarik chu tö chöngö ngam Mā Tēv.

YERIMIĀ 4:22

Pò vē tarik chu nö kulō-ovö, hö-ö yin nö akahakūö tö chu; tötkaha yin nö nyīö, hö-ö yin nö īnu tö mikah elmat. Milichngen yin nö vī tötlöök, hö-ö pöri cha-a nö akahakūö tötīre nö vī tölöök.

Isayā 44:18

Öt akahalōn cha-a, öt rēhĕn nö ngëicha: pò ò nö tilupngö mat cha, lökten cha nö öt meuk; tilupngö ellōn cha inrē, lökten cha nö öt akaha ellōn.

Isayā 5:12

Ngaich hāp lūt inrē, tapret fanöö inrē, tö vāin inrē, in nup tökiröng nyinā-aṅ tö cha: hö-ö pöri cha-a nö kūötenre tö la-en ngam Mā Tēv, öt rēhĕn cha-a nö ngëichkö vahīṙen minë kuntī ò.

RŌMA 1:28

Sōḵo ngam Tēv cha-a nö i mikahre, ngaich kēḵngen cha ngam Tēv nö im ötkanôlò ellōn, nö la-evṙen tö nup tö ötlöök:

Salmai 94:8

Ngëicha, yī-ö tötlē-ĕ aṅ i vē tarik: yī-ö inrē tö kulō-ov, ĕhē öi min hō akaha?

Isayā 27:11

Ngaich yē nup pak umuh nö nyangngö, ngaich cha-a min nö likölngö u; yih min yip kikānö, ngaich föngtökūö u; pò cha nö tarik töt akahaṙa; lökten anga-aṅ öp vamī-i cha nö öt aheūkölōn min tö cha, anga-aṅ inrē öp vamī-i cha min nö öt hameuktö miṙēlōn nö in cha.

2 PĪTÖR 3:5

Pòn tölngenre cha-a nö vaichngö tö minë halīöngö nö ha-ehelen misī, ngaich misī, ngaich ngam tumlat nö mullöre nö ṙeū-eung el mak, tö kūö ṙô ngam Tēv;

INCHŌḴ-OṘÔ 6:6

Aō töṙahata, kuṙòh chuh i talkeuch; ngëichkö talöökö ò, ngaich akaha pömchö.

YERIMIĀ 10:14

Ṙòkhöre tarik nö tökulō-ov mikah öt īnu inrē tö mikah; ṙòkhöre ramöm humlum nö sumrōngikūö min tö insā tēv re; pòn töminyôiny-aṅ minë insā tēv in ò, öt īnu nup tö unhômö.

YERIMIĀ 10:8

Tökulō-ov mikah, hĕnghöre tökulō-ov anū-ö: höng chōn öp inköphöti tö nup insā tēv!

T. MËTIV 13:19

Yĕn hĕng tak öp hamang ngam ṙô ngam pūlngö, ngaich rö-ö nö akaha-elnang tö e; ngach yihtöre ngam tötlöök nö kēkngö nup töngaich nö teūichtu nö ellōn ò. Anga-aṅ an töteūichtuvö nö i taseū talöökö.

Isayā 5:13

Lökten yip tarik chu nö chuh el inkövö, pòṅ hāṅten tö mikah: yip mā tarik cha inrē nö takngö nö aheuk, yip ṙôngö cha inrē nö nyôngö el kilööp nö yal.

Isayā 56:11

Kalē-ĕ yanālö nup am tö nyā-aṅkūö; höng öt hētu nup nö tööḵngen; ngaich yip yōm pököre, inrē nö öt aṅhav-in tö mikah: ṙòkngöre yip nö havöötökūöre nö kö i talöököre, kö i taneūngenre ngòh töhĕng tak, nö ṙòkhöre cha-a.

ISIKĪ-ĔL 16:30

Töyahlö an ngam ellōn meh nö i hanāngen, ṙô ngam Mā, meuk öm tö meh ngaich la-evṙen tö në, në la-en mās mi-inyihköre kikānö;

TANĪ-ĔL 9:11

Ṙòkhöre yin vē Israel nö tôichngen nö im chöngö meh kānngöre yin inrē, sō nö hangṙô meh, Nup tökūichö im chöngö Môsös ngam tarik ngam Tēv, rinūtngövah töchūöku inrē kinlēḵngô nö hōngtu nö i kui hī, pò hī köölö fālen in ò.

HŌSĪ 2:8

Pò ò nö öt akahalōn tö chu öich chū-ö kamëtö sāiny in ò, vāin, tavī-i, töpōyen rupīö humlum inrē, nup aṅtī cha nö vī insā Pē-al.

INCHŌḴ-OṘÔ 28:5

Öt akahakūö vē tötlöök tarik tö kinṙôka tötmichūṙen, yip chamöh ngam Mā Tēv pöri keuheūtlöre mikah kūö tö e.

Isayā 42:20

Pōyen maheuṅk man, hö-ö pöri töpömat öm meūkö u; luvë-akkūö nup elnang ò, hö-ö pöri anga-aṅ nö hang.

YERIMIĀ 35:16

Hang chöngö Yônatap yik kikōnyö kūön ò ök kikōnyö kūön Rēkap ngam kahëtö ök yöng cha nö in cha, hö-ö pöri vē tarik nö hang chöngo chu.

YERIMIĀ 50:6

Pököre yip tarik chu töchatngen; hökiṙen nup tö yip yōm re nö lō-ongkūö, hachō-oikūö nup nö i kui rôngö; ngaich nuk nö lök kui ṙôngö rung inrē, vaichngö nuk nö ngaich tö kinlōngöre.