INRĀMÖRE 5:6 - TÖHET LĪPÖRE (Re-edited) Bible (BSI)

⁶ Tarāktö këlre in in Aikup, Asīria inrē öi kē kanô-òng kūöre tö nyā-aṅkūö.

INRĀMÖRE 5:6 Referans Kwoze

HŌSĪ 12:1

Ha-āṅhalre an Ifrēm tö kuföt, ngaich tömrit ngam kuföt chuhöt: iṙūöhen an nö ṙūölö ṙôken minyôinyaṅ inhatngö inrē; kilēḵngôre cha-a inrē nö in Asiriā, ngaich kumtö tavī-i nö i Aikup.

HŌSĪ 9:3

Rö-ö yip min nö iyöng im panam ngam Mā Tēv: havantöre pöri min ifrĕm nö i Aikup, ngaich nyā-aṅvkūö min cha-a tö nyā-aṅkūö töthet nö i Asīriā.

HŌSĪ 7:11

Sā tökulō-ov pumpa ang Ifrēm, nö öt mikahavö; havëken Aikup cha-a, chuh Asīriā cha-a.

HŌSĪ 5:13

Hē Ifrēm nö meuk ök vah re, Yūtā inrē meuk ök nyāha re, ngaich chuh Asīriā ang Ifrēm ngaich söömhöti nö ik rācha Yārep: ötkô pöri anga-aṅ nö lööken tī tö meh, öt rēhĕn anga-aṅ min nö lööken tī tö ngam nyāha meh.

YERIMIĀ 2:36

Yöng minhôiṅyö meh öm havötköre haṙīkö talöököre sumrōngikūö man min tö Aikup sā meh ngaich sumrōngikūö tö Asīriā.

YERIMIĀ 2:18

Asuh ap töngamuh taneūngen meh i chinūhuh Aikup, inôkö mak nup Na-īl? Hēk asuh ap taneūngen meh i chinūhuh Asīriā inôkö up mak Yūfrātīs?

Ranehlö 24:2

Ngaich ngöṙô Aprahām tök kūön alahare, ök mā nö i patī ò, ök mahayōm nuk taṙòkhöre in ò, Vë-ekūö meh chin, ṙātö eltīre man elkatòh takeun chu:

ISIKĪ-ĔL 17:18

Pò ò nö ha-āichngen ngam chūök ṙô litòkngö ngam kinlēḵngô inre, pò ò nö kētö këlre ngaich söntenre nö la-evṙen tö në, öthō ap min nö öt kô-òngvah.

YERIMIĀ 50:15

Hū-a pōitô havīlen ò, ngaich an nö hökngövahre; taṙöli nuk nö ngaich lanaklö ò, tiṙöli nuk nö ngaich kinlōngö ò. Pò ngih nö invāhalvah aṅ i ngam Mā Tēv: havāhalre in ò, sā tī ò anga-aṅ nö in meh.

Isayā 57:9

Chuh in Mōlek man ngaich öm kumtö tavī-i ngaich ṙūölö ṙôken tötahūsa tavī-i me-eṅ; marô-òlkūö tī me-eṅ tīnngö ma-ahānga, uroh öm tīntö chamuh el chūök tökapah.

2 RĀCHA 10:15

Ngaich hē ò nö ngaich nö sökngöre nö in Yēhōnatap ök kikōnyö kūö Rēkap ök hamöngkūö ò; salāman ngaich anga-aṅ, ngaich ngö ṙô tö ò, Chip ap ellōn meh, nö sā ngih ellōn chu nö ip ellōn meh? Ngaich ngöṙô Yēhōnatap, Chip an. Yē e chĕi, kētö eltī re anga-aṅ nö in ò; hayôklen ò ngaich anga-aṅ nö el inröl nö in ò.

INRĀMÖRE 4:17

Chëyö mat in ngaich örheūheu höngkö tötöl hinòlṙen; im hinöönga tö hī höngkökūö pumnāmö tarik ayī-ö öp tötkô nö hayööken hī.