INRĀMÖRE 5:5 - TÖHET LĪPÖRE (Re-edited) Bible (BSI)

⁵ Ahōṙö rit in öi kaneūnu i likeun re; chei in, öt kētu haneūheu in.

INRĀMÖRE 5:5 Referans Kwoze

INRĀMÖRE 1:14

Nyëktu nup tanôichngen chu nö i kaneun; aṅtī tö kuntī re anga-aṅ nö haköpngö u; hakeunlöngö nup nö i likeun chu; vīten ök kumlēḵ chu anga-aṅ nö hö-öv; kēten chu an ngam eltī cha yip töt kanô-òṅ chu.

YERIMIĀ 28:14

Pòn ngö ṙô ngam Mā Tēv yip tömaṙôngö, ngam Tēv Israel; Hakeunlö likeun yip pumnāmö tarik chin tö vët kaneun inkövö in Nēpukatnēsar rācha aṅ Pēpilön, ngaich cha-a min nö kūön alaha ò, pò chu kē-ĕkūö ò tö në töṙeūla el ngam kahôyö inrē,

YERIMIĀ 27:8

Yē öp pumnāmö tarik pöri hēk öp pūlngö min nö öt kūönkūö ngòh Nepukatnēsar rācha aṅ Pēpilön, nö hakeunlö likeunre tö ngam kaneun öp rācha aṅ Pēpīlön, sācha tī chin min töp pumnāmö tarik aṅtī tö sanët, inyāichö, tölëlngö kūö invah inrē ṙô ngam Mā Tēv, hanöng saha chu min keuheūtngen e löktö eltī ò.

I. CHÖNGÖ 28:48

Lökten man kūön alaha yip tö kunyahaelmat tö meh yip tahīntö ngam Mā Tēv min nö lā-al meh, i neūkö, inṙehe nômö, linchôyö, hanāten inrē tö taṙòkhöre chehen: hakeunlen meh an min tö vët kaneun nö i likeun meh, hanöng saha hanatngö tī ò tö meh.

INLAHEN 15:10

Lökten, kūöyòh öi kalah ngam Tēv; öi hakeunlö elranôṙö yip mahaköp, tö ngam töt rēhĕn nö kanô-òṅ yik muvöhngö hī öt rēhĕn ayī-ö kô keūnö e?

T. MËTIV 11:29

Keunlöre yin töm kaneun Chu; haköp inrē öi in Chu; tön töṙēm Chin, töyāichö ellōn inrē; ngaich kôtökūö yī-ö mīnö tö haneūheu nômöre.

INRĀMÖRE 4:19

Veut yip lamū-u hī tö nup matēṙö el taṙul; lū-u in tö cha i kui rôngö, hayūnö hī yip nö el-inchōn.

YERIMIĀ 27:2

Ngö ṙô an ngam Mā Tēv tö chu, Vī chehen re man tö uk kinpòk kaneun nuā inrē, hakeunlö u pömchö i likeun re.

YERIMIĀ 51:58

Ngö ṙô an ngam Mā Tēv yip tömaṙôngö: Öp töpōitāk kinlōngö Pēpilön min nö haṙôntu nö i kui tumlat, nup inkūp ò inrē tömarô-òl-kui nö föngtukūö min tö tameūyö. Chök alaha tarik nö lā-evṙen, hacheiköre inrē pumnāmö tarik tö töng pôḵ tameūyö.

MAIKA 2:3

Lökten an ngam Mā Tēv nö ngö ṙô: Yĕh meuk, vīten tötlöök chin lā-al ngih mupīhö; ngam ṙeūngö yīö min öt kēngö likeun re, ötrēhĕn yin min öi hakeūṙöre; pò e nö tötlöök nö ṙētak.

INRĀMÖRE 1:3

Ngaich ök Yūtā nö chuh el inhötngö tökūö kanihngen kūö tö kihngen inköhngen inrē; ngaich an töngamuh nö iyöng in yip pumnāmö tarik, hö-ö pöri nö kôtökūö tö chūök haneūheu; kôlö yip lamū an nö in ò nö ellōn nup kanihngen ò.