INRĀMÖRE 5:22 - TÖHET LĪPÖRE (Re-edited) Bible (BSI)

²² Hēk ngaich ṙöng öm sōḵen ih takô? Kiröngö tanānyö ṙöng öm in in?

INRĀMÖRE 5:22 Referans Kwoze

HŌSĪ 1:6

Pirūkö nyīö hēk anga-aṅ, ngaich kayôḵnyö kikānö nyīö. Ngaich ngö ṙô ngam Mā Tēv tö Hōsī, Havëkö minë-enyò nö Töt aheuk huvö: pò chu ngaich öt ōtre neūkölōn tö patī Israel, töp lökten chu aṙēlen cha min.

ISIKĪ-ĔL 37:11

Ngö ṙô ngaich anga-aṅ tö chu, Kūön tarik, aṅ patī Israel nun në tangëḵ nö ṙòkhöre. Yĕh meuk, ngö ṙô yip, Nyôngö nun në tangëḵ ih, chatngen ök ṙinātö ellōn ih; tökngö in öi rökiṙen.

Isayā 64:9

Ō Mā Tēv uh man kalē-ĕ lanīnö, um köpölōn inrē örheūheu tö kanöölö ih; yĕh meuk, ngëicha, tarik meh in īhö ṙòkhöre.

Salmai 44:9

Ngaich pöri më-eṅ töngamuh pehngen ih, kētu inrē tö meh i minṙēngö: öt in ih inrē më-eṅ kiyung.

Salmai 53:5

In e cha-a nö pōi pinhëṅ-eṅkūö, i chūök tö rö-ö pinhëṅ-eṅkūö: pò ngam Tēv nö pirāt nup tangëḵ ò, ngam mi-iyöngtöre nö lā-al Meh; ngaich Man sumrōngngökūö cha, pò ngam Tēv nö sō-en cha.

YERIMIĀ 7:29

Kamöpngö keūyö re yin kavalngö e ngaich; harāmöre pōitô ikui minë rung töngāsökui, pò ngam Mā Tēv nö sō-en ane inrē ṙāngen ngam tumköl chap nö i lanīnöre.

YERIMIĀ 14:19

Keuheūtyöre öng Yūtā nö sō-ov tö meh? Sa-òkkūö lōn öm tö Sīyôn? Kūöyòh öm hachökö ih töp lökngen ih ötlanë-enṙen? Ngëichkö lanāmö in, öt yih pöri tölöök; ṙētak linë-en, meuk pöri nöng pinhë-eṅkūö.

Salmai 74:1

Ō Tēv, kūöyòh ömeh kavalngen ih örheūheu: kūöyòh öp lanīnö Meh nö lullöre nö in në sīṅp ha-aṅhal Meh?

Salmai 79:5

I rô-òten Öm min līn in ih, Ō Mā Tēv: höng örheūheu?

YERIMIĀ 6:30

Rupīö yin nö tö-sō-ovö tö ṙô, pò ngam Mā Tēv nö sō-en cha.

ISIKĪ-ĔL 24:13

Öp mum ötlanöökö yīö ap yech e. Pò chu hòṅ ahetlen yīö ngaich rö-ö yī-ö hetlöre ṙā-ang i nup mum yīö, hö-ö yin min hēk ahetlöng hanöng saha chu hatööḵngen ap tanānyö chu in yīö.