INRĀMÖRE 4:6 - TÖHET LĪPÖRE (Re-edited) Bible (BSI)

⁶ Pò ngam chinökṙen ap kikānö kūön yip tarik chu nö kiröng tö sācha Sôtöm, ök töng öt rô-òtuṙen tinṙölngö, öt lūöltöre eltī nö in e.

INRĀMÖRE 4:6 Referans Kwoze

Ranehlö 19:25

Ruvalngö nuk elpanam angā-aṅ, ṙòkhöre nuk töṙā-akūö panam, ṙòkhöre yik aṅ nuk elpanam, nuk tösīöp inrē ikūö ngam tumlat.

T. LŪKÖS 10:12

Ngö ṙô Chin tö yīö, Mööḵlö ṙôkhangen ötkanôlò an min angū-ö panam, tö Sôtöm, ip hē e angū-ö sakāmö.

T. LŪKÖS 12:47

Ngaich ngòh kūön, ngòh tö-akahalōn tö lōn ap yöngre, ngan rö-ö nö halēna, ötrēhĕn nö la-evṙen nö sā lōn ò, anga-aṅ min tö ṙōlhöt finôhò.

T. MËTIV 24:21

Tön yöng ötkanôlò öp min, öt töngati-ivö, hēten tö ranehlö ngih panam, söl ing töngamuh; öt rēhĕn nö môkö.

TANĪ-ĔL 9:12

Haköpngö minë ṙô re an nö ngaich nup ṙô ò nö lā-alkūö hī yip mahayöngö hī inrē, cha-a yip mahayöngö hī, nö kētö kui hī tö tökiröng öt kanôlò; pòn keuheūtnyöre elkatòh ngam halīöngö nö öttöngatī-ivö nö sā ngam tö ngaich i Yērusalem.

INRĀMÖRE 4:9

Ṙāmölōn yip pôḵ sanët nö mötlö tö yip pôḵ kinpahare, yip tölëvngö chök tökūö törö-ö ṙòng aṅ ngam kahôyö.

Ranehlö 19:24

Ngaich ngam Mā Tēv nö chihūḵtö ihong tameūyö, tameūyö inrē nö ikui Sôtöm, Kômòra inrē, ṙā-ang im Mā Tēv nö löktö el halīöngö;

YERIMIĀ 20:16

Hökngen öp tarik anga-aṅ yēḵ nö sā minë elpanam minë tö tiṙöli tö ngam Mā Tēv nö öt aṙē-ĕlōn; hökngen ò nö hang hinū-a tö peuheū pinhe-eṅkūö inrē i ranònglö ngam sakāmö,

Isayā 24:2

Ngaich angū-ö min, sā e nö in yip tarik ngatī min nö in yip kūönṙô; sā e nö ip tarik alaha, ngatī min nö in öp yöngṙen ò kikōnyö; sā e nö in öp kikānö tarik alaha, ngatī nö in öp yöngṙen ò kikānö; sā e nö in öp mī-inyīha, sā e nö ip töhaṙūönghukūö; sā e nö in öp kamëḵ ṙāi inṙūöngkö rupīö, ngatī in öp kamëtö ṙāi inṙūöngkö rupīö nö in ò.

YERIMIĀ 23:14

In yip pròfĕt pöri i Yērusalem öich meuk pinhë-eṅkūö: asĕha yip lök i minyôny-aṅ inrē; hangëḵlö kël yip tötlöökö la-en cha-a, lökten nö öthĕng tak mahavööngökūöre töngam öt lanöökö ò; ṙòkhöre yip nö vītöre nö sā Sôtöm nö in chu, yip aṅ e inrē sā Kômòra.

TANĪ-ĔL 8:25

Lökten i milichngen ò min anga-aṅ nö vīten inchīlö nö teunglen nö eltī ò, ngaich anga-aṅ min nö ellōn re lōn nö hapōilöre. Höng rultöre öp min nö fëlngö tömaṙôgö; ngaich uroh min anga-aṅ nö chōholre nö lā-al öp Rācha kūö vē rācha; ohngö pori min anga-aṅ nö öt lökngö eltī tarik.