INRĀMÖRE 4:22 - TÖHET LĪPÖRE (Re-edited) Bible (BSI)

²² Sācha öt lanöökö meh an, Ō kikānö kūön Sīyôn, teungtökūö nö ngaich hö-ö man min haköpi tö ò el ngam inhötngö; ngam öt lanöökö meh pöri, Ō me-eṅ kikānö kūön Ētöm, sā-cha min tö tī ò, hameuknyu nup min tökööl meh tö ò.

INRĀMÖRE 4:22 Referans Kwoze

Isayā 40:2

Vë-ekūö Yērusalem ṙēmöṙô, vë-enynang ò inrē tö ngam kinyūngö ò nö keuheūten, tö nup tökööl ò inrē nö aṙēlöngö; tö ò nö nëtö taneūngen nö eltī ngam Mā Tēv nö ṙënngen nup tökööl ò.

YERIMIĀ 50:20

I nup sakāmö anū-ö ip ṙētak angū-ö inrē, ṙô ngam Mā Tēv, Chöhöh min öp öt lanöökö nö in Israel, ngaich hö-ö-vö min nö umuh; tökööl i Yūtā inrē ngaich öt kôti min; pò chu min aṙēlen cha yip töṙātu nö chööḵṙen.

Salmai 137:7

Ō Mā Tēv, köpölōn Man lā-al yip kūön Ētöm i sakāmö Yērusalem nö fukngö, yik tö ngö ṙô: Piṙāptö kui e, piṙāptö kui e! Söl ip rööntö machööḵlö e.

MALAKI 1:4

Löknyö ṙô Ētöm nö ngö ṙô, Ngaich in ötkô, havantöre pöri min ayī-ö mānö inrē, i minë töt aṅhaṅvkūö chūökö; ngö ṙô an ngam Mā Tēv yip tömaṙôngö, Mānö yip min, tiṙölhanga pöri chū-ö min: ngaich min yip tarik nö kaheukngen cha nö kūöngö panam öt lanöökö ane inrē tarik chūök lanīnö ngam Mā Tēv nöng örheūheu.

ISIKĪ-ĔL 37:28

Ngaich akahalōn min vē pumnāmö tarik tö chu öich Mā Tēv ma-ahetlen Israel, yē öp töhet chūök chu nö örheūheu nö elṙôngö cha.

INRĀMÖRE 4:21

Haṙamlōnre ṙāmölōn inrē, Ō kikānö kūön Ētöm, mi-iyöng ip panam Us; söömhukūö pöri me-eṅ min tö ngam chūök òk; hiyōi man min ṙòngngö inyut re inrē öm chumlal.

INRĀMÖRE 4:6

Pò ngam chinökṙen ap kikānö kūön yip tarik chu nö kiröng tö sācha Sôtöm, ök töng öt rô-òtuṙen tinṙölngö, öt lūöltöre eltī nö in e.

YERIMIĀ 33:8

Ahetlen cha chin min ṙā-ang i nup fālen tökööl cha nö in chu, aṙēlö nup fālen tökööl cha chin min inrē ök inhôngen chu inrē.

YERIMIĀ 32:40

Vīten kinlēḵngô chin min in cha nö töt chanūhuvṙen, hòṅ chu öt havööngökūöre tö tölöök la-en in cha; kēhĕt ellōn cha chin min inrē tö pinhë-eṅkūö cha tö chu, hòṅ cha nö öt havööngökūöre tö chu.

Isayā 60:18

Öt ōtre hināngö min chanökhuṙen nö im panam meh, inhatngö hēk tinṙōlhanga nö ellōn ngam panam meh; Inyööken pöri min ṙô meh tö minë kinlonglö meh, nöinyö inrē minë inkūp meh.

Isayā 52:1

Aṅhen, aṅhen, kē ngam kumlēḵ re man, Ō Sīyôn; hayutlöre tö nup tövai tökiröng inyūt, Ō Yērusalem, töhet elpanam; pòn öt hēk min nö yih nö in meh yip töt tunyīnyi töthet inrē.

YERIMIĀ 33:7

Havan tö nup kanôlò Yūtā chin min kanôlò Israel inrē, ngaich vīlen u nö sā re ik raneh.

YERIMIĀ 49:10

Luhngö hilā Isô pöri chū-ö nö chumlal, hameuknyö nup töhayūni chin in ò, ötkô an nö hanyatngöre. Fëli yip kūön ò nö ngaich, yik mak alaha ò inrē tö yik hol ò; öt ōtren ap nö ngaich.

ISIKĪ-ĔL 6:12

Anga-aṅ öp tömarôvat min kapah kūö tölëlngökūö invah; anga-aṅ öp töröhta min fukngö tökūö sanët; anga-aṅ öp tö-ōtre öp tölākiṙen kapah min tökūö inyāichö. Ngatī tī chin min keuheūtngö ngam inngëṅṙöre i kui cha.

MALAKI 1:3

Surīkhen Isô pöri chū-ö, ngaich vīten minë rôngö ò nö töt aṅhaṅvkūö, ngaich kēngö ngam amin ò nö i nup am elinchōn el ngam tönyalnyi.

OPĒTIĀ 1:10

Kūö ngam chanökhuṙen nö ngaich nö ik kahëm meh Yāköp kahultu kui man min tö sumrōngkūö, ngaich rökiṙen min me-eṅ urāḵngen.