INRĀMÖRE 4:17 - TÖHET LĪPÖRE (Re-edited) Bible (BSI)

¹⁷ Chëyö mat in ngaich örheūheu höngkö tötöl hinòlṙen; im hinöönga tö hī höngkökūö pumnāmö tarik ayī-ö öp tötkô nö hayööken hī.

INRĀMÖRE 4:17 Referans Kwoze

ISIKĪ-ĔL 29:16

Ngaich öt hēk min nö inyönglen patī Israel, nö fēlen cha tö öt lanöökö cha, hē cha nö in cha nö havöötökūöre nö hòṅ hōluṙen. Ngaich möl min cha-a nö akahalōn tö chu öich Mā Tēv.

Isayā 20:5

Ngaich cha-a min nöng ngangngö kūö sirōngkūö inrē, tökūö ngam tömeūkka tö cha aṅ Itī-ōpiā ngam kanôlò cha inrē i Aikup.

2 RĀCHA 24:7

Ngaich ök rācha aṅ Aikup nö öt yih nö hēk nö ṙā-ang ip panamre: pò ök rācha aṅ Pĕpilön nö keuheūtlöre tī tö nuk panam ök rācha aṅ Aikup nö kē-ĕ u, löktökūö ök Kun Töhëm Mak i Aikup söl ip tahël Yūfratīs.

INRĀMÖRE 1:19

Havëkö yip hanāngenre chin hachīlö chu pöri cha-a; lëlngö nö im elpanam yik kūönṙô chu mā chu inrē,I saha cha nö chöh nya-aṅkūöre nö hangëḵlö kumlēḵre.

INRĀMÖRE 1:7

Köpölōn an Yērusalem tö nuk sakāmö kanihngen ò tö inngū-öṅ inrē tönuk töpōi ṙāi chehen ò nuk mī-in ò nö löktökūö i nuk hötṙeh sakāmö. Hē yik tarik ò nö fuk eltī ök lā-alre, ngaich öt hĕng tak umuh nö holṙen ò, ṙamngö vah ò ngaich ök lā-al ò,hayëḵngen fanukngö ò.

YERIMIĀ 8:20

Ngaich ök hē inmūlòng, keuheūt ök nö ngaich sikehngö, ngaich rö-ö ayī-ö hayöökaṙen.

YERIMIĀ 2:36

Yöng minhôiṅyö meh öm havötköre haṙīkö talöököre sumrōngikūö man min tö Aikup sā meh ngaich sumrōngikūö tö Asīriā.

YERIMIĀ 2:18

Asuh ap töngamuh taneūngen meh i chinūhuh Aikup, inôkö mak nup Na-īl? Hēk asuh ap taneūngen meh i chinūhuh Asīriā inôkö up mak Yūfrātīs?

Isayā 28:18

Ngaich min ngam kinlēḵngô meh i kinpaha nö hö-övö, ngam hanô-òlōn meh inrē i chūök tökapah nö ötköp min; hē ngam, töyahlö chinökṙen nö lök umuh min, ngaich yī-ö min rööntukui tö e.

YERIMIĀ 2:37

Ṙā-ang in e man min inrē kiröönngöre öm holtö nup eltī re nö elkui meh, pò ngam Mā Tēv nö sōḵen cha yip chūök meh hayönglenre, hö-ö man min inrē kanôluṙô lā-in chu.

INRĀMÖRE 5:6

Tarāktö këlre in in Aikup, Asīria inrē öi kē kanô-òng kūöre tö nyā-aṅkūö.