INRĀMÖRE 4:13 - TÖHET LĪPÖRE (Re-edited) Bible (BSI)

¹³ Kūö tökööl yik pròfĕt ò an angū-ö öt lanöökö yip kūönṙô ò inrē yik kumtaknyö mahām tölöök tarik nö ellōn ò.

INRĀMÖRE 4:13 Referans Kwoze

YERIMIĀ 5:31

Minyôiny-aṅ ṙô yip pròfĕt, ṙô-ôv, hayöng yip kūönṙô inrē nö i kū-ölōn cha; hāngenlōn yip tarik chu tö e nö ngatī, sitih inlahen öm min me-eṅ yē öp manāngen nö yih?

YERIMIĀ 6:13

Löktökūö tökūönö söl i yip tökiröng kūö cha, ṙòkhöre yin nö töyal tö michūṙen taneūngen; löktökūö, pròfĕt inrē söl I kūönṙô, ṙòkhöre yin nö michūṙen nö i la-en re.

T. MËTIV 23:31

Lökten yin yih ngaich, eūköre kūön cha, yik famëlngö yik pròfĕt.

INRĀMÖRE 2:14

Meuk minyôiny-aṅ yip pròfĕt yīö inchīl elmat inrē tömeūkö; hö-ö yip nö hameuk tö öt lanöökö yīö hòn havanten yīö öre i kanòlò yīö, meuk töminyôiny-aṅ pöri cha-a tömeūkö inlō-ongkūö inrē.

INLAHEN 7:52

Ök yòh ök pròfĕt tö rö-ö nö öthakôlöngṙô tö yik muvöhngö yīö? Ngaich cha-a inrē nö fëlngö yik mū-urĕh mahameuktö yanihih ngam Tölöök. Yī-ö yin kamëḵngen Ò töngamuh, famëlngen Ò inrē;

YERIMIĀ 14:14

Ngaich ngö ṙô ngam Mā Tēv tö chu: Minyôiy-aṅ ṙô yip pròfĕt nö i minë-eny chu; hö-ö chin tīnten cha, ötrēhĕn tölṙô cha hēk vë-ekūö cha. Vë-eny maheuṅkre; yip nö in yīö tö miynôiny-aṅ; chinông alaha töt kanôluṙô, inchīlö inrē aṅ el kuilōn cha.

YERIMIĀ 2:20

Pò meh ngaich marô-angen likölngö ngam kaneunre litòkngö nyanëkngöre inrē; ngaich ngö ṙô me-eṅ, Hö-ö chin hòṅ lök la-en meh. Hôṅ, i kui rung man tö-marô-òlkui el katòh tö-ayālö rōi chōn inrē öm sōn-ngöre sā mī-inyihköre kikānö.

YERIMIĀ 2:30

Chök alaha tī chin chökṙen yip kūön yīö, hö-ö cha-a nö kēḵ chinökṙenre; keuheūtngöre yik pròfĕt tökūö sanët yīö sā ngòh lāyön töyal.

ISIKĪ-ĔL 11:6

Ngaich man ṙūölö ṙôngö yip töfëli in ngih elpanam, hatööḵlö el në talöökö inrē tö töfëli.

ISIKĪ-ĔL 22:25

Yip kūön rācha ellōn ò nöng sā sumṙöp lāyön nö tich pôḵre; ngaich yip nö ngeūṅktö nômö tarik; ngaich yip nö kē kanôlò töpōi ṙāi chehen inrē; pōyen tī yip tö fafiösī nö ellōn e.