INRĀMÖRE 4:11 - TÖHET LĪPÖRE (Re-edited) Bible (BSI)

¹¹ Hateungngö lanīnöre an ngam Mā Tēv, ṙösnyö ngam töṙāch an nö ngaich tanānyöre; tōttökūö tameūyö an inrē nö i Sīyôn, öp töṙāpngökūö tö rööntö machööḵlö e.

INRĀMÖRE 4:11 Referans Kwoze

ISIKĪ-ĔL 22:31

Lökten chu ṙösnyö ngam lanīnöre i kui cha; haṙāpngen cha chin i kūö tameūyö ngam lanīnö chu; havahlö ngam talöökö cha chin nö i kui cha, ṙô ngam Mā Tēv.

YERIMIĀ 7:20

Lökten ön nö ngö ṙô ngam Mā Tēv: Yĕh meuk, ṙöhtö ngam lanīnöre chin tanānyö chu inrē ikui ngih chūökö, ikui tarik, töṙeūla inrē, ikui chōng elkahôyö ikui ṙòng aṅ ngih tumlat inrē; hūkūö öp min öthannyangngenkūö.

INRĀMÖRE 2:17

Ngaich tī an ngam Mā Tēv im chööḵnyö ò, hateungngö ngam inngāṅngö an; halēnlö e an nö marô-òten misī, öt aṙē-ĕlōn an nö tiṙölhanga; ṙāmölōn tī an nö ngaich tö ngam tökunyaha elmat tö meh, ngaich nö hapōilö minhôṅyö më lā-al meh.

YERIMIĀ 17:27

Yē yīö pöri öt hang ṙô chu, öi haköp ngam anôilö sakāmö nö töhet ui keun kūmö inrē öt kuhēthötre lökhöt minë inkūp Yērusalem hē el anôilö nup inkūp e, ngaich angū-ö min nö ṙāpngö kūö tö nup patī rācha i Yērusalem, ngaich hö-ö min nö hanyāngikūö.

T. LŪKÖS 21:22

Tön anū-ö nup sakāmö kinṙôka, hòṅ ṙòkhöre nup tökūichiyö nö teungten.

SAKARIĀ 1:6

Në ṙô chu tö në chöngö chu inrē, në hachöngten chu in yip tarik chu pròfĕt, röh yik nö kô-òl nö in yik muvöhngö yīö? Ngaich havöökūöre cha-a nö ngö ṙô, Sā lōn ngam Mā Tēv yip tömaṙôngö nö tī-iv nö in hī, asā nuk talöökö hī, asā nuk la-en hī inrē, ngatī tī anga-aṅ nö lök alaha hī.

TANĪ-ĔL 9:12

Haköpngö minë ṙô re an nö ngaich nup ṙô ò nö lā-alkūö hī yip mahayöngö hī inrē, cha-a yip mahayöngö hī, nö kētö kui hī tö tökiröng öt kanôlò; pòn keuheūtnyöre elkatòh ngam halīöngö nö öttöngatī-ivö nö sā ngam tö ngaich i Yērusalem.

INRĀMÖRE 4:22

Sācha öt lanöökö meh an, Ō kikānö kūön Sīyôn, teungtökūö nö ngaich hö-ö man min haköpi tö ò el ngam inhötngö; ngam öt lanöökö meh pöri, Ō me-eṅ kikānö kūön Ētöm, sā-cha min tö tī ò, hameuknyu nup min tökööl meh tö ò.

INRĀMÖRE 2:8

Kalē-ĕlōn an ngam Mā Tēv nö tiṙölngö ngam kinlōngö ngam kikānö kūön Sīyôn; mikahngö e an nö ngaich nö aṅtī tö tökuvaha; öt ma-īṅ kël re an nö im pinyāihānga; hōnyô kinlōngö an nö haramöre tö nup talöökö i kui kinlōngö inrē, holre anū-ö nö öt ngëḵngöre.

YERIMIĀ 21:14

Sācha tī chin min tö meh asā ṙòng nup la-en meh, ṙô ngam Mā Tēv,; tōttökūö tameūiyö ngam el inchōn meh chin min, ngaich angū-ö min nö ṙāpngökūö tö nup mahavīlen ò.

YERIMIĀ 13:14

Ngaich chū-ö min pinyānyen cha nö lā-al höö, kikōnyö yöng tö kikōnyö kūön inrē, ṙô ngam Mā Tēv. Öt miṙe-ĕvlōn chin min hēk öt ṙā-al hēk öt aṙē-ĕlōn, töp lökten chu öt piyāingen cha.

YERIMIĀ 36:7

Amahtuṙen ap min ṙô cha nö havë-a nö söl ikūö ngam Mā Tēv, ngaich kö havööngökūöre min cha-a nö ṙā-ang tötlöök talöököre, pòn kiröng ngam tanānyö lanīnö ngam Mā Tēv inrē töṙônyu nö lā-al vē tarik.

ISIKĪ-ĔL 6:12

Anga-aṅ öp tömarôvat min kapah kūö tölëlngökūö invah; anga-aṅ öp töröhta min fukngö tökūö sanët; anga-aṅ öp tö-ōtre öp tölākiṙen kapah min tökūö inyāichö. Ngatī tī chin min keuheūtngö ngam inngëṅṙöre i kui cha.

ISIKĪ-ĔL 36:18

Lökten chu hōngtö ngam lanīnö re i kui cha tökūö nuk mahām kitak tö cha nö im panam, kūö nup insātēv nup aṅti cha nö hachōichgö e.

SEFAINIĀ 2:2

Urēhĕkūö öp chöngö nö kēnyu, urēhĕkūö ök sakāmö nö sā chanūhu uk nëlö, urēhĕkūö ngam tökalēḵ tanānyö ngam Mā Tēv nö yih nö i kui yīö, urĕh tö ngam sakāmö tanānyö ngam Mā Tēv nö yih nö i kui yīö.

LA-EN LĒVĪ 26:28

Ngaich i lanīnöre Chū-ö harīkngö talöököre tö yīö, chökṙen yīö min Chū-ö inrē sat van tī kūö nup tökööl yīö.

Isayā 51:20

Tayē alaha yik kūön meh kikōnyö keuheūt kui talöökö yip nö hulalhaka sā Entelòp nö el inhāṅl; tööḵngen yip tö lanīnö ngam Mā Tēv, tö ngam vinë-a aṅ im Tēv yīö.

INRĀMÖRE 2:1

Yöng tī ngam Mā i tanānyö ò nö ṙātö ngam kikānö kūön nö el katòh taṙul! Löktö el halīöngö tī an nö suktö ngam tövai aṅ in Israel nö el tumlat; hö-ö an nö köpölōn tö ngam ranöönö röönre hē öp sakāmö ò.

INRĀMÖRE 2:3

I tanānyöre an nö fangngö yip tökalēḵ in Israel; kēngö ngam këlre an lāhāmö nö ṙā-ang in cha i kūö ap lā-al ò; ökngö ap lā-al ò; ökngö tī an sā kūö töhūkūö tameūyö nö in Yāköp vinngö ngaich nö ṙāpngö.

INRĀMÖRE 2:4

Sōntö linrenyre an sā tökunyaha elmat, ūichhaka an sā lā-al holtö ngam lāhāmö këlre; ngāichövah tī an inrē nö fëlngö inkeūṙö në mat hī el rūkui öp kikānö kūön Siyôn; sā tameūyö tī an nö hōngnyö ngam tanany elmat re.