INRĀMÖRE 3:57 - TÖHET LĪPÖRE (Re-edited) Bible (BSI)

⁵⁷ Ngaich me-eṅ haröhtöre öm yih hē chu havëken meh; ngaich ngö ṙô me-eṅ, Un pa-ekūö!

INRĀMÖRE 3:57 Referans Kwoze

Isayā 41:10

Uh man pa-ekūö, tön in meh chin; um ngangngökūö, tön chū-ö chin Tēv meh: hangëṅlen meh chin min; hôṅ, holṙen meh chin min; hôṅ, ṙapken meh chin min aṅtī tö lahāmö kël ngam lanöökö chu.

YĀKÖP 4:8

Ṙūötöre im Tēv, ngaich ṙūötöre min anga-aṅ nö in yīö. Söichlö eltīre yin, yī-ö tököölö fālen, yī-ö tö ka-ānga ellōn.

Isayā 58:9

Ngaich sapṙô meh min ngam Mā Tēv, yē meh havëken ò; havë-a min me-eṅ, ngaich ngö ṙô min anga-aṅ, Ihih chīni, Yē meh kēngö ngam kaneun nö ṙā-ang elṙôngö yīö, ngam sin-ôkömat, ngam kinakkö tötlöök inrē;

INMEUKHÖMAT 2:10

Uh man pa-ekūö tö u nup töt ṙôktörevö kanihngen meh; yĕh meuk, tö ngam sī-ö nö hòṅ rultöre nö sukhöt yip rēvre tö yīö nö el kinlōngö, hòṅ yīö kalaha; kanihnguṙen yin min söm sumkam. Söl i kinpahare kanô-en man yēḵ, ngaich kē-ĕkūö meh min chu-ö tö sapīöv aṅ i nômö.

Isayā 41:14

Um pa-ekūö, Me-eṅ kamlökö Yāköp! Yī-ö inrē tarik Israĕl; holṙen yīö chin min ṙô ngam Mā Tēv; ngam Töhĕng tak Töhet aṅ Israĕl ṙamānyen meh.

Salmai 145:18

Röhta An ngam Mā nö in cha yip mahavëken Ò: in cha nö ṙòkhöre yip tökô-en nö havëken Ò.

INLAHEN 27:24

Ngaich ngö ṙô ök ma-ahānga. Um pa-ekūö, Pôl; hòṅ sökhak man I kūö Kaisöör; kē-ĕkūö meh An inrē ngam Tēv, tö yip hol aṅ meh.

INLAHEN 18:9

Ngaich ngam Mā nö ngö ṙô tö Pôl, tö hatööm, lökten ik maheūṅk ò Uh man pa-ekūö; iṙuhöṙô; um ṙāngôre.

YERIMIĀ 1:17

Nyëk ṙāt re pöri yī-ö; chōholre ngö ṙô tö cha keuheutnyöre ṙô tö nup tinölô yīö tö chu. Ui pöö-öng kūö tö cha, hòṅ chu öt pinhëṅtökūö yīö i kūö cha.

Salmai 69:18

Haröhtöre im nômö chu, ṙānyen e inrē: havaha chu, tön kumnyah elmat chin.

INMEUKHÖMAT 1:17

Ngaich hē chu meukan, ngaich fukngö chu-ö iröön Ò sā kupah, Ngaich lāhāmötī anga-aṅ nö ṙātö eltīre nö in chu, Un pa-ekūö, nö ngö; Chu-ö Chin raneh, manā-aṅ inrē,

HEPRĀI 7:19

(Pò ngam chöngö nö öt vahītuṙen tö töteungten) ane inrē kumtö öp tö ēhten mineūka nö in e, ngam löktö hī ṙūöhtöre im Tēv.

Ranehlö 26:24

Ngaich ngam Mā Tēv nö hameuktöre nö in ò im angū-ö hatööm, ngaich ngöṙô, Chu-ö Chin Tēv Aprahām ök yöng meh kikōnyö: un pa-ekūö, tön holtöṙah meh Chin, hakôlò meh Chin min, ṙūölö ṙôken ap kūön meh min inrē, pòkūö ök kūön alaha Chu Aprahām.

2 RĀCHA 19:6

Ngö ṙô ngaich ang Isāyā tö cha, Ngö ṙô yin tö ap yöng re, Ngö ṙô An ngam Mā Tēv, Uh yin pa-ekūö tö nuk ṙô ahang yīö, nuk ṙô yik tarik ap rācha aṅ Asīriā nö ötlēkôre tö chu.

Salmai 138:3

Ip sakāmö chu havëken Meh ngaich sapṙô chu Me-eṅ: haruhlö alaha chu Man ngaich, tö kumlēḵ ellōn chu.