INRĀMÖRE 3:42 - TÖHET LĪPÖRE (Re-edited) Bible (BSI)

⁴² Tôichngen in ngaich ahôngen inrē, ngaich rö-ö me-eṅ aṙē-ĕl.

INRĀMÖRE 3:42 Referans Kwoze

NAHIMIĀ 9:26

Sönngenre pöri cha-a nö minôṙô nö ahôngen meh inrē ngaich kavalngö ngam chöngö nö lā uk re ngaich fëlngö yik pròfĕt meh, yik vamë-ekūö cha nö hōten cha nö havantöre nö in meh nö hēk, ngaich cha-a inrē nö kēken tökiröng nö inchōichngö minë-eny.

SAKARIĀ 1:5

Yik muvöhngö yīö isuh yip? Yip pròfĕt inrē örheūheu yip nö aṅ?

ISIKĪ-ĔL 24:13

Öp mum ötlanöökö yīö ap yech e. Pò chu hòṅ ahetlen yīö ngaich rö-ö yī-ö hetlöre ṙā-ang i nup mum yīö, hö-ö yin min hēk ahetlöng hanöng saha chu hatööḵngen ap tanānyö chu in yīö.

INRĀMÖRE 5:16

Sukngöre në sapīöv nö ṙā-ang i kui ih; öt kôlò in pò ih köölö fālen!

INRĀMÖRE 1:18

Lā i huneū-eu an ngam Mā Tēv, pò chu ahôngen ṙô; hang pöri, ṙòkhöre yī-ö tarik, ngëichkö kanihngen chu inrē; ngaich yik rēlö chu yik ṙālö tarik chu inrē nö chuh el inkövö.

YERIMIĀ 3:13

Höng akahngenre pöri me-eṅ fāluṙen öm ahôngen ngam Mā Tēv ngam Tēv meh, ngaich pirātngö nuk lōn re i tahëng el katòh tö-ayālö rōi chōn, tö meh inrē öt hang ṙô chu, ṙô ngam Ma Tēv.

2 RĀCHA 24:4

Ane inrē kūö kintaknyö mahām töt akahaṙa; pò ò nö hatööḵlen Yērusalem tö mahām töt akahaṙa: ngaich ngam Mā Tēv nö öt hòṅ aṙē-ĕl.

Salmai 107:11

Pò cha nö ahôngö ṙô ngam Tēv: öt mikūöṙen inrē tö ngam inlēnö aṅ im Latulöng.

YERIMIĀ 14:20

Ō Mā Tēv akahngen öt lanöököre in, tö ötlanöökö yik yöng ih inrē, pò ih ngaich köölö fālen in meh.

ESRĀ 9:6

Öich ngö ṙô: Mā Tēv chu, sirōngkūö chin aṙē-ĕv inrē öich môklökūöre in Meh, Tēv chu kūö në öt lanöökö ih nö reunglöre nö lā tulöng tö kui ih, në fālen ih inrē nö yônlö nö el halīöngö.

TANĪ-ĔL 9:15

Ō Mā Tēv ih, kamënyö vē tarik meh nö ṙā-ang ip paam Aikup nö aṅtī tö kumlēḵ kël re, ngaich vīlö minë-eny re me-eṅ, sā ngih sakāmö töngamuh, köölöfālen in, kēken ötlanöökö in.

SAKARIĀ 1:6

Në ṙô chu tö në chöngö chu inrē, në hachöngten chu in yip tarik chu pròfĕt, röh yik nö kô-òl nö in yik muvöhngö yīö? Ngaich havöökūöre cha-a nö ngö ṙô, Sā lōn ngam Mā Tēv yip tömaṙôngö nö tī-iv nö in hī, asā nuk talöökö hī, asā nuk la-en hī inrē, ngatī tī anga-aṅ nö lök alaha hī.