INRĀMÖRE 3:41 - TÖHET LĪPÖRE (Re-edited) Bible (BSI)

⁴¹ Tā-a töi hachohlö ellōn re këlre inrē imTĒv el halīöngö:

INRĀMÖRE 3:41 Referans Kwoze

Salmai 25:1

Hachohlö ellōnre chin in meh: Ō Mā Tēv.

Salmai 28:2

Hang nup ṙô chu yēḵ vinë-elkui, yē chu havëken meh: yē chu hachônglö këlre kū-ö tö lā tuhēt el ngam töhet chūök meh.

Salmai 86:4

Haṙamlōn ngòh kūön re Man yēḵ, Ō Mā; tön in Meh chin hachohlö ngih ellōn re.

1 TÖSALÒNIKĒ 2:8

Ngatī ihö ṙāmölōn kē-ĕkūö yīö, öt höng ngam tölöök inhangkö ngam Tēv, tön në nômö ih inrē, pò yīö ngaich hanghuṙen tö ih, öi aheuk hòṅ īnu tö yīö.

Salmai 141:2

Hökngen ngam vine-eṅkūö Meh tö chu, nö ṙātu nö i kūö Meh, nö sā lōpān: sā tö kētu tö harap, ngam inchônglö kël chu.

Salmai 63:4

Ngaich hakôlò Meh chū-ö min, i rô-òten chu aṅ: hachônglö kël re chin min i minë-eny Meh.

NGAM LĪPÖRE YŌP 11:13

Yē meh hachipngö ellōn re, hateutngö kël re më-eṅ kū-ötö in ò.

Salmai 134:2

Hachônglö kël re im töhet chūök: hakôlò ngam Mā Tēv yīö.

Isayā 57:15

Tön ngö ṙô An ngam lātulöng ngam tömarô-òl chūök, ngam mī-iyöng im tötchnūhuvṙen, ngam tö minënyu tö ngam Töhet: Iyöng lātulöng chin Töhet chūökö inrē hol ò inrē öp tö haṙivlōn tö tökööl re, töyāichö ellōn inrē, mahā-aṅ ma-alaha öp yāich, ane inrē mahā-aṅ nômö öp töhaṙivlōn tö tökööl re.