INRĀMÖRE 3:25 - TÖHET LĪPÖRE (Re-edited) Bible (BSI)

²⁵ Tölöök an ngam Mā Tēv nö in cha yip hamökken ò, ip nômö chamöhan.

INRĀMÖRE 3:25 Referans Kwoze

Isayā 40:31

Acha-a pöri yip hamökkö ngam Mā Tēv nö tumfömlöng kumlēḵ min: kiteūlöre yip min cha-a nö sā kël matēṙö; fal yip min, ngaich öt hōk nö chei; kiröönngöre yip min, ngaich öt chaṙīvi.

Salmai 37:34

Höka im Mā Tēv, haköp ngam talöökö ò inrē, ngaich anga-aṅ min nö hapōilen meh, öm amīnu tö panam: meūkö e man min, yē yip tötlöök nö rökiṙen.

Isayā 25:9

Ngaich min öp ṙô ip sakāmö angū-ö nö ngö, Yĕh meuk, anga-aṅ ön ngòh Tēv hī; höng hamökken ò in, anga-aṅ an min inrē mahayööken hī: anga-aṅ ngòh Mā Tēv; höng hamökken ò in, ṙāmölōn in min ngaich haṙamlōnre im inyööken aṅ in ò.

INRĀMÖRE 3:26

Tölöök an yĕn hĕng tak öp mahaṙēmngenre nö hökkö öp inyööken aṅ im Mā Tēv.

Salmai 27:14

Höka im Mā Tēv: hangë-eṅre, hökngen ngam ellōn meh nö un pa-ekūö; hòṅ, höka man im Mā Tēv.

Salmai 37:7

Chēvtöcheich im Mā Tēv, ha-möiyöre inrē, hökken ò: um hakihtenre tökūö ò ngam tökôlò nö el talöököre, kūö ngam tarik inrē töteungtö tī tö nup tötlöök halēnlöre.

Isayā 30:18

Lökten an min ngam Mā Tēv nö höktöre, pò ò nö hòṅ aṙē-ĕlōn tö yīö, lökten ò min inrē nö hapōilöngö, pòn hòṅ aheūkölōn tö yīö: pò ngam Mā Tēv nö Tēv inkaha fālen; tökôlò yip cha-a yip hamökken ò.

2 KINṘÖTNGÖ 31:21

Ṙòkhöre nup la-en ò nup kahëken ò nö i la-en ngam patī ngam Tēv nö sā ngam chöngö tö minë inchöngten inrē, chöh ngam Tēvre, hol tö ellōnre anga-aṅ nö la-evṙen, ngaich kôlò.

YĀKÖP 5:7

Kahōlö, hamöitöre yin tölngö ip yanihih ngam Mā. Yĕh meuk ngam töpanô-òṅvö nö hökkö tölöök ṙòng aṅ ngih panam, pò Ò nö möi nö in e, hanöng saha öp manā-aṅ kumṙah.

HŌSĪ 10:12

Teūich tö e inrē im lanöökö, uvòh sā ngam miṙēlōn liruklö ngam tumlat meh töt kuköhö; tön ṙētak chinöhö ngam Mā Tēv an nö ngaich, hanöng saha yanīhih ò nökumṙahtö lanöökö nö i kui yīö.

Isayā 64:4

Löktökūö misī nö öt hĕng tak hamang hēk öt akaha elnang, öt hĕng tak mameuk Tēv öp hol meh, öp töla-evṙen tö pòkūö cha yip hamökken ò.

2 KINṘÖTNGÖ 15:2

Kunyī-inyre ngaich anga-aṅ nö höngkūö Asā, ngaich ngö ṙô tö ò, Hang ṙô chu, Asā, ṙòkhöre inrē aṅ Yūtā Penyamin inrē: In meh an ngam Mā Tēv, isaha meh in ò. Yē meh chöhan, kôtī min anga-aṅ tötī meh, yē meh pöri ṙāngen ò, ṙāngen meh min ang-aṅ.

Isayā 55:6

Chöh ngam Mā Tēv isaha ò nö ṙòngmö kôti, havëken ò isaha ò nö ṙòngmö röhta:

Salmai 61:5

Ō Tēv, pò Meh hang nup ṙô chu, töchūöku kinlēḵngô: ngaich kētö amin chu tö cha yip tö pa-ekūö tö minë-eny Meh.

Salmai 39:7

Mā, suh papkeh ahökkö chu? In meh ap maheūṅkkö chu.

Salmai 27:8

Yē meh ngö ṙô, Chöh ngih kūö chu yin: ngaich ngö ṙô ngih ellōn chu tö meh, Chöh kūö ngam Mā Tēv chin min.

Salmai 25:8

Tölöök an ngam Mā Tēv töchiplö inrē: lökten an min nö haköptö tököölö fālen nö el ngam talöökö.

1 KINṘÖTNGÖ 28:9

Më-eṅ inrē, kūön chu Sòlòmön, akahakūö man tö ngam Tēv ngam yöng meh, lök la-en ò inrē keuheūttö ellōnre holtö töhō kui lōn; tön chöh ellōn taṙòkhöre an ngam Mā Tēv, akaha elmat inrē tö tanūtö ellōn. Yē meh chöhan, kôtö kūö man min tö ò; yē meh pöri ṙāngen ò kavali min më-eṅ tö ò marôvat öm urāngen.

Salmai 119:2

Tökôlò yin vē mahaköp në chöngö Ò: vē chamöhan nö keuheūttö ellōn re.

Ranehlö 49:18

Ō Mā Tēv, hökkö ngam inyööken chin ngaich aṅ in meh.

1 TÖSALÒNIKĒ 1:10

Hökkö ngam Kūön Ò nö ṙā-ang elhalīöngö, ngam hachohlö Ò nö ṙā-ang i yip tökapah, Ang Yēsū, ngam ṙamānyen hī nö ṙā-ang im yamih lanīnö.

Salmai 22:26

Nyā yip min nö tööḵngen yip töyāchö ellōn: Ha-öiny ngam Mā Tēv cha-a min, yip chamöhan; aṅ an yēḵ ngam fanöinylö meh nö örheūheu!

SEFAINIĀ 3:8

Lökten yin hökken chu, ṙô ngam Mā Tēv,hanöng saha ngam sakāmö chu chōholre i nup nyā-aṅkūö; pò ngam kumlēḵlōn chu hamūl pumnāmö tarik, hòṅ chu hamūl në pūlngö, öich vōktö kui u tö ngam lanīnöre, në tökiröng tanānyö chu; pòn ṙòkngöre vah min ngih tumlat nö ṙāpngö tökūö tameūyö öp kumnyahlōn chu.

Isayā 26:9

Holtö ellōnre chin hòṅ īnu tö meh tö el hatööm; hôṅ, hol töp ma-alahare chin nö in chu öi ka-euilökūö chöhöh meh, pò ngam inkaha fālen aṅ in meh yē e nö el tumlat ngaich yip aṅkūö ngih panam nö haköp lanöökö.

Salmai 105:3

Eū-eu re yin im töhet mine-eny Ò: hökngen cha nö ṙāmölōn yip chamöh ngam Mā Tēv.

Salmai 61:1

Ō Tēv, hang ṙô chu: hangihtô chu vë-ekūö Meh.

Salmai 69:32

Meūkö e yip töyāchö ellōn, ngaich ṙāmölōn: yī-ö chamöh ngam Tēv, aṅ ap yēḵ ellōn yīö.

2 KINṘÖTNGÖ 30:19

Yip kamëtö kūö ellōnre nö chöh ngam Tēv, ngam Mā Tēv yik yöng ò, pòrô nö öt sā ngam chöngö hanëtö im töhet chūök.

2 KINṘÖTNGÖ 19:3

Rahëichyen pöri tölöök tökôti nö in meh, pò meh ngaich tiṙōlngö nuk Asēra nö ṙā-ang im panam, ngaich kētö kūö ellōnre inrē me-eṅ chöh ngam Tēv.

ESRĀ 8:22

Pò chu sirōngkūö havëkö kumyung aṅ ip rācha tarik nö lamaklen ih i tö kunyaha elmat tö ih el talöökö ih; pò ih ngāichö ṙô ik rācha, Tö ngam kël ngam Tēv ih nö tölöökö tī nö in cha yip chamööhan, ngam kumlēḵ ngam lanīnö ò inrē nö lā-al cha yip ṙamāngen ò.

Salmai 71:14

Iṙūhen pöri chū-ö meūka: ṙūölöṙô re inrē ha-öinyö Meh.