INRĀMÖRE 3:22 - TÖHET LĪPÖRE (Re-edited) Bible (BSI)

²² Ngam tököp hanāngenlōn ngam Mā Tēv öthētu nö ṙāngenre, nup neūkölōn ò öthētu nö keuheūt;

INRĀMÖRE 3:22 Referans Kwoze

Salmai 86:15

Ō Mā, Me-eṅ pöri Tēv chu, tö tööḵlö tö miṙēlōn, neūkölōn inrē töt veūtö tanānyö, töpōyen miṙēlōn, kanô-en inrē.

T. LŪKÖS 1:50

I tumö yip töpa-ekūö tö Ò, ap neūkölōn Ò.

NAHIMIĀ 9:31

Sön pöri i ṙôkö miṙēlōn meh öm öt ahatngen cha, hēk öt ṙāngen cha; pò meh tö-aṙē-ĕlōn Tēv inrē tötööḵlö tö neūkölōn.

MALAKI 3:6

Pò chu öich Mā Tēv töthaṙīköre; lökten yin, Ō yī-ö kikōnyö kūön Yāköp, öi öt keuheūtngöre vah.

Salmai 78:38

Tööḵlö pöri Anga-aṅ tö miṙēlōn, ngaich aṙēlö nuk tökööl cha: ngaich rö-ö nö halëlngen cha; hôṅ, ṙōlheuh Anga-aṅ nö havanrit lanīnöre, öt ṙūölö nup tanānyö re.

Salmai 106:45

Köpölōn inrē Anga-aṅ tö ngam kinlēḵngô re nö in cha: havöökūölōnre ngaich iṙôken nup miṙēlōn Ò.

Salmai 77:8

Ngaich ök miṙēlōn Ò nö chuhngöre: öt teunglen hòng inrē ap kinlēḵngô Ò?

Salmai 103:10

Hö-ö An nö asā nup tökööl hī nö lök alaha hī: ötrēhĕn nö asā nup tökööl hī nö reushen hī.

YERIMIĀ 3:12

Kuṙòh ahangkö në ṙô kū-ötö lā kapā, ngö ṙô, Töt kô-en Israel, havantöre, ṙô ngam Mā Tēv. Hö-ö chin min ngëchken meh i lanīnöre, pò chu tö-aṙē-ĕlōn, ṙô ngam Mā Tēv; rö-ö chin min hō örheūheu līn.

YERIMIĀ 30:11

Pò chu in yīö öich hayööken yīö, ṙô ngam Mā Tēv; keuheūtngörit yip pumnāmö tarik chin min yip chūök yīö pirātiyö tö chu, hö-ö pöri yī-ö keuheūtirit tö chu. Chökṙen yīö chin min öich löökö tī, öthō min inrē ṙāngen yīö öi öt sācha.

2 SAMUĔL 24:14

Ngaich ngö ṙô Tāvit tö Kāt, El tökihngen chin: hökngen hī yēḵ fuk eltī ngam Tēv; sā nup neūkölōn ò nö töpōyen; uh chin yēḵ inrē fukngö eltī tarik.

Salmai 69:17

Um hanyatngökūö re tö ngòh kūön re: tön el kanihngen chin, hēṙen sapṙô chu.

YERIMIĀ 31:20

Hanāngenlōn ang Ifrēm nö kūön chu? Tölngö hanāngenlōn chu ang nö nyīö? Pò chu i tum heuh chu lā-alkūö ò, ṙòngmöng köpölōn chū-ö tö ò. Lökten ap ellōn chu nö meūkkenre nö in ò; kô-en chin min aṙē-ĕlōn tö ò, ṙô ngam Mā Tēv.

TANĪ-ĔL 9:9

Aṅ im Mā ngam Tēv ih an ngam miṙēlōn inṙē-ĕl tökööl inrē; pòrô īhö ahôngen ò,