INRĀMÖRE 3:16 - TÖHET LĪPÖRE (Re-edited) Bible (BSI)

¹⁶ Vīten në kanap chu an nö kuṙup kiṙuöh, vīten chu inrē rööichhaka öich tisūmu alaha;

INRĀMÖRE 3:16 Referans Kwoze

INCHŌḴ-OṘÔ 20:17

Pachāka nyā-aṅkūö nö in ngòh tarik töteūngen tö e lökten i inchīlö, unôich pöri öp elvāng ò nö tööḵlö tö kiṙūöh.

YERIMIĀ 6:26

Ō kikānö kūön yip tarik chu, kafānöre tö sāk, pilönöre el tisum; sanòk sā i töhĕng maneuk kikōnyö nyīö, kalē-ĕṙô harāmöre; tön höng röt-ta yanīhih an ngam famël nö in hī.

Salmai 58:6

Ō Tēv, tiṙölngö kanap cha, elvāng cha: Ō Mā Tēv, tiṙölngö nup tö kiröng kanap nup ṙālö lāyön.

Salmai 3:7

Ō Mā Tēv hōklöre; hayööken chu, Ō Tēv chu: pò meh ngaich fatāk tangë arëkūö ngam tökunyahaṅ elmat tö chu: ngaich man tiṙölngö kanap ngam tötlöök.

T. LŪKÖS 11:11

Achiāp öre tö yīö yī-ö inyöngö, öp tö havëkakūö tö kūönre tö ròtī, ngaich kē-ĕkūö ò tö ihong?

T. MËTIV 7:9

Achīö ap öre tö yīö, yē ngam kūön ò nö havëkö ròtī; ngaich kē-ĕkūö ò anga-aṅ tö ihong?

YÔNA 3:6

Ngaich nuk inhānga nö sölta nö ik rācha aṅ Ninēvĕ, chōholre ngaich anga-aṅ nö ṙā-ag el ök kantēra re nö rācha, ṙātö nuk inyut re inrē nö ṙā-ang ò, kahūmöre ngaich anga-aṅ tö sāk, ūichhakṙen ngaich nö el tisum.

Salmai 102:9

Pò chu nyā tisum, nö sā nya-aṅkūö: katĕh òk re inrē tö mak mat.

NGAM LĪPÖRE YŌP 4:10

Öp ṙënṙô lāyön, ṙô öp tö- tainy lāyön, Kanap nup tö-ayāl lāyön, ngaich nö laköli.

NGAM LĪPÖRE YŌP 2:8

Kē raktit tanīöyö ngaich anga-aṅ aṅtī ò nö kiyööhöre, ūichngöre ngaich nö i tisum.