INRĀMÖRE 2:9 - TÖHET LĪPÖRE (Re-edited) Bible (BSI)

⁹ Chalipköti nup inkūp e nö el tumlat; likölngö nuk inkālkūö anga-aṅ nö piyāyi; öp rācha ò tö yip kūön rācha inrē mūlngö nö in yip pumnamö tarik; öt ōtren ngam chöngö, hö-ö yip pròfĕt ò nö meuk aṅ i ngam Mā Tēv.

INRĀMÖRE 2:9 Referans Kwoze

ISIKĪ-ĔL 7:26

Yihtöre ngam ötkanôlò nö i kui ngam ötkanôlò, kintūöyöṙô tömörit tö kintūöyöṙô; chöh öp tömeūkö cha-a nö in öp pròfĕt, ngaich pöri ngam chöngö nö hatngö nö ip kūönṙô, öp inlēnö inrē nö in yip mā.

HŌSĪ 3:4

Pò yip kūön Israel min nö ngöh nö ṙōl sumkam nö öt rācha vö, öt kūönuvö rācha, öt kētuvö tökētu, öt insā-av tēv, öt sörplissu hēk nup teraf.

NAHIMIĀ 1:3

Ngaich ngö ṙô cha-a tö chu, Yip tö ōtren nö aṅ umuh ip panam yip tö kiröngö kanihngen yip tö sirōngkūö inrē; tiṙöli ap kinlōngö Yērusalem, ṙāpngö inrē nuk inkūp e tökūö tameūyö.

2 KINṘÖTNGÖ 15:3

Marô-òten Israĕl nö öt aṅhāṅv in tö ngam tökô-en Tēv, öt aṅhaṅv-in inrē tö mahaköphötī kūönṙô, öt aṅhaṅv-in inrē tö chöngö;

YERIMIĀ 51:30

Yip kumyung aṅ Pēpilön ṙāngenre nö kiyung, höngngöh yip nö el nup chūök re töngëḵ; öt ōtre kumlēḵ yip, vīngöre yip nö kikānö; i kūö tameūyö nup elyöngö ò, laköli nuk inkālngökūö in ò.

Salmai 74:9

Hö-ö in meuk minkahngö re: öt ōtre pròfĕt, öt rēhĕn in aṅhaṅv-in tö tö-akahalōn tö rô-òten.

I. CHÖNGÖ 28:36

Ngaich min ngam Mā Tēv meh nö kēten meh, öp rācha meh inrē öp haūchlö ò nö i kui meh, nö ip pumnāmö tarik töt mikahkūö meh, më-eṅ öt rēhĕn yik muvöhgö meh; ngaich in e më-eṅ min lök la-en tahëng tēv, chōn ihong inrē.

ISIKĪ-ĔL 17:20

Ngaich chū-ö min hanyāknyö ngam inhāṅlre i kui ò, ngaich anga-aṅ min nö kôhöt nö el ngam tinngöp chu, ngaich chū-ö min kēten ò i Pēpilön ngaich kēhötnen ò umuh im inkaha fālen tökūö inhôngen chöngö kahëken ò nö lā-al chu.

ISIKĪ-ĔL 12:13

Ngaich chū-ö min hanyāknyö ap inhāṅl re i kui ò, ngaich anga-aṅ min nö kô-òngvah nö el öp tinngöp chu; ngaich chū-ö min kēten ò i Pēpilön i panam yip aṅ Kālti, sönngenre min anga-aṅ nö ötmeūkö e; ngaich umuh min anga-aṅ nö kapah.

INRĀMÖRE 4:20

Nup unhômö elmeh hī, ngam töhachāmö kui tö ngam Mā Tēv, nö kētu nö el anūlö cha, anga-aṅ ngam ṙô hī ṙung, Iyöng elkatòh sanëôk ò in min in yip pumnāmö tarik.

INRĀMÖRE 4:15

Kē-ĕngre! Tökuvīö ṙô yip tarik tö cha; Kē-ĕngre! Kē-ĕngre! Un lūöla! Lökten cha nö töng atēṙa tö karööna inrē; ngö ṙô tarik in yip pumnāmö tarik, Hö-ö yip nö ngöhören nö iyöng in hī.

INRĀMÖRE 1:3

Ngaich ök Yūtā nö chuh el inhötngö tökūö kanihngen kūö tö kihngen inköhngen inrē; ngaich an töngamuh nö iyöng in yip pumnāmö tarik, hö-ö pöri nö kôtökūö tö chūök haneūheu; kôlö yip lamū an nö in ò nö ellōn nup kanihngen ò.

YERIMIĀ 52:14

Ngaich ṙòkhöre yik kumyung aṅ Kālti yik mi-in ök yöngṙen amahati, nö tiṙōlngö nuk kinlōngö tö vinngö nö i Yērusalem.

YERIMIĀ 39:8

Föngtökūö ök patī ök rācha yik aṅ Kālti tö patī yik tarik inrē, tiṙölngö nuk kinlōngö Yērusalem inrē.

YERIMIĀ 39:2

Im kinhuk sīön samyeūheu Sētikiā, im finënö chingëṅt, im minchūötöre sakāmö ngam chingëṅt, mëngnyi kaha ngaich ngam elpanam.

YERIMIĀ 14:14

Ngaich ngö ṙô ngam Mā Tēv tö chu: Minyôiy-aṅ ṙô yip pròfĕt nö i minë-eny chu; hö-ö chin tīnten cha, ötrēhĕn tölṙô cha hēk vë-ekūö cha. Vë-eny maheuṅkre; yip nö in yīö tö miynôiny-aṅ; chinông alaha töt kanôluṙô, inchīlö inrē aṅ el kuilōn cha.

2 RĀCHA 25:7

I kūö Sētikiā yik kikōnyö kūön ò nö fëli tö cha, pīôknyu nuk mat Sētikiā inrē, halöki ngaich inrē anga-aṅ tö sayōk, ngaich kē-ĕyö nö i Pĕpilön.

YERIMIĀ 23:16

Ngö ṙô an ngam Mā Tēv yip tömaṙôngö: Uh yin hang nup ṙô yik pròfĕt yip vame-eny ṙô nö in yīö, hatööḵngen yīö tö töngtöl tömeūkka; höng ve-eny maheuṅk nup ellōn re yip, rö-ö nö ṙāmā-ang elvāng ngam Mā Tēv.

HŌSĪ 11:6

Ngaich ap fël min nö fuk kui minë elpanam ò, ngaich hatngö tī min tö nup lanaklö cha, ngaich ahatngen u, kūö nup kanahngen cha inlēnö.

AMŌS 1:5

Likölngö ap kālkūö Tamaskös chin min ngaich rökngen yip aṅ e löktökūö öp Achāṙö Aven, anga-aṅ inrē öp ṙamapkö kinchīṙö rācha nö ṙēu-eung i patī Ēten: ngaich min inrē yip tarik aṅ Sīriā nö chuh el inkövö nö i Kīr, ṙô ngam Mā Tēv.

I. CHÖNGÖ 28:63

Ngaich angū-ö min nö sā ngam Mā Tēv nö ṙāmölōn nö vītö tölöök nö in yīö, nö ṙūölö ṙôngö yīö; ngatī min ngam Mā Tēv nö ṙāmölōn nö in yīö nö vīten yīö lëlngö, nö ahatngen yīö, ngaich yī-ö min nyòklöngö ṙā-ang ip panam öp kū-ö yīö kiröönngöre kē-ĕ e nö amin yīö.

1 SAMUĔL 28:6

Ngaich hē Sôl nö hatöntöre nö i ngam Mā Tēv, öt sap ṙô ò ngam Mā Tēv, öt rēhĕn nö lökten i heūvö, öt rēhĕn nö lökten Urim, öt rēhĕn nö lökten i pròfĕt.

Isayā 24:12

Ṙā-ayö an nö ngaich, ngam elpanam nöng öt aṅhaṅvkūö, ngaich an ngam inkūp nö piyāyiyö.