INRĀMÖRE 2:7 - TÖHET LĪPÖRE (Re-edited) Bible (BSI)

⁷ Ngaich an ngam Mā nö minūöṙô tö ngam tahāklö ò, öt hòṅ chūöku an nö ngaich tö töhet; ngaich an nö kētö eltī ngam tökunyaha elmat tö minë kinlōngö patī rācha ò; el patī ngam Mā Tēv ngaich öp ṙô tökunyahalōn nö sā hē sakāmö öp töhakāmi tökiröng nyinā-aṅ.

INRĀMÖRE 2:7 Referans Kwoze

ISIKĪ-ĔL 24:21

Ngö ṙô tö ngam patī Israel; Ngö ṙô an ngam Mā Tēv: Yĕh meuk, hachōichngö ngam töhet chūök re chin min, ngam inkeūṙö mina-aṅ yīö, ngam kumchik elmat yīö, ngam kūilōn yīö inrē; ngaich yip kūön yīö min kīköinyö kikānö inrē yip töṙā-ayö tö yīö nö fuk kūö sanët min.

AMŌS 2:5

Tintö tameūyö pöri min chū-ö i kui Yūta, ngaich angū-ö min nö haṙāpngö nup patī rācha i Yērusalem.

YERIMIĀ 52:13

Ngaich anga-aṅ nö föngtökūö ök patī ngam Mā Tēv, tö ök patī ök rācha inrē ṙòkhöre inrē nuk patī i Yērusalem; keuheūtngöre tökiröng patī nö föngtukūö tö ò.

T. MËTIV 24:2

Ngö ṙô pöri Anga-aṅ tö cha, Röh öi meuk në nö ṙòkhöre? Tökô-ò ṙô Chin tö yīö, Öt hĕng hang min ihong tö: ṙā-ayö nö hachaphen höö, öp tötsuktu min.

MAIKA 3:12

Lökten an min Siyôn tö pòkūö yīö nö kuköhö ël sā panô-òṅ, ngaich Yērusalem min inrē rôngö ngam patī nö sā nup tömarô-òl chūökö el chūölchōn.

ISIKĪ-ĔL 7:24

Kētö yip manā-angkūö ötlanöökö chin min aṅ in yip pumnāmö tarik nö kē në patī nö amin re; keuheūtngen ngam tökalēḵ chin inkeūlen cha, minë töhet chūök cha inrē nö hachōichi.

INRĀMÖRE 2:5

Ngaich an ngam Mā nö vītöre nö sā tökuyaha elmat, ngaich an nö fëlngen Israel; keuheūtngöre nuk patī rācha nö tiṙōli tö ò, nuk töngëḵ chūök piyāyi nö tiṙōli; ngaich anga-aṅ inrē nö ṙūölö ṙôken miṙivlōn inrāmöre inrē in ngam kikānö kūön Yūtā.

INRĀMÖRE 2:1

Yöng tī ngam Mā i tanānyö ò nö ṙātö ngam kikānö kūön nö el katòh taṙul! Löktö el halīöngö tī an nö suktö ngam tövai aṅ in Israel nö el tumlat; hö-ö an nö köpölōn tö ngam ranöönö röönre hē öp sakāmö ò.

YERIMIĀ 39:8

Föngtökūö ök patī ök rācha yik aṅ Kālti tö patī yik tarik inrē, tiṙölngö nuk kinlōngö Yērusalem inrē.

YERIMIĀ 32:29

Yih yip min aṅ Kālti yip kumyung ngih elpanam ngaich föngtökūö ngih elpanam tö tameūyö,haṙāpngö e inrē, kumngöre tī tö nup patī tö-aṅhav uk tö nup tötahūsa tökētu nö in Pē-al tö-ôkö inrē tökētū töṙöstu nö I tahëng tēv nö inrunnyö tanāyö chu.

YERIMIĀ 26:18

Vë-eny mu-unôch tö yīhih ök misī Maika ök aṅ Mōrēset hē nuk sakāmö Hēsikaya rācha aṅ Yūtā, nö ngö ṙô tö yik tarik i Yūtā: Ngö ṙô an ngam Mā Tēv yip tömaṙôngö, Kuköhö an min Siyôn nö sā panô-òṅ, fônghak min Yērusalem nö taṙöli, ngam rôngö ngam patī inrē nö chūök chōn nö i kui e.

YERIMIĀ 26:6

Ngaich chū-ö min vīlö ngih patī nö sā Sailō, ngaich chū-ö inrē min vīten ngih elpanam nö tö rūtiṙen tö vē pumnāmötarik ngih tumlat.

2 KINṘÖTNGÖ 36:19

Ngaich cha-a nö föngtö ök patī ngam Tēv, tiṙölngö ök kinlōngö Yērusalem inrē, föngtökūö nup patī rācha inrē tö tameūiyö ngaich keuheūtngöre tī nö likukngö nuk töpōi ṙāi chūökṙen.

LA-EN LĒVĪ 26:44

Pòrô pöri nö ṙòkhöre anū-ö, yē cha nö i panam yip tökunyāha elmat tö cha, öt sōḵen cha min Chū-ö, ötrēhĕn Öich sa-òkhen cha, Öich keuheūtngöre tī halëlngen cha, ane inrē piyāingö ngam kinlēḵngô in cha: pò Chu Tēv cha Öich Mā Tēv.

LA-EN LĒVĪ 26:31

Ngaich min Chū-ö vītö nup el panam yīö nö öt aṅhaṅvkūö, vītö nup töhet chūök yīö inrē nö öt aṅhaṅvkūö, ngaich Chū-ö min inrē öt tongkö nup tinhūsö yīö.

Salmai 89:39

Sōḵo ngam kinlēḵngô ngam kūön re Man: hachōichngö ngam sapīöv Ò nö el tumlat.

YERIMIĀ 21:4

Ngö ṙô yin tö Sētikia, Ngö ṙô an ngam Mā Tēv, ngam Tēv Israel: Yĕh meuk, havanrit nup aṅtī kumyung chin min nup eltī meh nup aṅti meh inrē kiyung lā-al öp rācha aṅ Pēpilön lā-al yip aṅ Kālti inrē yip lā-uk minë kinlōngö nö havīlen yīö; kēten cha chin min nö holre nö ellōn ngih elpanam.

YERIMIĀ 50:28

Hangihtöre! Falngöre yin öt kô-òngvah inrē nö ṙā-ang ing panam Pēpilön, nö ve-eny in Sīyôn tö ngam invāhalvah aṅ im Mā Tēv ngam Tēv hī, invāhalvah ngam töhet chūök ò.

INRĀMÖRE 1:4

Haṙivlōn nun në talöökö tö kū-ötö Sīyôn, pòn öt hĕng ak yamih nö i nup töhakāmi tökirög nyinā-aṅ; ṙòkhöre në inkūp ò nö öt aṅhaṅvkūö alūhure yip kūönṙô ò; tūökiyö yik aṅ in ò rēlö, ngaich anga-aṅ inrē nö kiröngen kanihngen.

2 RĀCHA 25:9

Ngaich anga-aṅ nö föngtökūö ök patī ngam Mā Tēv, töp patī ök rācha; ṙòkhöre inrē nuk patī i Yērusalem, föngtökūö nuk tökiröng patī anga-aṅ nö keuheūtngöre vah tī.

Isayā 64:9

Ō Mā Tēv uh man kalē-ĕ lanīnö, um köpölōn inrē örheūheu tö kanöölö ih; yĕh meuk, ngëicha, tarik meh in īhö ṙòkhöre.

YERIMIĀ 4:26

Ngëicha chin, ngaich meuk ngam töṙônguvö panam nö kuyāyö el tönyalnyi, ṙòkhöre inrē nup elpanam nö piṙāpi nö tiṙöli i kūö ngam Mā Tēv, i kūö öp tökiröng tanānyö ò.

YERIMIĀ 4:27

Pòn ngö ṙô ngam Mā Tēv, Keuheūtngöre an ngam panam min nö öt aṅhavkūö; hö-ö pöri min chū-ö ahatngen e takô.